清貨行動: ACTION 99

每到轉季時間,都會想快手用埋上一季產品又開下新野..

所以今次都清O左好多,最開心係有用完香水,因為部份都放O左好耐..

--LOCCITANE

杏仁沐浴油真係超香,油狀質地一加水就會乳化..

滋潤之餘又不油膩,不過一枝只用到約1個月,計起都唔平..

--CRISTAL ROYAL

覺得甜甜地幾好聞,又清貨價就買O左..

其實味道OK,不過真係唔LONG LASTING,所以好快就用完..

--THE ORDINARY

之前都用開,有果酸既MASK

我覺得用完幾乾淨,但敏感皮膚要小心用..

--ATORRAGE AD+

又係見清貨價先買,本身佢D產品都係抗敏..

個洗面都幾溫和,呢排轉季幾O岩用..

--LANCOME

GENEFIQUE系列一向都好用

個眼霜雖然都幾水潤,但一罌都可以用到半年..

--LOLANE

之前個頭漂太多勁乾旱,基本上HAIR MASK當護髮素用先掂..

見佢幾大罌就買黎試,用完係幾SMOOTH既,不過唔太夠潤..

--KIEHL'S

金盞花MASK平時用無咩特別

但轉季就好WORK,舒服到皮膚不穩定問題,仲幾保濕..

--FENTY BEAUTY

上年想轉BASE同粉底,就買O左佢試試..

專櫃黎講價錢唔貴,質量都唔錯,不過戴口罩比較易甩

--CK

呢枝香水真係用O左好多年..

其實幾香,不過呢個系列好似比較少人用..

--KIEHL'S

去紋效果真係錯,LOTION狀滋潤一點..

秋冬季節用比較O岩..

--MISE EN SCENE

用O左好多枝既HAIR OIL

性價比極高

--KIEHL'S

其中一個我最愛用既FACE CREAM

滋潤度高又唔又油,好好推..

--MAYO

韓牌精華,跳樓價買黎試試..

雖然佢水水地,但之前好乾燥時用都頂得住喎

--PAPULEX

係我用過最溫和暗瘡GEL

唔會乾唔會甩皮,而且仲唔會敏感..

--THE ORDINARY

CLAY MASK但其實唔太乾

有水楊酸不過我覺得幾溫和..

--ANESSA

高效防晒,LOTION狀好薄

當埋BASE用都可以..

--TSUBAKI

當護髮素用都OK喎,幾滑同埋滋潤度都OK

--INNISFREE

用O左好多枝既CLEANSER

平靚正之選,如果皮膚唔係勁乾其實佢一年四季都可用..

 

清貨行動: ACTION 98

原來對上一次出清貨文已經係去年8月既時候..

2021年下半年好忙,無咩時間經營BLOG同面書專頁

希望今年可以擺返多D時間,寫多少少分享..

--CHACOTT

平靚正碎粉之選,香港買到既色雖然無日本咁齊..

但基本色就一定會有,一盒都至少夠用大半年...

--FENTY BEAUTY

之前買咗一堆產品,到用完都未有時間打分享,唯有呢度寫埋啦..

試粉底時試埋個BASE覺得幾滑,2百幾唔貴就入手..

夏天用有少少潤,但轉涼開始又唔錯..

一枝用到半年,幾抵玩..

--KIKO

CREAMY EYESHODOW係打折產品

幾十蚊貨仔但幾顯色,不過無用一排就風乾O左..

--KIKO

平時點懶都好,一定會畫返條眼線..

用開LIQUID都想轉下PENCIL,呢枝雙頭一邊閃啡一邊閃粉紅..

色靚易晝,但油眼同眼水多都幾易溶,最後仲斷埋玩完XDD

--MAYBELLINE

見有折買黎試,完全係伏,用完係甩到變熊貓眼..

永久BLACKLIST!!!

--KIEHL'S

皇牌金盞花水,真係超級好用..

家中長期必備..

--THE ORDINARY

呢皮收毛孔去油精華,初初用覺得好正..

但唔知係味用純O左,而家無咩感覺..

--THE ORDINARY

去黑眼圈精華,純粹想買枝EYE ESSENCE

見到佢平咪試下,用落又幾OK,去眼圈成效唔知..

但打底保濕都唔錯,性價比高..

--KIEHL'S

復刻版ROSE TONER,好香天然ROSE味..

內有玫瑰花瓣,保濕度不錯..

--MISE EN SCENE

用O左N咁多枝,勁抵用HAIR OIL..

--BIFESTA

同枝用O左N咁多枝,不作介紹了,性價比極高卸妝水..

