來自新西蘭的蜂蜜護膚(工作坊篇)

一向都對蜂蜜護膚品情有獨鐘,除O左因為佢香甜既味道之外,本身蜂蜜都具有消炎,抗敏,滋潤等各種功效,特別適合敏感皮膚既我使用;而最近引入香港既COMVITA全線護膚品,主要成份係新西蘭獨有MANUKA蜂蜜之中,一種具有抗氧化既複合物HUNI®XA™,可以增加皮膚既天然膠原同彈性組織,比市面既蜂蜜產品更為出色..

上星期五晚好開心可以出席COMVITA既工作坊,可以了解下新入既護膚系列..

因為正值放工時間,大會貼心為大家準備O左水果,健康果汁同各式三文治,卷物等..

枱面亦都放滿COMVITA身體同面部護膚產品....

工作坊開始之後,工作人員詳細為我地介紹COMVITA護膚品獨特之處,其天然成份除O左由MANUKA蜂蜜提煉之外,仲加入唔少新西蘭本地植物,其中包括原住民傳統使用既植物,係好珍貴而又市面少見既護膚素材..

當然我地仲襯呢個機會試晒所有面部護膚品啦,佢既味道唔止有蜂蜜既甜味,但有唔少植物既甘香味道,花香等等,以配合唔同既需要同功效...

同場仲有介紹佢既身體護膚系列,一套三塊沖涼皂最得大家歡心,我當然都唔例外啦,因為本身我都好鐘意天然香薰味道既產品,皂亦都係我時常使用既CLEANSER,除O左面,身體,頭髮都有,尤其係春夏時份,用皂既感覺更加清爽舒服,睇黎我會入手一塊試下先..

最後美容顧問NOEL細心同每一位進行訪談同檢查皮膚,睇下應該使用中性至乾性,定係中性至油性既護膚品,而我其實NOEL話只係有D乾,所以用兩款都可以,咁佢就提議我CLEANSER,TONER同MASK用中性至乾性,其他就用中性至油性,混合使用...

因為我地最遲走,同各位職員都傾得好開心呀,一套9件產品已經用O左幾日啦,等我用夠10日就會再分享效果如何...

http://www.comvita.com.hk/