日系粉紅自然彩妝@SHISEIDO MAQUILLAGE

日系彩妝品有一個優點,就係點樣手殘既人用,都甚少會出錯....
尤其係化O左咁多年都仲係唔識配搭眼影既我,一盒多色既眼影絕對係我既救星..
不過我用黎用去都係啡金/啡銅系既色調..
老實講好想試下新色,不過又怕唔O岩自己風格..
所以今次都係用番啡......但加有粉紅色,都算係新嘗試掛:P



SHISEIDO MAQUILLAGE STYLING EYES 限定色PK732 $320
SHISEIDO MAQUILLAGE TRUE ROUGE BE748 $240



盒內有5格色,只要用晒佢地就可以化一個完整眼妝,實在方便得很!!!!
1: 珍珠白色,塗於整個眼窩打底/眉骨下HIGHLIGHT..
2. 粉紅色,塗於雙眼皮位作主色..
3: 啡銅色,重點塗於眼尾..
4: 深啡色: 塗於眼線位..
5: 閃白色: 掃於眼窩中間位,增加立體感..



其實使用方法好彈性..
跟足指示用又得,但我比較鐘意隨意使用..
由深至淺BLEND開就OK..
雖然粉紅色係主色,不過MIX埋啡銅系,其實都好自然..
而且一D都唔會覺得浮腫,反而對眼幾深邃..
閃粉亦都唔會誇張,日常淡妝用都無問題..



平日只愛用LIPGLOSS..
不過呢枝唇膏搽出黎效果好SHEER唔太實色,我反而幾鐘意.
BEIGE色同唇色好接近,所以非常自然..
質感亦都好滋潤,唔搽潤唇膏打底都OK..


http://www.shiseido.com.hk/

全新ESTEE LAUDER水潤亮澤修護粉底SPF15/PA++

 

 

最近天氣反覆無常,唔好話身體難以適應,其實皮膚亦都係..
出粒粒、乾燥、甩皮、泛紅都係我近日黎既寫照,連平時愛用既BB CREAM都被我擺埋一邊..
需要既係遮暇度會高一點而且有修護作用既粉底..



正在搜尋既時候發現,原來ESTEE LAUDER於尖沙咀海港城舉行【水凝無瑕妝容全體驗】..
有得試最新出既FUTURIST MOISTURE-INFUSED MAKEUP SPF15 PA++..



仲有首席化妝師LEO WONG親自操刀添...
我又點會放過咁難得既機會...
試既當日天氣又濕又熱,不過搽上面都好貼服喎..
唔會浮粉亦都好自然..



搽埋BLUSH同LIP就完成啦...



即場仲有個小測試添..
未搽粉底前濕度係51%,搽完升到87%呀,勁!!!
揀完色我即刻帶佢番屋企自己試下先..


水潤亮澤修護粉底SPF15/PA++ $380/30ML
質感絲滑輕盈,卓越的保濕配方能活化亮膚..
帶來細緻柔滑及緊緻功效,無瑕青春妝容更勝從前..



#63 COOL VANILLA
質地好水潤,但有一定遮暇度..
顏色自然唔會死白,推開好有光澤感...



如我開頭所言,我皮膚有泛紅又乾燥...
用SPONGE薄薄上一層粉底,已經即時見遮到8成..
不過用時呢幾日都幾凍,再搽埋碎粉其實只係O岩O岩好..
相信等天氣回暖用,保濕功效會仲明顯..
不過我好BUY佢薄得黎又遮到紅,唔錯!!!

http://www.esteelauder.com.hk

清貨行動: ACTION 38

一直KEEP住每個月出一次既清貨文.. 成日堆到2-3個月先出到.. 水蛇春咁長既LIST真係打到手軟.. 希望今年可以勤力番D啦..

 

LOREAL PROFESSIONAL EXPERT SERIE COLOR PROTECTING SHAMPOO --清潔力一般,不過用後染過既頭髮係比較有光澤,而且有適當滋潤,秋冬天用不俗..
LOREAL PARIS YOUTH CODE PRE-ESSENCE --早前已經出文講過,仲同LANCOME比較過添,其實以佢呢個價,真係值得試...
CLARINS HYDRA QUENCH INTENSIVE SERUM --半油半水既SERUM,比舊版爽身D,補水之餘亦都有少許滋潤感,唔錯...  

