2012年8月31日星期五

動手DIY變髮@SCHWARZKOPF FRESHLIGHT FOAM泡泡染髮系列

 
自從年前香港引入泡泡染髮後,我都有買過幾盒用..
好處係方便,自己染都好均勻;缺點就係較傷髮質,而且氣味十分難聞!!!
所以現時已經好少再買LU,直至朋友話有款新出既唔錯,於是我又一於再試試..



SCHWARZKOPF FRESHLIGHT FOAM 泡泡染髮系列  $89/盒


JUICY APRICOT 杏桃俏棕色


盒內包括(由左起): 擠壓式噴咀、染後修護霜、手套、 護髮染髮液、顯色敷用乳



1) 將護髮染髮液倒入顯色敷用乳
2) 樽口換上擠壓式噴咀
3) 左右輕輕搖晃5次(切勿過度翻轉)



垂直樽身擠出泡沫,逐少搽勻頭髮,完全唔會滴漏..
泡沫份量好多,中長髮既我係搽唔晒一枝,相信長髮買一盒都好夠用..
染髮既味道係有,不過比起以前用既牌子已經好好多..



等10分鐘後,再輕輕抹開泡泡,按摩至均勻..
發覺開始會有色,而且泡沫變少..



停留20-30分鐘後,可用清水過乾淨..
再洗髮並用上染後修護霜..



之前因為已經兩個月無染,髮色有D唔一樣,仲有少量白頭髮..
染完後雖然唔係盒上咁淺色,但個顏色都幾靚,而且好均勻,亦都幾順滑..


染完第一日,髮上仍然有少許化學味道,不過第二日開始已經淡好多..
而且髮質亦都以前用開既咁乾旱,但當然最好轉用滋潤一點既洗髮用品啦..
顏色我幾鐘意,之後洗多幾次個色會再明顯D..

各大萬寧及屈臣氏有售
查詢: 2233-0226


2012年8月30日星期四

享受尊貴頸部護理@REVIVE FERMITIF NECK RENEWAL CREAM

 
大家知道身體上最容易暴露年齡既地方嗎??
無錯,除O左面部肌膚之外,手、眼周、頸部都係特別睇得出歲月既痕跡..
我地會買HAND CREAM搽手,用EYE CREAM搽眼,但有幾多人會買NECK CREAM用??
不瞞你說,多年來我都係用面霜搽頸就算:P
年輕時還可以,但年紀開始大就發覺確實係有需要好好護理頸部肌膚..



REVIVE FERMITIF NECK RENEWAL CREAM SPF15
緊緻活膚頸霜
$1,200/75ML



以珍貴玫瑰精華糅合EGF表皮生長因子及緊膚因子..
為肌膚提供滋養呵護並撫平頸紋,改善前胸肌膚的下垂皺摺情況..
加止SPF15,可保護脆弱肌膚免受日曬傷害,重拾年輕光彩..



CREAM狀質感豐盈,有淡淡香味..
水潤質地非常好推,用後感覺滋潤,肌膚呈現光澤感..



每次用一粒珍珠份量,已經足夠搽晒頸部位置連胸口..
可能因為肌膚較乾,搽完真係迅速吸收晒,感覺滋潤但不油膩..
SPF15更方便早上外出時,省卻搽多一重防曬既麻煩,晚上亦可照常使用,不會阻塞毛孔..

本身頸紋唔算多,但卻有點乾,尤其夏天常常處於冷氣之中..
用後即時解決O左乾燥既問題,細紋亦因而有所改善..
價格不算便宜,但份量可以用上至少一季,絕對係值得投資O架^^

http://www.reviveskincare.com.hk
http://www.facebook.com/ReViveSkincare.hk


2012年8月29日星期三

應節新口味: HAAGEN DAZS流心雪糕月餅

 
【雪糕月餅】其實只不過係用雪糕加上朱古力/威化皮,製成月餅形狀..
所以決定佢好食與否,雪糕既質量就成為最關鍵既元素..
HAAGEN DAZS出品既雪糕多年來一直保守水準..
絕對係不吃傳統月餅既我,中秋應節既最佳選擇..



特別係今年新推出既
流心金尊雪糕月餅
$958/一盒8件


其中4件係流心雪糕月餅..
分別有曲奇雲呢拿(內藏朱古力流心醬)、士多啤梨(內藏桑莓流心醬)


切開真係流心,溫度既處理做得非常好..
本身好鐘意食曲奇雲呢拿雪糕,配上朱古力醬同餅皮味道好夾,亦唔會太甜..
士多啤梨雪糕帶有粒粒果肉,桑莓偏酸一點,食完覺得好醒胃..


