肥羊都要塑身、消脂、去水腫^^

各種外用瘦身產品之中,按摩油係最得我款心,一黎有濃濃香薰味道,RELAX又好聞,二黎佢可以當埋MOISTURIZER,搽完按完夠晒滋潤;而ALQVIMIA出品既呢枝BODY SCULPTOR BODY OIL早已久仰大名,今次有機會試用真係超興奮呀...

ALQVIMIA BODY SCULPTOR OIL

結合天竺葵、西柚、杜松果、檸檬、薰衣草、莞荽、香茅等多種天然香薰油,再配合榛子油、小麥胚護膚油,迅速直入皮下組織,發揮三項塑身功效:

排水: 提升血液及淋巴系統循環,排解體內毒素及過剩水分...

擊脂: 加快新陳代謝,消除蜂窩組織炎和橙皮脂肪,擊退脂肪,並預防脂肪細胞再次積存...

緊膚塑形: 滋潤、收緊、增強肌膚彈性、改善妊娠紋,令體態線條回復結實..

油狀質地,清新香薰味道,易推開同吸收...

使用2星期之後,已經用O左有一半啦..

(註: 我係用60ML裝)

今次我主要用O係腳同肚腩位...

因為最近好夜瞓,個人好"墜"覺得好攰咁,所以好想去水腫順便按摩下...

由下向上按,我會用少少力度按淋巴位置,仲有D覺得"冤"痛既位;其實我唔係按好長時間,2隻腳大約都係5-10分鐘到,不過按完好舒服,有鬆O左既感覺..

肚腩位除O左打圈按之外,我仲有輕輕"搣"下(當然係好細力唔會痛既),我每次按完都會去TOILET,唔知係咪有按摩同刺激腸道呢???!!!因為我好少夜晚會去O架..

雙腳使用前後唔算特別瘦好多,但腳型明顯有改善,同埋水腫係去O左唔少,膝蓋都冇咁腫漲,皮膚仲幾滑溜添!!!不過我覺得佢對肚腩既效果仲勁,腳係去水腫非常好,而肚腩係消脂減寸數,可惜我唔記得用之前影底佢,但真係瘦O左成寸O架,我覺得我個大肚腩有得救啦...

價錢方面佢唔算平,不過一枝150ML貨SIZE應該都可以用到4-5個月,除開其實比用GEL/LOTION更加抵,而且冬天就到啦,用油可以更加滋潤,一舉兩得...^^

ALQVIMIA:

銅鑼灣廣場一期(2577-2333)

 九龍灣德福廣場二期(2243-3377)