--KANEBO

ALLIE系列防曬,CREAM狀幾好推又唔油膩..

淡粉紅色有少少調色作用,防曬當埋BASE..

--BIORE

超水同爽身既LOTION狀防曬,夠數阿晒高..

仲要好平,夏天用黎搽身一流..

--INNISFREE

已經用緊第3、4枝,勁平用完又好乾淨唔會繃緊..

推介比易出粒粒又怕乾既你..

--NORMAL DAY

買野送既口罩肌MASK,只有下巴位既MASK..

只有少少保濕,無特別..

--PLANTUR

因為多白髮又唔想成日染..

髮型師推介呢隻有色SHAMPOO比我..

停留3-5分鐘即可,幾O岩染完頭髮用,白髮出現時間會遲少少..

--DAVINES

勁上色既COLOR SHAMPOO

一枝唔平,但真係超顯色,漂完頭髮好O岩用.

--KIEHL'S

GEL狀質地,一推就變水..

超補水又夠清爽,基本上任何肌膚都可用..

--SU:M

之前用過成SET,性價比不錯..

見到套裝幾平就買O左用.枝TONER都幾夠潤

--KIEHL'S

呢枝美白淡斑係近年最愛用產品之一..

淡印均勻膚色效果好好,同時又好保濕同溫和,大推!!

--MISE EN SCENE

--LANCOME

小黑瓶打底真心一流..

質地快吸收,用完肌膚有PUMP UP感覺..

用半枝左右,膚質有明顯改善,係有少少貴,因為用得比較快..

--BIFESTA

--DR DART+

V7美白TONER,清貨價買黎粗用..

估唔到又幾保濕,但泵裝用得好快..

--COFFEE CANDLE

咖啡店出既手工CANDLE

味道幾WARM,細細罌一個XMAS就點完了..

--KIEHL'S

近年愛用ANTI AGING CREAM之一..

好推又CREAMY,最重要係淡到紋..

清貨行動: ACTION 97

而家保養肌膚都係以簡單為主,所以用得最快既都係基本護膚品..

潔膚、爽膚及防曬等等,每日都用自然消耗比較大..

所以都唔會買太貴,最緊要性價比高..

--BIFESTA

平靚正卸妝水,落得乾淨又清爽,連眼妝都卸到..

用咁多枝都無過敏.而且泵裝設計好方便,購買地點又多..

基本上屋企常備..

--NEOSTRATA

GEL PLUS我多數當MASK敷O係T-ZONE同下巴..

因我有化妝習慣,又易出粒粒,定期敷10分鐘,清潔同時可疏通毛孔..

減少油脂係唔錯,但注意皮膚好乾或有傷口就唔好用啦..

--CHERIS

本地製造既HAND CREAM,試過幾款味道其實幾FRESH..

又細細枝放入手袋帶出街都OK..

--SENKA

專科應該好多人都有用過,不過我只覺得佢洗面最好用..

其他同我皮膚唔太夾,呢枝寫明ANTI SHINE,以為會好乾..

但用完又覺,夏天用其實幾O岩..

--SWISSLINE

唔好見有SWISS就以為好油好潤既產品,其實佢AQUA系列幾水潤..

中女年紀要有補濕又有少少潤,佢就幾O岩用,配合埋枝精華幾正..

質地好推又快吸收,係價錢貴O左少少..

--KIEHL'S

如果想買一套SKINCARE, 但手頭BUDGET唔多..

KIEHL'S會係一個實無死既選擇,ULTRA FACIAL更加係基本系列..

任何人都O岩用,佢個CREAM早晚用都足夠..

如果皮膚勁油仲可以買OIL FREE版..

--KANEBO

ALLIE防曬係近年其中一隻愛用既產品

呢個櫻花版有少少PINK色,味道幾清新,個CREAM好好推..

之後化妝都唔會KICK粉..

--LANCOME
小黑瓶應該唔陌生,之前都用過好幾枝..

真心講佢係幾好用,清爽快吸引,用完皮膚又會變好..

但都係貴O左少少,因為佢質地吱收,好易用多O左..

--KIEHL'S

牛油果EYE CREAM質地杰杰地..

但推開係幾爽身,如果眼周肌膚比較多問題,佢就未必O岩用..

但一般滋潤補水功效,佢係OK的.

--DR+ WONDER

暫時都仲覺得佢係最好用既暗瘡貼,沒有之一..

香港賣有點MARK UP,但佢好用又貼面,都會繼續買..

--MELVITA

減肥按摩油,用噴咀原意係方便,唔使整到周圍都係..

不過因為係油,用耐O左會有少少塞,最後都係倒會方便D..

