深圳無聊一遊

平時我好少去深圳,O係O個度搭車轉車就有既,今次因為大家姐話放假無聊,問我有冇興趣同2個兒甥上去食下野行下咁,佢住上水好鬼近嘛,咁我見又冇咩特別野做,就應承O左去...

朝早11點幾出發,過關好多人呀,不過都唔算好耐,而且我地又冇行李輕鬆好多,太耐冇黎呢度,原來過O左關搭電梯落下面一層已經係地鐵啦,第一次O係內地搭地鐵,樣衰都周圍影下先...

深圳地鐵路線都好簡單BOR...

買票都好先進...

張票好似打牌既籌碼...

不過其實係似我地D八達通咁,入閘時一嘟即得,出閘O個時放入去就OKO架啦,幾方便...

羅湖站...

(題外話,原來有BLOGGER當日見到我O架,不過佢唔SURE係咪我,冇上黎打招呼,好在我O個日都有化下妝JE...HEEHE)

月台...好似HK既地鐵....

上到去其實已經點幾啦,都好晏下,第一時間去O左醫肚先...

呢間日本料理幾靚O架,好乾淨衛生..

天婦羅定食...

超好味,而且配菜好多,除O左呢度仲有個蒸蛋,雪糕同果汁..

最抵係D果汁可以無限添飲,真係新鮮榨出黎O架,最愛佢既木爪牛奶,YEAH!!

其實除O左呢D仲有其他任食SET O架,夜晚都有,不過我地去到有D晏,任食已經係LAST ORDER,所以叫O左定食囉...

我呢個咁食得既人都食剩好多,證明真係好大份...

之後因為落大雨呀,我地都只係O係SHOPPING MALL行,D小朋友最開心囉,可以買好多平書,家姐又買D VCD,我就真係勁,一毫子都冇使過呀~~~~