喪買工展會

朝早返完半晝之後,今日就正式開始我個悠長大假啦,放到1月4號先返工,HOHOHO...

因為有半日假又O係CWB,咁就不如約埋阿媽阿爸去工展會啦,我諗住閑日又係下晝應該會少人D,不過原來係錯既,實際係多人到爆,尤其係食品O個區,反而家品健康用品O個度就冇咩人...

我地3個都係FREE入場,點解??因為佢地兩老過O左65歲嘛,我就係有張免費"飛",所以齊齊唔使PAY!!!其實我都係諗住買野食多,去到就係咁掃.....不過我地行得都好快,唔使2個鐘行完仲拎到一袋二袋,使O左大約4百幾蚊啦....

睇下D戰利品先...

全部都係野食,仲有唔少醬料,其他就多數係零食,仲有買O左D花露水囉...

我仲買到隻好好味既麵,係星加玻出O架,即場試過隻酸辣湯麵,超好味,連湯都飲埋,佢$50/4PACKS(1PACK有5包),仲要係不含味精,好過食即食麵啦...

其實我仲有一張"飛"未用,或者會再去多轉都唔定O架