夏天防曬分享: 妝前篇

夏天點懶都好,防曬一定要做到足,不過每日化妝再加護膚程序,朝朝都要搽足10-15分鐘先可以完成,都幾浪費時間;所以多功能既產品我就最鐘意用,搽少一樣得一樣嘛,而防曬系數足夠既底霜更加我既首選..

美肌之誌全效淨白防曬乳SPF50 $89.9/30ML

全效淨白防曬乳有效阻擋紫外光(UVA及UVB)對肌膚的傷害,可預防曬黑及防止UVA侵害造成肌膚膠原蛋白流失。配合洋甘菊與甜沒藥萃取,能舒緩敏感肌膚,SPF50的高防曬系數可預防紫外線的長時間照射,為雪白肌膚做好全面性防護;加上蘆薈及玻尿酸成分,能兼具保養、潤飾膚色與防曬隔離三重功用,特添加水解珍珠強化保濕,與多種植物精萃產生鎖水屏障,提升肌膚的透亮感。清爽配方用後無油膩、悶熱感...

淡綠色CREAM LOTION狀,質感輕型易推,有滋潤感,但唔建議打圈同一次過大量塗抹,最好單一方向同逐少加,尤其O係易曬傷/黑既位重覆搽,咁就可以搽得薄貼又均勻...

本身皮膚因為易敏感同薄比較易泛紅,淡綠色既防曬正好可以中和我不均勻既膚色,望落白淨通透一D,而且冇咩防曬既化學味道,唔錯..

測試下有用全效淨白防曬乳液做BASE同冇搽任何野上粉既分別..

左邊係冇搽任何野就上粉,感覺上係冇咁有光澤,而且乾紋比較現,粉感比較重..

右邊係搽上全效淨白防曬乳液做BASE再上粉,出黎效果係透薄一D,而且皮膚望落有光澤感,亦都冇咩乾紋..

呢枝防曬乳好適合用黎妝前用,滋潤感重,易推開,可以均勻泛紅膚色,令之後上既粉更加貼薄,而且防曬系數高,夏天用佢已經好足夠;不過用黎搽頸既話,就覺得比較LUP啦,因為頸位我地唔會化妝搽粉嘛,如果出汗既話就更加唔得,所以用用下我都只係搽面ONLY,頸都係要用番質感清爽既防曬LOTION...

http://www.beautymate.hk