 

LOREAL PROFESSIONAL EXPERT SERIE COLOR PROTECTING CONDITIONER --單用係唔夠潤,但配合同系列SHAMPOO就會幾好..
FIORUCCI DAILY SCRUB CREAM --因為我平時少用磨砂PEELING既東東,所以我用O左好耐,不過佢其實都幾滋潤,敏感肌用都OK..
EMINENCE CLAM SKIN ARNICA MASK --用開既抗敏MASK,可以睇番之前既分享..
EMINENCE CLEAR SKIN PROBIOTIC MASK --又係用開既消炎MASK,可以睇番之前既分享.. 
 
KERASTASE BAIN BIO-RECHARGE SHAMPOO --清潔能力不俗,易起泡但又唔會太乾...
KIRI NOURISHING FACE MASK --估唔到呢枝用到半年時間,滋潤、補水,同時感覺肌膚係乾淨D,懶人好O岩用..
BARE MINERALS BRIGHTENING FOUNDATION PRIMER --初初搽以為幾油下,但推開有D SILK既感覺,皮膚即時好SMOOTH有光澤,秋冬天用好正!!!

 

URIAGE MAKE-UP REMOVER WATER NORMAL TO DRY SENSITIVE SKIN --原本係想買番BIODERMA大枝裝,可惜O個日去水貨店得番OILY SKIN款,之前用過URIAGE覺得都唔錯,價錢又平,於是買O左2枝用,500ML裝用到至少2個月O架!!!!

EMINENCE ROSEHIP WHIP CREAM --保濕成份為主既清爽CREAM,有時皮膚出好多粒粒或者天氣熱/濕D時就會搽佢,如果夏天單用已經夠.....
BICELLE HYDRA B5 GEL --暫時用過最好既B5 GEL,易推快吸收,但又夠補水..
ORGANIC NATRALOX ROSEHIP OIL --冬天用黎按摩OR直接搽,夠滋潤亦都吸收得唔錯,怕LUP既仲可以溝CREAM/ESS搽,都一樣有修護作用..

DOVE NOURISHING OIL CARE HAIR MASK --敷完感覺SMOOTH,不過秋冬用唔太夠潤..

ROSKIN DRY SKIN CREAM--以前會買黎當HAND CREAM用,滋潤得黎唔LUP,呢枝我長期放O係公司,用O左年幾都有..

KIEHL'S CALENDULA HERBAL-EXTRACT TONER --下面會詳細分享

EMINENCE CLEAR SKIN PROBIOTIC MASK

EMINENCE LEMON CLEANSER --已經回購第2枝既CLEANSER,超好用,可以睇番之前既分享..

 

已經用完晒成枝出清貨文O個刻先記得未分享過,所以最後黎個簡單介紹啦..

聞名已久既金盞花TONER終於有機會試啦.. 清爽水狀既質感,初時仲以為冬天用會好乾,但原來又唔會喎...

佢既消炎功效非常好,所以我比較鐘意用黎敷面.. 有時輕微敏感/有粒粒/吱完暗瘡損O左我都會敷5分鐘,唔會乾呢下最得我心.. 唔怪得佢係長期熱賣產品,朋友話時有斷貨O架.. 我諗夏天我會回購用下..^^

全新CLINIQUE EVEN BETTER MAKE UP SPF15/PA+++發佈會

CLINIQUE去年推出既EVEN BETTER CLINICAL DARK SPOT CORRECTOR備受用家推崇.. 我亦第一時間親身試用過,覺得效果不俗之餘,亦都好鐘意佢無香料敏感皮膚都用得..
不過對於日常有化妝習慣既SIS,當然最想連粉底都可以有持續美白功效啦,係咪??



了解顧客需要既CLINIQUE,今年真係推出EVEN BETTER MAKEUP SPF15/PA++

仲有10色咁多添...

 

質地好輕盈透薄,無油配方最O岩春夏天使用..
只要用SPONGE一推,就可以造出貼薄底妝,又能修飾肌膚..
皮膚易泛紅既我,就揀O左偏黃調既#63 FRESH BEIGE..
等BA寫好粉底色號比我,就可以入座啦..
 

發佈會以白色為主,配合EVEN BETTER美白去斑既主題..
主持人同CLINIQUE代表接著出場作介紹..
 

CLINIQUE EVEN BETTER MAKEUP SPF15/PA++($230/30ML) ..
由皮膚科醫生研發,將EVEN BETTER CLINICAL DARK SPOT CORRECTOR$520/30ML)既護膚科技延伸至粉底液,加入高效淡斑成分包括HIGHLY ACTIVE VIT C COMPLEX同VIT E..
能即時遮蓋色斑外,仲可以改善因色素沉澱而引致既膚色不均..

