家姐牌手工披肩

下個月要做伴娘,同大家姐傾開要買件披肩,於是講下講下,家姐話而家出面既都唔靚,我就打蛇隨棍上,叫家姐不如織件比我啦,不過佢話披肩要勾先靚,但佢好多年冇勾過野,唔知O唔OK喎,不過以前佢都織過野比我,都好靚,所以我同佢講對佢有信心,叫佢試下啦...

只係用O左一個星期,就勾起O左啦....

真係好靚,隻冷靚,個花又靚,當然手工都靚啦...

 

掛起睇清楚D先...

ZOOM近D先,隻冷係米白得黎好閃O架,入面有一條幻彩色既金線,會隨住光線有唔同顏色...

再近D....唔怪得之隻冷係MADE IN ITALY既好野,所以一舊都唔平...

主要既花係呢個,由好多貝殼花組成,傘型咁落,係佢O係冷鋪叫老闆COPY比佢既日本MAGAZINE款...

心口綁O個條帶,尾O個度有個細花花...

最後求其披上去比大家睇下先...