質地方面係幾好推,吸收亦快,配合按摩板會去到水腫..

--NAPLA

補色CONDITIONER,日本版子,是美髮店推介..

因之前染紫/灰色,所以要用補色產品..

比想像中更潤,用完都幾順滑..

--BIORE

呢枝UV係最近2年我成日買搽手腳同背..

日常外出都好足夠,唔會黑而且勁爽身,唔會LUP..

--ORIGINS

菇水好多人話好用,所以我都買O左一枝...

有一個時間D皮膚成日出粒粒,試下用佢一排,係穩定O左..

一枝都用到個半月以上,都幾抵用..

--WATSONS

買野送自家品牌HAND CREAM

質地估唔到又幾好,潤但又易吸收,放公司粗用唔錯..

清貨行動: ACTION 96

 

意想不到今年會這麼忙,應該要到年底才會比較空閑吧 >_<

而最近有點愈忙愈起勁,時間不夠用但反而多O左運動同保養..

希望以最好狀態去應付之後既工作!!

--ELIZABETH ARDEN

老牌子其實本身產品不差,但常感覺是有返咁上下年紀用..

近年有意轉變形象,這款香水外型簡約,味道亦清新甜美..

早上噴可KEEP大半天,日常上班用不錯.

--DR+WONDER

常用暗瘡貼牌子,比3M及曼秀雷敦薄貼..

SIZE亦有幾款可供選擇,只是有點少貴,購買地方亦不夠方便..

--MISE EN SCENE

近年常用平靚正的HAIR OIL

油質比較厚身同滋潤,最適合濕髮或半乾時塗..

再吹乾頭髮,可即時改善乾燥髮質..

--星野家之鹽

多用途磨砂鹽,可單用亦可混合產品使用..

我主要用核當BODY SCRUB,最鐘意將佢MIX BODY WASH..

方便好用,而且成份天然,去角質功效不錯..

--DOVE

1 MINUTE SUPER TREATMENT

見平平地$10唔使換購用下,當HAIR MASK敷一分鐘..

再過水頭髮係幾順滑,不過滋補度差一點..

--ETVOS

有機粉底膏,用SPONGE塗抹幾薄貼..

冬天用幾FIT,但一轉季就會溶狀了,而且遮瑕度比較低..

--ETUDE HOUSE

保濕PRIMER,都係比較合秋冬天..

春夏用會幾黏笠不舒服,油性皮膚不推荐..

--ROSETTE

幾個色都用過,最合春夏天都係紫色美白款最好..

用完乾爽但不會有繃緊感覺..

--BIFESTA

夏天加上長用口罩,最爽一定係用卸妝水清潔..

暫時用過係算最好頭3位,而且周圍都買到,夠方便..

--THE NATURAL

想買BODY LOTION但無心水,求其入手但估唔到幾好用..

味道香甜,CREAM狀幾夠滋潤,夏天就算開冷氣單用已經好夠..

--THE ORDINARY

每款精華都不錯用,但又未去到超正,畢竟價位比較低..

算性價比幾好產品,早上用打底..

--MISE EN SCENE

--SHANGPREE

年紀有返咁上下,會定期用EYE MASK補水去紋..

一般都是用平價GEL MASK,一星期用2次已經不錯..

這款質地比較薄,試過好幾次拎上黎已經爛O左..

應該唔會再回購,同價錢好多選擇..

--KIEHL'S

ULTRA FACIAL CREAM是平平地又穩陣的選擇..

無香料只是單純保濕鎖水,有時敏感或轉季用來傍身不錯..

--KIEHL'S

絕對是近年愛用的美白去斑精華之一..

鐘意夠水潤又清爽,而且溫和不刺激,去黃及去印效果出色..

--KIEHL'S

一秒由GEL變水狀保濕精華..

超清爽無負擔,任何膚質甚至油性肌都用得..

--MIU MIU

用來噴頭髮用的香水,但個香味好鐘意..

有時會噴埋身用,個味都KEEP到半日..

清貨行動: ACTION 95

踏入春天潮濕的天氣,加上時熱時冷的溫度..

肌膚問題變多,愈用就愈多產品,因此清貨速度加快O左..

最近粒粒變多,買暗瘡貼都買到窮XDD

--THE ORDINARY

性價比幾高既牌子,不過種類唔算多..

精華/原液為主,呢款透明質酸,幾好吸快又爽身..

一枝30ML都係幾十蚊,用黎打底非常好..

--LILYBRED

近年好鐘意既開架韓牌之一,色靚易用又平..

但香港無得賣,唔知幾時可以去韓國入貨了..

--CARECERA

行DONKI時見平平地買O左試..

