抗皺開架好物推介: NIVEA Q10 EYE CREAM

開架品牌之所以咁受歡迎,係因為佢形象夠入屋而且隨手可買,好似我有鋪行個人護理店癮既人黎講,幾乎每次都唔會空手而回;而NIVEA更加係我自中學開始常用既護膚品牌,無他既,只係因為平、靚、正...

今次試既Q10 EYE CREAM更加係09年消委會推荐最WORK既抗皺眼部產品,來頭咁勁,點可以錯過...

NIVEA Q10 PLUS ANTI-WRINKLE EYE CREAM $159/15ML

1.提升天然輔酵素Q10,針對肌膚底層皺紋,令眼部肌膚變得幼嫩細滑..

2.對抗紫外線UVA及UVB,防上眼部幼嫩肌膚受侵害..

3.有效減淡黑眼圈...

4.不含香料,清爽配方,快速被肌膚吸收...

5.經眼科及皮膚科專家測試認可,適合配戴隱形眼鏡的女士使用...

TUBE裝設計,咀頭夠細,可以吱出合適分量唔怕浪費...

白色CREAM狀,無香味,頗杰身但尚算易推開,十分滋潤....

用O左十日時間,每次只要用一粒小豆份量就OK,千祈唔好貪心搽多,因為佢都幾滋潤,而家又係夏天,好易覺得LUP O架,但只要用對分量就覺得好好用..

黑眼圈其實冇咩改善,好似仲勁O左(因為最近都好夜瞓...=口=),不過眼周膚色望落比之前均勻,冇咁乾同有少少FIRMING作用,感覺緊緻D..

如果眼紋好勁O個日,又或者乾到搽O左粉會有紋出現,我會用佢厚敷3-5分鐘當急救EYE MASK,之後用COTTON PAD沾少少TONER抹走就OK,乾紋即時會淡晒,上妝會貼好多..

一枝百幾蚊既眼霜,可以有FIRMING同淡紋既功效,而且仲防UVA/UVB,開架品牌黎講可以話係超值;不過佢比較適合眼周較乾同成熟皮膚用,如果你比較易起油脂粒既可能用GEL狀產品會適合D..