咖啡(內醬焦糖流心醬)、芒果(內藏芒果流心醬)

 
呢兩款流心醬較稀,所以一切就好易流晒出黎..
芒果味同朱古力皮唔算好夾,可能各自既味道太強烈啦...
反而咖啡好有驚喜,連向來不好咖啡既我,都覺得配上焦糖流心勁好味!!
而4件無流心既月餅就分別係雲呢拿、焦糖脆餅、仲夏野莓及比利時朱古力味..


九星映月
$578/一盒10件
分別有9款味道,包括比利時朱古力(2件)、士多啤梨、雲呢拿、朱古力、曲奇雲呢拿、
咖啡、曲奇朱古力、仲夏野莓及焦糖脆餅


中間一個大既要切開食,其餘9個細既雪糕月餅,可以一口吃掉,HAHA..
選既過程都幾得意,因為完全睇唔出係咩味,最後抽中O左咖啡味..


七星伴月
$538/一盒8件

分別有8款味道,包括士多啤梨、雲呢拿、朱古力、曲奇雲呢拿、咖啡、
芒果熱情果、士多啤梨芝士餅及杏桃


彩雲追月
$718/一盒9件

分別有9款味道,包括雲呢拿、士多啤梨、比利時朱古力、曲奇雲呢拿、咖啡、
仲夏野莓、芒果熱情果、士多啤梨芝士餅及杏桃
*內藏有一球芒果雪菓為餡的【蛋黃】


圓月心意
$280/一盒4件

分別有2款味道,包括朱古力及仲夏野莓(各兩件)


試食完一輪雪糕月餅之後,就有師傅示範甜品裝飾..

看似容易,但到自己DIY既時候就知控制好難..
還是繼續吃我既雪糕月餅吧!!!

想知道更多款式,可以到各大專門店查詢,或者瀏覽以下網址:
http://www.haagen-dazs.com.hk
P.S. 9月16日前訂購有最高76折呀!!
買多D仲有禮物送O架!!


2012年8月28日星期二

全方位抗皺緊緻@ORIGINS悅肌再生系列全新潔面乳。活膚水。滋潤眼霜

 
ORIGINS去年推出既PLANTSCRIPTION悅肌再生系列兩款產品..
精華及眼部修護霜均大受歡迎,以天然成份為主既抗皺緊緻效果十分出色..
不過想更全面改善肌膚,就需要添加更多新成員,所以今年同系列推出三款新產品..



兩款基礎護膚產品: 潔面乳及活膚水
一款眼部護膚產品: 眼霜



ORIGINS PLANTSCRIPTION ANTI-AGING CLEANSER
悅肌再生潔面乳
$275/150ML

非洲長青木、茉莉花蠟結合燕麥氨基酸有效調節及平衡肌膚中的水份..
輕易清走老化角質及死皮,軟化及滋潤肌膚,即時清除暗啞膚色..



只需要好少份量,就可以打出CREAMY質感既泡沫..
潔淨功效非常好,用後肌膚柔軟而白淨,不會感覺太繃緊...
唯秋冬季節時可能唔太適合乾性肌膚使用..



ORIGINS PLANTSCRIPTION ANTI-AGING TREATMENT LOTION
悅肌再生活膚水
$310/150ML

蘊含非洲長青木、茉莉花蠟、咖啡因、蘆薈及栗子籽萃取..
質感清爽輕盈、保濕同時滋潤,瞬間讓肌膚變得柔軟、細滑、富有光澤..



白色乳狀質感偏水,可倒於掌心輕按肌膚,用後感覺非常滋潤,帶有光澤感..
不過夏天早上有時太悶熱,我會倒於化妝棉抹,感覺會清爽一點..



同時亦可配合按摩動作,尤喜歡晚上開冷氣時用多一點..
令肌膚一整晚都不會乾燥..



ORIGINS PLANTSCRIPTION ANTI-AGING EYE CREAM
悅肌再生滋潤眼霜
$440/15ML

蘊合皇牌抗皺配方非洲長青木,重點加入具撫平皺紋及修復肌膚彈性的百金花..
以及抗醣化、促進膠原蛋白自我增生的康普茶,擊退眼部深長皺紋、魚尾紋、網紋..



CREAM狀質地豐盈,但推開易於吸收..
滋潤保濕,即時解決眼周肌膚乾燥感同乾紋..

