韓燒正正正~~~~

今次係我第一次開POST講野食,呢間韓國料理係我個FD KAREN介紹我去食O架,真係唔去由自可,一去死晒火....HOHOHO...

自此之後,我地基本上1-2月一定去豪食一次,放縱下嘛,成日去就唔得啦,太熱氣又肥,今晚我地2條友去食,當然又係食至愛既韓燒啦...

一開始就有8小碟,次次唔同,只係泡菜就一定有...

仲有至愛既蔥沙律...平時我係唔食蔥O架,但呢個又好OK喎,酸酸辣辣,夾肉食一流...

呢個牛肉他他係我個FD要叫既,係生牛肉絲,雪梨同調味料,呢個我都係第一次食咋.因為MENU上面冇O左一排O架,近排又有番就試下囉,又幾好味喎!!!一D都唔覺係生肉,甜甜地而且雪到好凍,唔錯O架...

最後就係韓燒主角啦,牛助骨一定要叫,好JUICY又好味,仲有辣汁豬腩肉,一定次次都叫O架,辣辣地唔覺肥好香口,但就千祈唔好叫豬腩肉(冇醃既),好肥又唔好食,另外蝦都好彈牙大隻...

除O左呢D,帶子,雞肉都GOOD O架,不過我地當然唔可以樣樣叫晒啦...

韓燒之外,仲有湯鍋,炒年糕,粉絲,麵...ETC,都好好食O架...

如果叫O左韓燒食,每人都會有一碗牛肉蘿蔔湯同白飯,碗湯超正O架,次次一定飲晒,不過我掛住食,之後冇影相啦...

食完晒仲會有雪糕同生果,正!!!我地有VIP CARD,每次去都9折,即係免加一囉...

店舖:

金羅寶韓國料理

銅鑼灣金百利廣場6樓