仲記得一個星期前我抽中O左THE ZTYLE X AQUA LABEL GROUP 1既產品試用嗎???已經連續用O左一個星期，係時候要分享下用後感啦...
AQUA LABEL CREAMY OIL CLEANSING & MOIST COAT ESSNCE
AQUA LABEL
膠原保濕卸粧乳霜油
CREAMY OIL CLEANSING
110G/$75
全能卸粧 同步保護
全新乳霜狀使用更方便，質感滋潤柔滑；接觸肌膚後即轉化為油狀，徹底深入毛孔溶解彩粧及睫毛液，一經沖洗徹底卸粧。性質溫和，嶄新【高密度水潤配方】，強化肌膚天然的保濕機能，並將滋潤成分完全導入至肌底，持續滋潤；配合美容乳霜成分及骨膠原GL，肌膚加倍滋潤，更有助提升肌膚密度。卸粧同時護膚，締造緊緻水潤美肌。
含清新玫瑰花香，舒適優雅。
使用方法:
使用前請確保雙手和面部乾爽。擠出一顆櫻桃的份量至掌心，打圈塗勻全面至彩粧溶脫，然後徹底沖洗。
吱出黎係半透明杰身GEL FORM..
推開就會變OILY..
使用次數: 7次
皮膚性質: 混合偏乾、易敏感
第一次用我係卸埋眼妝既:
佢寫住每次用一粒櫻桃既份量，呢個份量可以足夠卸埋眼妝O架啦!!! 乾手乾面上，GEL FORM一推開就會變油狀，好好推；連眼妝都可以卸得好乾淨，又唔會"拿"眼同埋令對眼好朦，但就真係要按幾耐下，D眼妝先可以完全卸除，所以我建議如果化比較濃既眼妝OR有用WATERPROOF既EYE MAKE UP PRODUCTS，都係先用EYE MAKE UP REMOVER先，之後先全面再用佢卸，咁對眼部皮膚會好D，冇咁易成日拉扯。
眼妝示範:
LANCOME MASCARA/RMK GEL EYELINER/MAYBELLINE EYE LINER
吱D OIL CLEANSING上去..
就咁推勻...都已經見溶得7788..
用TISSUE乾抹,都甩晒咁滯,只係仲有少少GEL LINER...
濕少少水抹就完全乾淨咋啦..
之後既一星期我都有用EYE MAKE UP REMOVER先再用佢卸全面:
而家用既份量更少，只要用一粒波子咁多就足夠卸全面啦。GEL FORM變油既質地，按摩時好舒服，之後再加水乳化，彩妝就可以卸得好乾淨。如果就咁用水過，皮膚就會覺得比較滋潤，呢個方法好O岩天氣乾燥既時候OR皮膚係乾性既人；但如果加上濕透既海棉清洗，就會變得比較清爽，用完皮膚一樣係好SOFT唔乾，怕有滋潤感既人可以試下咁用。
初試時覺得有頗濃既花香味，但推開上面又唔係好勁，之後用用下唔知係咪成日開蓋閂蓋，香味好似冇咁濃，又覺得幾OK喎!!!!用O左成個星期都冇敏感，佢一枝有成110G，EVEN我日日化妝，至少都應該可以同到個半月至1個月，以佢呢個價錢黎講，真係好抵用，用完一定會回購。
AQUA LABEL
透明毛孔遮暇膏
MOIST COAT ESSENCE
6G
只需10秒 遮蓋粗大毛孔
乾燥缺水既成人肌膚，毛孔顯得特別粗大，即使塗上粉底亦未鹿遮蓋瑕疵。
【透明毛孔遮暇膏】蘊含AQUA SYNERGY【導入滋潤成分】，10秒間迅速遮蓋粗大毛孔，同昤將滋潤滲透至角質層，令肌膚柔滑細緻，粧容貼服持久，效果更完美!即使近距離接觸，細看肌膚依然完美無暇。
使用方法:
取出適量用指尖在臉上打圈，均勻塗抹所需位置。作為早上最後程序
使用次數: 6次
皮膚狀況: 鼻、鼻側近面頰位毛孔非常粗大
白色半透明膏狀，以打圈方式沾取遮暇膏塗O係毛孔粗大既位置，我試用過幾個方法:
1) 用完SKINCARE後，即時搽上遮暇膏，之後再搽BASE、BB CREAM、LOOSE POWDER，搽完遮暇膏之後，鼻既毛孔真係遮到8成，面側完全遮晒，摸落仲好SMOOTH，但上完晒成個底妝之後，只係遮到5-6成，而且好快溶，以而家既天氣，2個幾鐘D毛孔又現番晒LU..
2) SKINCARE、BASE、BB CREAM之後先上遮暇膏但因為有化妝，所以我唔係打圈上，而係逐少印，之後再上埋LOOSE POWER。咁樣就算化埋妝都遮到8成，但一樣只係KEEP到2個幾鐘ONLY...
3) SKINCARE、BASE之後打圈上遮暇膏，SKIP唔用BB CREAM，就咁乾上一層2-WAY CAKE。呢個方法係遮得最好，遮到有9成O架，而且可以KEEP足半日，不過天氣太乾就唔可以咁用啦...
可能我毛孔真係好大下，呢個遮暇膏對我幫助唔大，不過用O左係好少少既，同埋搽O左都唔會話好乾；因為一般遮毛孔既產品，都好吸油下同埋主要係用矽令到佢SMOOTH，呢個反而又唔會喎!!!
後記:
總結呢2件產品，我諗前者既OIL CLEANSING回購度係100%，一黎價錢平，二黎卸妝乾淨，三黎冬天用好適合；但後者既遮暇膏對我黎講就麻麻地啦，而且佢一罌係硬既膏狀，每次用好少，都真係有排用，唔需要回購都得...
沒有留言 :
發佈留言