卸妝清新體驗: DOVE深層潔淨泡沫卸妝液

如果你係愛美又鐘意日系美容產品既朋友,一定會發覺台灣既步伐永遠都係走前我地一步,好多開架日本品牌都只在台灣出售/優先發售;所以去年被台灣眾多美容達人推薦既DOVE深層潔淨泡沫卸妝液,O係我等到頸都長晒之後,最近終於正式登陸香港啦,YEAH!!!!

DOVE深層潔淨泡沫卸妝液
$89.9/155ML

~超棉密微分子卸妝泡沫,溫和而徹底清潔毛孔深處的殘妝
~用後肌膚能保持清爽光滑
~質地不黏膩,肌膚零負擔
~可乾濕兩用

泡沫好豐盈,不過話明係卸妝水,所以推開之後,佢係會變水狀O架,好得意!!!

一般卸妝用,我會泵3-4下,因為份量足夠先可以卸得乾淨O架!!!
使用前我會先用眼唇卸妝液,之後全面按勻泡沫卸妝液,再過水清洗就OK啦...
我覺得佢卸得好乾淨喎!!!而且唔會覺得好乾,同平時用既卸妝水分別不太,但就節省O左化妝棉既使用量..
而且用完唔需要再用CLEANSER已經好清爽,一次過卸妝+清潔,夠晒方便...

底妝、BB CREAM、粉底....
按完再過水已經乾淨晒,再用卸妝水抹已經抹唔出顏色..

胭脂(液體狀、膏狀)
其中液體狀既係好防水既BENETINT添,平時用卸妝水都唔一定甩晒,估唔到用DOVE竟然一次搞掂,勁!!!!

測試完+親身試用十日,我可以講DOVE深層潔淨泡沫卸妝液既卸妝同潔淨能力真係非常好,不過泡沫既東東始終比較乾爽,我皮膚偏乾,再凍D可能唔太適合啦!!雖然一次用3-4泵既份量,1枝可能用唔到1個月,不過幸好佢係開架價值夠便宜,用多多都唔會肉痛!!!



萬寧獨家發售