本身已經係肥底,過O左個超級放縱既冬季之後,身上既肥肉當然係有增無減啦!!其實我呢2個月已經開始飲花茶去水腫,都幾WORK,不過減肥係需要各方面既配合同努力既,所以黎緊我會試唔同既產品,希望O係夏天要露肉之前瘦番DD啦..
SO2C 泰易瘦手臂線條緊瘦霜
CONTOUR SHAPING ARM FIRMING CREAM
$198/100G
特含泰國傳統草藥喇沙葉,能促進微血液循環,幫助手臂脂肪代謝...
每天使用,在運動前或沐浴後,塗於有需要位置,打圈按摩三到五分鐘,特別集中在肥胖的部位..
GEL CREAM狀既質地,好推不過唔係即時吸收晒,所以好適合用黎按摩,帶有微微花香,搽時有少少涼,都幾舒服,而且用完皮膚仲幾SMOOTH添..
按摩時我鐘意打圈將CREAM搽勻皮膚先,之後就按淋巴位,由下而上用力推,可以有效去水腫O架!!說明書話要按3-5分鐘,但講真要舉起隻手按咁耐係有D攰,所以我每晚都係按1分鐘到咋!!而且天氣時凍時熱,沖完涼凍冰冰就咁搽,真係有D頂唔住,我諗夏天或者熱番D既時候用會更有恆心按..
用O左2個星期,肉眼睇其實用前用後差不多,效果唔算好明顯(我相信如果有按足3分鐘會好好多),不過都瘦O左2CM喎!!算係唔錯O架啦,一向對於外用既SLIMMING產品期待唔會好大,因為佢係附助既作用多,而且手臂係好難瘦既部位,除非你體重有明顯下降,又或者有做運動..
最近我已經開始從飲食著手,再配合埋唔同產品,希望下一PART會有D成果啦..
沒有留言 :
發佈留言