 

粉底液適合混合性偏乾至油性類型既肌膚,有中至高度遮暇效果..
不過想重點使用,就要配合3月推出市面既同系列遮暇膚啦..
質地幾透薄保濕,相信用黎遮眼圈都OK...
 

即場仲有簡單既化妝示範添..
美容顧問仲話今次推出既粉底液好易用,新手都O岩使O架..
完成後真係好自然,只要加個碎粉而家咁潮濕都用得..


WOW....好靚既TEA SET...
睇得又食得,仲有野玩??
呢隻咁似蛋既物體,只要加水就有野種出黎..
不過我已經淋O左水2日都冇咩反應=_=""
相信我同植物都係無緣......

禮物包除O左一枝#63 EVEN BETTER MAKEUP SPF15/PA++.. 仲有ALMOST LIPSTICK添..
想試下可以去各大專櫃,今日正式開售啦...


http://www.clinique.com.hk/

後會有期之GLOSSYBOX(2月份分享)

1月中時先出席GLOSSYBOX既LAUNCH PARTY..
估唔到早幾日就得知佢要暫時撤出香港既消息..
可惜係有既,不過認清方向再搞都未嘗唔係一件好事..
亦都可以比大家冷卻下GIFTBOX既熱潮,諗清楚先決定訂唔訂...

2月份GLOSSYBOX成O左離別之作,但點解會變O左桃紅色O架???
我都係鐘意1月時淡粉紅色夠ELEGANT,而家咁同其他BOX一樣色喎!!!!




講番個BOX先,其實呢個係FACEBOOK GAME抽中既獎品..
唔係朋友話我知出O左名單我都唔知..:P
好在拎得番,HAHAH...




今次既產品牌子我幾滿意,不過驟眼睇D SIZE又真係細O左D...



APIVITA CUCUMBER MASK (1包) & HONEY LIPBALM

早於APIVITA初初入香港時我已經係佢既FANS..
當時連續好幾年都有買佢既X'MAS MASK SET,所以大部份既MASK我都用過..
只係近年佢加幅大多先無再買,不過佢D產品真係好好用...
今次仲有機會試下個LIPBALM添...



KERASTASE CHROMA RICHE SHAMPOO & HAIR MASK

同系列既洗頭水同HAIR SPRAY都有用過,係幾O岩染O左髮既人用...
不過HAIR MASK就未試過,細細罌都夠我用1-2次...

PREMIER BODY BUTTER

以色前尊貴品牌,我想試佢D產品好耐啦..
最近我都買O左佢既SHAMPOO用,等我用一排再分享下先..




CLARINS INTENSIVE WHITENING SMOOTHING SERUM

以為佢好細枝??原來10ML已經係貨裝既1/3啦,所以佢都唔平O架!!!
早晚用應該都可以搽2-3星期...
O岩晒可以夏天前做好美白..

另外仲有盒內品牌既一些優惠,仲有LEONIDAS朱古力COUPON添..^^
希望未來日子GLOSSYBOX可以再回來啦...

LOREAL YOUTH CODE VS LANCOME GENIFIQUE

 

LANCOME GENIFIQUE推出時鋪天蓋地既宣傳廣告..
聲稱7天就可以令肌膚綻放新生光芒,搞到我都好奇係咪真係咁WORK?!!
而今年新出既LOREAL YOUTH CODE..幾乎打正旗號同GENIFIQUE爭客仔,不過價錢就明顯平民化得多..




係咪覺得唔知點揀好???
咁O岩我手上同時有齊呢兩枝產品...
就做個簡單分析比較下啦...




設計:

LOREAL: ****蓋頂按掣吸管裝,方便衛生,不過有時難於泵出足夠分量..

LANCOME: *****傳統吸管裝,方便衛生,一次可泵出合適份量


 

質地:

LOREAL: ****略為GEL狀,微香,易推開..

LANCOME: ****偏水狀,無咩味道,易推開..


吸收度:

LOREAL: ****被皮膚迅速吸收,有光澤感..

LANCOME: *****即時吸收晒,皮膚摸落好爽身..




肌膚提升:

LOREAL: ****使用後搽上CREAM,肌膚水份、油份、柔滑度明顯增加..

LANCOME: *****使用後搽止CREAM,肌膚水份、油份、柔滑度大幅提升...


價錢:

LOREAL: *****$279/30ML

LANCOME: ***$620/30ML



總結:
以整體質素而言,係明白點解LANCOME GENIFIQUE係貴咁多..
因為佢吸收度同改善方面係比較出色,而且使用份量唔需要好多,我枝7ML都用O左有2個星期,1枝30ML應該可以用到至少2個月..