用O左約3個星期,最明顯係眼底條紋淡O左,感覺冇咁乾..
黑眼圈其實都係差不多,但眼尾位感覺有少許提升..
最鐘意佢滋潤得黎唔笠,黎緊轉季都可以繼續用^^


http://www.origins.hk/
http://www.facebook.com/OriginsHK


2012年8月27日星期一

電熱造型好幫手@KMS CALIFORNIA FREE SHAPE系列

 
每日都賴床、趕時間裝身打扮、出門遲到幾乎係我每日既生活寫照:P
以為我會素顏兼頂著一頭亂髮上班去???對不起我接受唔到囉~~~
牛記笠記既CAUSAL穿著我會,但髮型同化妝就堅持點都要整理下先可以見人..



最近直髮夾就成為我既新寵兒,不過日日用點都會對頭髮造成傷害,所以今次就試下..
KMS CALIFORNIA FREE SHAPE系列


FREE SHAPE SHAMPOO $180/300ML
可改善柔韌性和易梳度,使髮絲進入準備狀況以仔作電熱造型

淡紫色LOTION狀,易起泡,用後頭髮順滑..
特別適合髮質乾旱人士使用..



FREE SHAPE CONDITIONER $180/250ML
修護髮絲,使之柔順易於梳理

GEL CREAM狀,易於推開及均勻搽於頭髮上..
用後感覺非常順滑..



FREE SHAPE DEEP CONDITIONER $180/125ML
修復和平滑表層,改善粗硬或不受控制髮質,作深層修護

CREAM狀質地,每次使用唔需要太多..
用後髮絲順滑,感覺滋潤..



FREE SHAPE QUICK BLOW DRY $220/200ML
加速乾髮時間達50%,減少髮絲磨擦同時輕盈修護,具抗熱功能



用前需要搖勻,水狀質地偏清爽..



洗髮後抹乾頭髮,再於全頭輕噴一圈..
可自然風乾或者用風筒吹,雖然冇快50%,但至少有快40%乾既速度..
平時我最討厭吹頭,因為吹到手都攰都未乾,而家用O左佢,5-8分鐘就可以乾透..



吹乾後雖然仲有少許毛燥出現,但髮質其實變得非常柔順O架!!



FREE SHAPE HOT FLEX SPRAY $200/200ML
可靈活塑型並富彈性支撐,亦可隨時再塑型,抗潮濕和髮絲不易折斷

水狀質地,滋潤保濕度較高..
用後再用直髮夾,造形真的比以往持久..



FREE SHAPE HOT FLEX CREME $220/150ML
針對粗硬及難控制髮質,甚至為不受控髮質提供持久塑型效果
令髮質柔順,具抗熱、防折斷及抗潮濕功能

基本上日常用SPRAY已經足夠,不過如果頭髮太亂或者太乾,用CREME就會好D..
GEL CREAM質地唔需要用太多,最緊要搓勻先好上頭,避免過量..



配合使用直髮夾,頭髮真的順滑好多..
而且亦都冇咁乾旱,到放工都依然KEEP得到..

想知道更多產品資料同銷售點可參考:
http://www.kmscalifornia.com/zh-HK/default.aspxhttp://www.facebook.com/KMSCaliforniaHK




2012年8月24日星期五

THE STAR PENINSULA SPA 瘦身療程第一回: 淋巴排毒按摩+瘦身熱毯


雖然夏天已經過O左大半,不過我既減肥計劃依然都係毫無進展..
無奈忍唔到口又唔願郁做運動,最想當然係可以搵其他人代勞幫手消脂啦..
所以黎緊會O係THE STAR PENINSULA SPA進行各種瘦身療程,希望真係躺著都能變瘦!!



是日進行兩個療程,過程大約75分鐘到..
首先係人手香薰排毒淋巴按摩..


脫光衣物,只剩一條紙底底,扒上床後就開始啦..
按摩師會由小腿開始按、到大腿、HIP、手臂等等..



之後反轉集中按摩腰腹
因為我水腫非常嚴重,所以過程中有D部位真係幾痛...
不過按完真係即時鬆晒,尤其我對超緊既小腿,D肉都軟番好多..


通完淋巴最好就即時出身汗,加速血液循環,有助排毒消脂..
所以按著係進行遠紅外線排毒瘦身熱毯..
大約進行30分鐘..


初時只覺熱熱地幾舒服,但到完成前10分鐘,就會感覺成身都係汗...
相信我去做運動都出唔到咁多呀!!!面同身都佈滿汗珠...
抹乾身之後,真係感覺到好爽,筋骨都鬆晒添~~


返屋企影番條肥腰對比照...
咦??線條真係平滑O左好多喎,無咁一舊舊..
雖然磅數仍然係差不多,但整體身形係有少許改善,我覺得已經唔錯...
想知我下一次既療程係咩,記得留意啦^^

http://www.starpeninsula.com/
http://www.facebook.com/the.starpeninsulaspa