黃金活膚生物水凝MASK@森田藥粧(下)

自從O係BLOGGER'S GATHERING試過黃金MASK既果凍質地之後,覺得好得意,一直都念念不忘好想買黎試,早幾日行過莎莎見到只係$79一盒,都唔係貴呀,就買O左盒試下..

黃金活膚生物水凝面膜

$79/一盒5片

持續集中深層滋潤，令肌膚緊緻有彈性、晶瑩剔透..

成份都好珍貴,有黃金,人蔘,珍珠等等...

呢款MASK都幾重秤下,因為成片都係果凍仲要有唔少精華O係入面...

同佢普通款既MASK比較下,一睇就知啦,係成包脹卜卜O架...

叫得做黃金MASK,入面既成份一定要有黃金先得,因為台灣方面對美容用品既監管都比較嚴謹,果凍質地都有一定既厚度,每包入面都超多精華,倒出黎浸面膜紙都應該夠敷一次,HAHAH...

面膜既質地我幾鐘意,不過CUTTING就真係差O左D,你睇下個鼻位咁細,完全覆蓋唔晒;仲有,因為果凍質地要成片全面敷,會好易一邊貼,另一邊又彈起,所以好難係做到每個地方都貼晒,其實我覺得有D浪費O左佢咁好既成份同材料..

所以第2次敷,我就將佢分為上下兩片剪開,果然係貼好多,不過果凍質地如果用力拉好易爛,所以要小心敷;同埋佢好易會"跣"落黎,敷既時間最好躺平個身啦..

撇除佢CUTTING既問題,其實呢個MASK既效果係好正,敷完係有"叮"一聲既感覺,保濕同時整體質素係好O左,毛孔、皮膚都細緻SMOOTH得多;所以如果可以改善下CUTTING方面,或者可以將佢分上下兩片咁出,我一定會回購...

P.S. 如果你屋企有浴缸又或者會浸浴,敷完個MASK仲可以浸落熱水度,入面既精華會溶解,咁就可以浸埋個有美容功效既泡澡..

森田藥粧@莎莎

SASA FACEBOOK