乾燥敏感肌推薦好物: THE ORGANIC PHARMACY DOUBLE ROSE ULTRA FACE CREAM

 

玫瑰香薰係我鐘意既其中一種味道..
不過身為敏感肌既我唔係隻隻都用得到..
因為玫瑰係有好活躍既修護成份,而且來源、濃度不同,效果可以有好大分別..



今次試既係英國有機牌子THE ORAGNIC PHARMACY..
O岩乾性敏感肌用DOUBLE ROSE ULTRA FACE CREAM..
最近天氣時冷時暖,有D擔心佢會油份會太高呀..:P



打開時聞到陣陣濃郁既玫瑰香薰味道..
第一個感覺係...好正!!!!



不過唔知係咪我拎O個時天氣太熱,佢有D油CREAM分離喎..
質地係介乎CREAM同BALM中間..
有D BUTTER既FEEL..
推開有少少杰身,所以說明都話要加幾滴精華溝開使用..
而且建議只係早上使用..
因為晚間要用抗氧化精華+啫喱作修護同排毒..



手上沒有品牌既其他產品可以配合..
所以試下就咁搽..
一個字: 笠..
之後我試下用雙手搓熱,再包住塊面輕印..
咁就好得多,起碼覺得吸收到..
係油份高D唔夠保濕..



於是我用上自家既保濕TONER同ROSE CREAM以1:2比例溝開..
搽上面就完全吸收晒,而且滋潤得黎唔笠..
水份仲升O左唔少添..

使用既個多星期,溫度由11度至24度不等,溫差非常大,濕度亦好高..
係誘發過敏同濕疹既好時期...
不過用咁耐SO FAR都無事,皮膚彈性仲好O左..
面頰泛紅同甩皮既情況都有改善..
對敏感肌幾O岩用,但皮膚易出粒粒同油性肌膚就唔建議啦..
而且佢味道好勁,好似我咁鐘意聞香薰味既會覺得正,但有部分人會抗拒..
買之前最好去專櫃試下先..

http://www.theorganicpharmacy.com/