OKRAPEPTIDE: 媲美BOTOX開架版精華

屬於微整形既注射類醫學美容,對於改善面形、皺紋、年輕化既效果尤其出色,不過瞻小怕痛既我,一直堅持未到滿面皺紋時(希望我唔會有咁既一日吧!!!),都唔會考慮呢種療程;而坊間含有BOTOX成份既護膚品,都價格高昂..




不過最近發現一隻新產品---OKRAPEPTIDE秋葵胜肽抗皺精華只售$290/30ML,聲稱去紋抗皺效果媲美BOTOX????究竟有咩成份咁勁先???




由秋葵植物提煉而成的秋葵寡肽,可有效抵抗肌肉收縮,徹底減退表情紋、皺紋及幼紋,而且不含人造香料、防腐成分苯甲酸脂、礦物油、硫酸月桂酸鈉、乙醇胺、尿素成分的衍生物、人造色素或其他致癌成分,不會引起粉刺問題,是入侵性BOTOX的天然的代替品..

 

質地係略為杰身既GEL狀,有少少薄荷味道,搽完有點微涼感覺,不過推開後好爽身,而且即時被皮膚吸收晒...

老實講,現時我最CONCERN既係頸紋,因為好深而且有幾條呀,不過搽完之後,效果冇想像中咁勁,只係淡O左DD;但成份天然,所以敏感皮膚都用得好放心..

反而阿媽用完,真係可以去做廣告代言人都得,HAHAH..
100%真人測試效果,搽完D紋....平O左7成都有,與其話佢燙平皺紋,不如話佢係令皮膚脹番!!!因為媽媽既紋係好深而且多,所以圖中呢PART都要用上一粒大豆既份量,不過呢枝野咁平,搽多D都唔肉痛啦,最重要係安全得多..

有興趣不妨到萬寧睇下...