對我真係WORK既位元堂養陰丸

有幸抽中今次THE ZTYLE X 位元堂養陰丸試用，不過因為唔係人人都O岩食，所以每位抽中既試用者，都要親臨位元堂門市，預約中醫師作診斷是否適合服用。早前我已經到尖沙咀進行咨詢，該中醫師都好細心幫我把脈同問問題，之後就O係張診斷書上面寫我體質係寒底，血氣都不足；我其實一直都唔知自己屬於咩體質，因為我手腳係長期都凍，易頭暈又少汗，但同時又成日好熱氣喉嚨痛喎!!!而家就知道我本身係寒，不過成日食熱氣野先會喉嚨痛咋，唔關體質事。

 

 

位元堂扶正養陰丸 (大丸9.5克) /  一罐24粒

 

成份:

 

【黃芪】【黨參】 補氣行血
【熟地黃】【天冬】 滋養體液
【當歸】【白芍】 養血滋陰
【大棗】【山藥】 健脾益胃
【枸杞子】【肉桂】 滋補肝腎

 

功效:

 

•  固本培元，扶助正氣
•  滋潤臟腑，促進平衡
•  調補體質
•  服後機能旺盛，氣血充沛
•  全面改善體質，使精神活力充沛

 

主治:

 

陰陽失調，精神委頓，四肢無力
倦怠眩暈，白天冒汗，容易感冒及怕冷

 

用量及使用方法:

 

治療用量: 每日口服2次，每次1丸，溫水送服。

保健用量: 每日口服1次，每次1丸，溫水送服。

 

養陰丸其實知道O左好耐，不過一直都未有機會試，今次有試用機會又正值冬天服用，真係O岩晒..

中醫師叫我一日食一次，每次一丸，初期試食如果有發惡夢、瞓得唔好、又或者出好多暗瘡，就可以將份量減半；但感冒期間就一定要停服。

 

 

大丸裝..

 

 

真係好大粒O架!!!!

 

口感有D似八仙果(涼果既一種)，但中藥味就濃好多。門市既職員同我講，可以當喉糖食，加水沖黎飲，又或者用水送都得。3種方法我都試過，當糖食要食好耐，而且好苦下；加水沖粒丸好難溶晒；放入口"趙"再用水送係最好。不過我本身唔係好受得中藥既味，初初食都幾難忍，我要飲好多水送，但食得一個星期到就開始習慣O左LU，唔覺得好難食，當然又講唔上係好味啦..

 

我係由11月22日開始食既，不過中間有2日感冒停O左，到今日為止食O左有12日啦。服用頭1-2日，已經覺得好似冇咁凍喎!!好似有道暖氣O係個胃度咁；到個幾星期開始，平時好冰既手腳大部份時間都KEEP住暖!!!先O個幾日天氣暖番D，有時夜晚瞓覺我仲覺得有少少熱，要開一陣風扇添!!!不過O係冷氣太凍既地方，背脊位有時都仲係會覺得寒寒地，但O係室溫既地方係OK既...

 

以為佢咁多中藥，食O左驚會出好多粒粒，因為當初中醫師都有問我多唔多出暗瘡，又提醒我如果食O左多粒粒要減半食；不過我食O左咁耐，瘡都冇咩生喎!!!仲要而家係PERIOD前，平時好易出瘡既下巴都冇事，而且我食O左都一樣好瞓得，但一向好少發夢既我，食O個12日我有1/3既日子都有夢發呀!!唔知關唔關事!!!好在唔係惡夢黎...

 

不過我食O左5-7日開始，去TOILET做大事O個時，好似有D濕熱既現象喎!!有D去唔清咁但又仲有便意，搞到有時一日要去幾次TOILET!!!但唔係肚瀉!!!

 

見到其他BLOGGER既中醫師有話食到幾時就可以停，我O個個又冇講喎!!!而家已經食O左有半樽，係咪要停下啦????不過我食O左除O左去TOILET有D濕熱之外，其他又OK喎!!!呢2日又凍番，但我都冇以前凍得咁勁!!!我覺得佢基本上都好O岩我食，但如果我再買就一定要買細丸一粒粒O個隻，呢隻食得唔係咁方便!!!

 

如果想知道多D INFO，可以去位元堂WEBSITE睇下:

http://www.wyt.hk/index.php

 

另外佢仲有個寒熱底測試，有興趣去玩下:

http://www.wyt.hk/yypquiz/index.html