我家著火呀!!!!!!!

平日睇烈火雄心就多, 冇諗過我屋企都有火燭既一日......

不過大家放心,唔係大火黎,都算係不幸中既大幸囉....

今日如常放工搭車返屋企...

O係車度收到大家姐既電話..

原來係話我知頭先屋企火燭呀...

不過已經撲熄O左D火啦...

事緣係我阿媽走去煮熟油(平時加蒜/薑煮既油,可以加落麵同飯食,會好香既)..

平時煮都冇事...

唔知係咪佢開得太大火....

D油搶火燒著O左...

好在我阿媽醒,及時O係廚房拎起塊床單...

濕水襟住個火...

之後先冇事...

唔係佢塊面真係燒正呀...

不過佢對手就有少少水泡囉...

消防員黎到見到我阿媽條褲有幾個洞...

好緊張問佢有冇傷,叫佢睇清楚,有事下面有救護車可以即刻去..

好在我阿媽一向有靜脈曲張..

成日都會著住對壓力褲O架..

可能都幾厚下...

所以完全冇事喎..

唉!!!

不過返到屋企見到個廚房...

真係燻到黑晒呀...

我地全家人抹O左成晚...

都只係抹O左1/3咋...

好多野要丟,因為溶晒又壞O左...

遲D抹完...

仲要油番晒D油添...

因為D牆都黑晒...

而家成間屋都係"火羅"味..

唔知幾耐先散呀...