無添加可以面/身搽既LOTION,水感比較重..

我用黎當BODY LOTION,春夏用都幾O岩..

--DR+WONDER

暫時覺得最好用既暗瘡貼,但香港有MARK UP O左..

約$6X-7X一盒,比3M既貴,但佢真係又薄又貼唔易甩...

有大粒瘡時必用,唔使吱到損晒..

--3M NEXCARE

由於DR+WONDER唔係度度有售,有時用晒會買佢頂住先..

其實佢唔算好差,只係厚少少同無咁貼,但都吸到濃..

--BIFESTA

暫時用過係最好既卸妝TISSUE..

連眼妝都卸乾淨,又唔乾,全面用3-4張,一包用到一個月..

都係$3X-4X,幾抵用..

--DR+WONDER

同上

--FLEURANCE

LAVENDER味的HAND CREAM..

質感柔滑易推,快吸收唔油膩,香味亦不錯..

--ROSETTE

一口氣買O左好多盒既洗面泥.

質感厚易起泡.用後乾淨不乾燥,但用得多效果好似純O左..

無初初用咁驚艷,用完會轉其他用下..

--APIEU

是我愛用韓牌之一,平靚正染眉膏..

--MARC JACOBS

花花系列香水,好努力地已經清到仲有2枝..

應該夏天前可以用完掛..

--KIEHL'S

性價比高的面霜,基本上大部份肌膚都合用..

滋潤保濕易推開,不油膩剛剛好,冬天我會MIX少少油用.

一年四季都可以用既面霜..

--MARC JACOBS

同上

--THE ORDINARY

除精華外,佢既油都不錯用..

B OIL係MIX好多款油,功效係樣樣都有D..

質地有點厚身,冬天用比較合適..

--APIEU

見佢抗敏又平貪得意買..

質地幾易推,但用多了會有少少泛白..

做BASE唔太好,同之後塗既粉底會起屑..

但單用或塗頸就不錯,因為完全唔油..

KIEHL'S

啫喱狀精華,一推開會變水狀好清爽..

保濕度非常好,怕油既朋友會好鐘意,特別O岩春夏用..

--FIRST AID BEAUTY

超抵用面霜,有成170G真係每日早晚塗都要用5-6個月..

佢同KIEHL'S ULTRA FACIAL CREAM有點似,但吸收度慢少少..

都係溫和類的面霜...

--CHERIS

香港出品本地牌子HAND CREAM
香味同滋潤度都不錯,但唔知咪天氣暖O左..

有時用會有點油水分離情況出現..

--KIEHL'S

晚上塗完當SLEEPING MASK OR 就咁敷當MASK用..

補水度不錯,一罌125ML可以用好耐,算幾抵試..

 

清貨行動: ACTION 94

年廿八,洗邋遢,每年新年前都鐘意出一篇清貨文..

最近突然又有返少少心機護膚,所以產品都用得快O左..

同時亦都清走好多過期及少用既化妝品,來一個暢快的斷捨離!!!

--THE ORDINARY

近幾個月都用唔少呢個平價品牌..

SO FAR唔係樣樣都有驚喜但又未遇過雷品..

呢枝果酸MASK算係推介之作,基本上不是極敏感肌都可用..

敷10分鐘即洗,用完皮膚好滑好乾淨,有痘都會快D榭..

只係佢紅色用時有少少嚇人!!

--DR+WONDER

去韓國時必買產品之一,有大有細既暗瘡貼..

夠薄黏貼力好,有大孖瘡用非常合適,可以吸油脂同膿..

--BIFESTA

懶人必備卸妝,TISSUE用完即棄夠方便..

而家長期戴口罩,化淡妝多,用佢一張搞掂晒,平靚正..

--KIEHL'S

比較杰身少少既HAND CREAM..

滋潤度不錯,不過無咩香味,但幾溫和...

--JOSERISTINE

一直用開彩豐行MASSAGE OIL當BODY OIL好多年..

一枝1000ML夠用8-9個月,基本上一年買一次都夠..

GRAPEFRUIT呢款唔夠平時用過隻推背既好用..

所以下轉我都係買返用開O個款..

--理潤

韓國好多牌子都會寫3無,4無,5無之類..

其實都係主打無添加既品牌,呢款係其中之一..

質地幾好又夠潤,性質溫和,好O岩春天特別易痕癢時使用..

--INSTITUT ESTHEDERM

秋冬天特別鐘意用CREAM狀MASK..

一黎比較滋潤,二黎敷上面無咁凍,仲可以邊沖涼邊敷添..

雖然佢唔算平,但一枝可以用到4-6個月,其實除開都OK..

