敏感肌必試: 十分鐘降紅保濕面膜

上星期返完大陸幾日後,皮膚變得又乾又敏感,面珠位仲時常出現泛紅一撻撻,雖然化妝都仲可以遮蓋到大部份,但近睇仍然見到過敏既痕跡;咁O岩最近收到一罌SOOTHING GEL MASK試用,當然要即刻開黎敷啦!!!!

PETER THOMAS ROTH CUCUMBER GEL MASK $440/150G

性質溫和的凝膠面膜,適合所有皮膚,可以每日使用,為肌膚保濕及鎮靜皮膚,亦可用於眼部以消除浮腫;有效令肌膚回復活力及改善透明度,令肌膚感到清新柔滑、明亮剔透..

半透明淡綠色GEL狀,無香料,厚厚地塗上一層,待10分鐘即可洗掉(因為較厚身,建議配合海棉用會比較易清洗)..

用之前明顯好紅下,而且係一撻撻又好乾添,厚敷一次之後,即時降紅8成,而且皮膚水份提升O左,所以平滑番唔少,勁得呀!!!!!

如果你係好似我咁皮膚容易因乾燥而敏感、泛紅,真係要買一罌黎傍身,我連用3晚之後,面珠位已經唔再紅啦,皮膚亦都回復平滑細緻;而且佢無香料性質好溫和,日日用都冇問題,仲可以敷埋眼位去浮腫添!!!

夏天咁熱,放入雪櫃當COOLING MASK用,仲有降溫消暑功效O架!!!