而LOREAL YOUTH CODE其實都唔差,只係比較起出黎會輸O左個馬鼻咁..
不過佢價錢平成倍,有時75折仲唔止添,購買地點又方便..

若果你皮膚都KEEP得OK,只係想有少少改善,其實用LOREAL已經夠..
但如果要效果明顯D既,我都係建議你買LANCOME啦...^^

BENEFIT首枝液體粉底HELLO FLAWLESS: 試用篇

記得月初時出席了BENEFIT首枝液體粉底HELLO FLAWLESS既發佈會嗎??
當日各位女士們經過開心又興奮既一連串活動之後..
每人都拎住袋火箭型禮物走...
有新玩具我就身痕,所以急不及待隨即開黎試用下先..
我揀O左隻自然色--CHAMPAGNE
COOL色偏黃,對於我易泛紅既肌膚有遮蓋作用..
質地非常水,易推開...

HELLO FLAWLESS OXGEN WOW SPF25/PA+++ 30ML(9色)

如果用手上,對於我黎講係明顯深O左(不過當日我自己係想揀隻深少少既色)
再用SPONGE推薄,就會變得自然好多,同膚色比較MATCH..

無油份既粉底初時以為佢會好乾..
雖然而家濕度高,不過其實皮膚仍然好易缺水..
不過搽O左佢唔單止冇繃緊感覺,而且仲好保濕添,就算皮膚有甩皮照用都可以..
打破O左無油=乾既一貫迷思..
大部份皮膚都好O岩用,尤其O係乍暖還寒既日子添....

BENEDIT HELLO FLAWLESS SPF15

粉餅可以有不用既用法.
掃: 全面定妝/透薄效果..
海棉: 重點遮暇...

粉質好幼細,唔會太厚,而且幾貼服...

我鐘意用佢重點印O係鼻同下巴,遮毛孔同紅印一流,唔使再用遮暇膏都OK..
不過要注意唔好一次過搽太多,逐少印會比較自然...



左: 化好底妝..
右: 全妝完成..

我已經用BB CREAM用O左好多年,粉底只係偶爾先會搽..
不過呢枝粉底液真係好水,而且無油配方唔怕用O左會出粒粒..
日日用之下,已經比我用O左1/4啦(係我搽得太多嗎???HHAHA...)
唯一缺點係佢遮暇度唔高,因為好透薄,不過ON TOP再加粉餅就GOOD FIT啦..


產品3月就會有售,想買既SIS要留意啦^^ http://www.benefitcosmetics.hk/

燒很大之SOLONE30秒定妝慕絲眼線眼彩筆

台灣既美容化妝產品時常都比香港快一步,
所以每次有朋友去當地旅遊,我都會到FASHIONGUIDE FORUM睇睇..
本身已經係SOLONE眼線膠筆既粉絲..
今次見到新出30秒定妝慕絲眼線眼彩筆,試用報告評價非常好..
而且有12個顏色,於是叫朋友幫我入幾枝玩下...



NT$143枝,折番港幣只係$38到...
原來我係想買02/04/08,不過04斷貨買唔到..T_T



2用既方法其實好簡單..
EYELINER: 畫完等30秒,就係防水防油既眼線..
E/S+LINER: 畫完即時用棉棒BLEND開..

雙頭設計,個棉棒幾好用...



02 JADE
個顏色好特別,墨綠得黎有D啡/黑,帶少少閃..
BLEND開之後比較淺色,單用當E/S都好自然,..

比之前既眼線膠筆更好畫,BLEND少少邊緣位置已經好靚..
不過我鐘意ON TOP加少少閃既淺色E/S..
加上我植O左睫毛,成個眼妝都唔使3分鐘,夠方便...

08 DARK NIGHT
平時多數化EARTH TONE既我,見到FORUM上試用呢個色好靚,於是想挑戰下..
畫出黎好彩藍色,但BLEND開會變得偏灰藍色..

估唔到上眼仲靚,少少藍但唔會好搶...
BLEND開帶少少灰黑,加閃E/S之後返工用都好自然..
當然你重手D可以做SMOKY EYES啦,不過一般輕煙燻妝已經好夠..

就O係我到手當日,竟然比我見到BE SPREE有團購喎...
$40/枝仲要12色齊晒..
當堂又燒過,我.....再入多4枝,HAHAH....
因為實在便宜又好用.而且顏色係好靚呀...
仲想買既SIS,可以去睇睇,好似仲未DEADLINE....

http://www.solone.com.tw/