重點係每次用完皮膚都好滑同白淨,咩都抵返晒..

--LANCOME

HYDRA ZEN系列主要係補水,呢枝LOTION都有少少滋潤..

日用打抵再上妝幾O岩,唔會影響底妝又保濕..

而家長時間戴口罩,日頭都唔可以用太潤..

--SWISSLINE

意外地好用既保濕精華,好補水但又有少少滋潤..

吸收快而且完全不油膩,大推!!!

--APIEU

一直都好鐘意佢地出既LIP PRODUCTS..

不論是LIP GLOSS, LIP TINT定LIP STICK都性價比極高..

色靚又多款,買多幾次日日轉都唔肉痛..

可惜唔知幾時再有機會飛韓國入貨..

-LABO LABO

近年最愛既TONER之一,清爽好用又去污漕角質..

就算冬天用都唔乾,平靚正之選,只係最近大枝裝成日斷貨..

見到要入返2枝做存貨先得..

--ROSETTE

呢款日本開架洗面泥,自從幾年前日本個導遊介紹過入手後..

一直O係香港都買唔返,而家DONKI長期有賣,正!!

同牌子有枝裝洗面膏,但完全唔同野,呢個係洗得好乾淨又唔會乾..

勁好用,不過個味就唔係人人OK,因有D似舊式番梘味XDD

--MISE EN SCENE

用過N咁多枝既HAIR MASK,2年黎去韓國不斷入貨..

大大話話都用O左十枝八枝O架啦,其實佢幾好用,又唔貴..

但開始用到有D悶,可能會試下新野..

--LOREAL ELSEVE

之前用問MISE EN SCENE HAIR OIL..

貪新鮮買O左2枝LOREAL用,其實佢質地都唔錯.吸收都快..

味道又香,不過最近D頭髮乾到似草,所以又轉返MISE..

--DOVE

日本版無矽配方SHAMPOO,有優惠時買O左黎試..

用落中規中舉啦,但佢個香味有D濃,唔係個個鐘意..

 

清貨行動: ACTION 93

話咁快2020年又進入尾聲了..

相信好多人同我一樣,都覺得今年是不知怎樣捱過的..

日子艱難但仍然要過,唯有希望下一年會好D啦!!

--LABOLABO

近期覺得幾好用既TONER,已經用O左好多枝..

清爽又有D收毛孔功效,性價比高..

--ATO HAIR CLUB

之前做個一小時HAIR TREATMENT後..

會送1枝【45天追蹤養護柔潤髮霜】回家使用..

可以當HAIR MASK或單塗保濕,用完頭髮都幾SMOOTH..

--KIEHL'S

皇牌保濕霜,基本上一年四季任何皮膚都O岩用..

125ML裝日日早晚用都夠用半年,如果皮膚無大問題..

用佢都已經好夠..

--INNISFREE

夏天時出好多粒粒又多油,見平平地買黎試...

估唔到真係好清爽又唔會覺得乾,夏天或油性肌非常合適..

泡沫量多,一枝用到3-4個月..

--TOO COOL FOR SCHOOL

上年12月韓國旅行時半價買,是一枝抗皺SERUM.

質地幾好推,有滋補度但唔會油膩,不過抗皺功效唔太覺..

--ELIZABETH ARDEN

綠茶BODY CARE應該好多人都用過...

個人比較愛用LOTION多過杰身既CREAM..

因為我會加BODY OIL一齊用,滋潤又好吸收..

--TOO COOL FOR SCHOOL

又係旅行時買,半價仲要有30ML裝既EYE CREAM好抵..

質地似GEL CREAM狀,比較清爽,補水為主..

--BIORE

已經用完第2枝,LOTION狀但好爽身..

推開唔會留白痕,我用黎搽手腳搽頸,好抵用..

--BIFESTA

之前因為植睫毛不能濕水,於是買卸妝紙巾用..

但用用下又覺得幾方便,尤其而家長戴口罩都唔會化濃妝..

用佢卸都好乾淨,而家長期入定幾包用..

--PROHAIR LAB

韓國防脫洗髮護髮系列,洗髮液都幾多泡,用完乾淨清爽

護髮素連頭皮都可以用,幾保濕但唔笠,用完頭髮好係甩少O左..

但細細枝只夠用約3星期,有點小貴..

--MARC JACOBS

花花系列香水仲有幾枝,最近每日都噴香水

平均2個月到就用完一枝,進度唔錯..

--THE ORDINARY

近排迷上O左呢個牌子,平平地樣樣都想試下..

呢枝防皺精華去紋唔錯,用黎搽頸紋理有淡到..

但我覺得搽面就一般,當頸霜用幾好..