今次抽中THE ZTYLE X CHARMING ENZYME亮麗天然植物複合酵素液試飲，飲O左都有差唔多十日，終於飲完成枝啦!!!所以係時候上黎REPORT下比大家知， 成效究竟係點...
Charming Enzyme 亮麗天然植物複合酵素液
$495(特價中$396)/750ML(卓悅)
百份百台灣製造的Charming Enzyme 亮麗天然植物複合酵素液，嚴選當季高山植物、新鮮蔬果、野菜、種子類、根莖類、芽菜類、靈芝、珍貴菇蕈類、天然海藻類，並加入珍貴天然本草等共百餘種植物，再配合日本最新科技益生菌種，遵古法精釀而成。身體有效補充及吸收酵素後，有效調節新陳代謝，對排毒、美顏及修身，都極為有效。
杰身LIQUID FORM
黑色
聞落有D酸酸地，味道係似濃縮既酸梅+醋，如果加水飲就似果醋
減肥既使用方法: 餐前15-30MINS飲30ML原液，每日2-3次，視乎當日進食餐量，除此之外仲有唔同方法(見圖):
日期: 飲用時段* 排便次數:
19/10/2009 : 晚餐前
20/10/2009 : 午餐及晚餐前 2次
21/10/2009 : 午餐及晚餐前 3次
22/10/2009: 早餐。午餐及晚餐前 3次
23/10/2009: 午餐及晚餐前 2次
24/10/2009: 早餐、午餐及晚餐前 3次
25/10/2009: 早餐、午餐及晚餐前 1次 (呢日我貪得意冇飲原液,係加水飲)
26/10/2009: 早餐,、午餐及晚餐前 2次
27/10/2009: 午餐及晚餐前 2次
28/10/2009: 早餐、午餐及晚餐前 2次
*有時冇食早餐,所以1日只飲2次
飲用前身體狀況:
--好肉地既身形，個人偏愛濃味食物，同埋零食，所以易水腫，尤其經前更甚
--排便一向順暢，每日至少去一次TOILET，有時更會去兩至三次；腸胃比較敏感，食刺激食物或一次過食得太豐盛都容易造成肚瀉
--好少做運動，最多都係做下拉筋，所以成日都周身骨痛
--易入睡但習慣夜瞓，所以有時起身都覺得攰,唔夠精神
--皮膚平時都OK，只係耐唔耐生一粒半粒大瘡，多數係經前，但好易敏感起粒粒
飲用後身體狀況:
--飲用期間我冇改變飲食習慣，依然食好多濃味食物又冇戒口忍口，冇咩做運動；雖然體重差唔多，但媽咪見到我覺得我瘦O左喎!!應該係消O左D水腫。我自己每朝起身第一件事係拎塊鏡照(真係一坐起身就係，已經係習慣黎..HHHA)，真係塊面瘦O左少少，睇眼皮位就最明顯啦，真係冇咁腫O架!!!!
--餐前飲用頭幾日胃口係冇咁好，食少O左野，之後就變番正常，但好多時食完野一陣已經會有便意；所以一日有時會去至少2-3次。但我其中1日冇飲原液係加水飲，效果就冇咁好啦!!O個日只係去O左1次便便咋...
--排便量同次數明顯多O左，雖然我一向都冇便秘既問題，但有時會肚瀉同好易腸胃敏感；飲O左係去多O左廁所，不過唔係肚瀉，而係量多O左..
--夜瞓既習慣冇改到，每日依然都係唔夠瞓，起身O個時都係差唔多，一樣係攰...
--皮膚有改善，飲用期間冇出過暗瘡，細粒粒都冇；不過呢個時間係轉季，面珠位都係有少少敏感紅同乾燥，但就冇粒粒喎!!KEEP住好平滑，都幾SURPRISEO架!!因為我呢星期食唔少JUNK FOOD，都冇事，HEHE....只係有少少走米咋!!不過黑眼圈好似都係差唔多(因為都係夜瞓嘛!!!)
以下既相可能有D驚嚇......請PG家長指引~~~~
請大家忽視我既斑同印，但真係冇起粒粒O架!!因為平時我都好易出...
眼圈都係O係度...
總括而言，只係飲O左1枝黎講，佢主打既排毒、美肌、去水腫都算見到D成效，尤其係皮膚方面，同埋排便量多O左(算唔算係排毒???!!!)，不過精神面色就差唔多；減肥功效以磅數黎講冇乜變化，但水腫的確係有改善到。我估如果可以跟佢講配合運動同食清淡D，應該係可以減到幾磅，不過我太為食啦,HAHAH...
我係用減肥既方法，所以要飲原液,初初飲真係有D難入口；佢既味好似係濃縮既酸梅+醋，TEXTURE係杰杰地身，對喉嚨有少少刺激，因為好甜同酸酸地。不過加水飲個味就好好多喇!!!好似果醋咁，我仲有沖過比媽咪試，佢都話幾好飲!!
不過要真係改善，我相信飲1枝係唔夠既，好似我今日已經冇飲(已經飲晒嘛!!!)，就即刻出O左呢個幾星期以黎既2粒細粒粒....>_<....唔知係關停飲酵素液事定係其他啦，不過係好細粒O個D，應該好快會好番既...
但係佢一枝750ML要差唔多$400，每日最少飲2次即係60ML，12日到就飲晒一枝啦!!如果日日都飲，一個月要買3枝先夠，即係$1,200,都唔算平喎!!!但有重要事件(好似結婚/影相...ETC)之前，買黎飲一排改善下皮膚同水腫，都制得過，市面好多液體狀既排毒美肌PDTS，都係差唔多呢個價錢...如果我有米，我都會買黎飲番一排，可惜我好窮....
更多INFO可以去官方網站睇下:
沒有留言 :
發佈留言