另一便宜好用卸妝物: PURE BEAUTY

日常生活中,使用得最快既美容消耗物,一定係卸妝產品;所以呢方面我唔會花費太多,以便宜又好用為主,所以開架品牌自然成為我既目標心水..

最近行過WATSONS(因為要入WATSONS會嘛,就順便周圍行下),發現原來出O左隻新既PURE BEAUTY PERFECT CLEANSING OIL,MADE IN KOREA但價格同平時用開既差唔多,實在值得入枝試下..

PURE BEAUTY PERFECT CLEANSING OIL

完美卸妝潔膚油

$89.9/190ML

含大豆油,橄欖油及特選天然籽油,能夠徹底卸除彩妝,頑固眼妝,污垢及多餘油脂,其中的天然草本精華包括薰衣草及迷迭香,更具舒緩及保濕功效,清潔力強而且用後不油膩不乾燥,適合各類型肌膚使用..

CLEANSING OIL質地比較稀身,好易推開,加水好快就會乳化...

卸除E/S幾乎一按就冇晒,但MASCARA就要加水乳化時先冇晒,真係好乾淨...

平時好難卸既EYELINER,乳化之後,只有KATE LIQUID EYELINER仲有好淡既色....

底妝用品好快就卸乾淨,完全不留痕跡..

使用次數: 4次

因為有每日化妝既習慣,所以卸妝用品我都幾有要求,第一要易推同乳化,第二要唔會過敏過油起粒粒,第三係要卸得乾淨;不過開架品牌黎講,唔係好多隻可以符合晒我既要求,可能大家會話一分錢一分貨JE,但我覺得總有例外既..

其實本身用開既CLEANSING OIL,已經用O左好幾年,都係開架品牌又好用,仲可以濕手搽添,不過你知啦,用得一排見新野,就會心思思好想轉下,而PURE BEAUTY PERFECT CLEANSING OIL,真係可以成為我既另一個心水選擇,唯一挑剔既只係佢要乾手用..

稀身既油狀,好易推溶晒面上既彩妝,不過我個人多年習慣,都會另用眼唇卸妝液,因為對眼周肌膚冇咁易拉扯嘛,但PURE BEAUTY既卸妝能力真係幾高,好多防水防油,甚至暖水落既眼妝用品,都可以卸除9成以上,而且都係方便購買又便宜,大量使用都唔肉赤!!!