MY BEST FRIEND'S WEDDING--KAREN

KAREN係我由中一識到而家既好朋友,計起上黎已經識O左有十幾年啦(廿年就未到既....HEHEH...)今次結婚佢搵O左我做伴娘,仲有其他都識O左好耐既中學同學做姊妹,今次我地都相處得好開心,因為一早都識嘛!!!!不過我就超攰囉,因為之前要成日同佢去試衫買野,日日都好攰呀!!!仲攰過返工....

 

初初都有諗過個婚禮唔知會唔會好感動.....但....原來我做伴娘,係根本冇時間感動O架!!!只係幫手幫到好忙,要同佢去換衫,佢行黎行去要拎住裙尾,自己都冇時間食野呀!!一可以返埋位就唔理三七廿一"隊"D野食入口先,食得幾多得幾多嘛!!又要記得幫佢叫人PACK野食拎上房,唔係佢之後一定餓死,所以後來我個妝溶晒都冇理呀!!!因為已經攰到唔想搞LU.....

 

仲要擒日都好凍,又一早要出發,我地個個姊妹件衫都薄到好似唐朝豪放女咁,夏天薄料又吊帶又LOW CUT,雖然有件披肩,但都好凍呀!!!貼暖包都凍到打冷震!!最好笑係我地有時D暖包貼得耐,行行下趺O左出黎都唔知囉,HHAHA...

 

比個日頭仲係正常樣大家睇下先...

 

 

ME & KAREN

我個FD既妝都化得好靚喎!!頭都SET都好好,不過我全日都係自己搞掂咋,事關擒日真係趕到想爆粗!!!化妝師都差D唔夠時間同佢搞呀!!!
因為中間有段時間係出海,我同幾個姊妹因為大風同會暈浪所以冇上,就坐車早D去HOTEL,O係佢地未黎之前擺好晒D晚妝頭飾出黎先,仲有我要換埋衫補埋妝,咁佢地黎到就可以快手D啦....

忙碌3人組: CAT表妹,ME & KATHY姐

所有姊妹&一對新人全體合照(因為用SCANNER上載,質素麻麻地)

所有姊妹+兄弟&一對新人全體合照..

到差唔多尾聲既時候,我同新娘個妹入O左去新娘房,同佢PACK好晒所有晚裝同首飾先,等之後D姊妹入黎可以即刻換埋衫入箱,最後等埋新娘入黎換埋,我地都好快手,12點幾已經搞晒咁滯啦,之後我就同幾個FD打的回家...

打的3人組: FLORENCE,EMILY & ME

臨走再同人影下相,中間既EMILY開席先到,但我一直都冇時間同佢影相呀!!!雖然已經冇O左伴娘裙,但好在
仲有個頭同妝O係度...

http://www.karenandvincentwedding.com/index.html