平價身體美白之選~~

正所謂一白遮三醜,本身我皮膚都算白淨,所以我都好怕曬黑,因為我好奇怪,人地曬黑係黑得好均勻,而我係會曬到啡色一撻撻,尤其係個身喎!!!!因此我好注重身體美白既保養,預防勝於治療嘛,係咪???

不過市面上既身體美白防曬產品,唔係種類唔夠多,就係價錢貴,雖知身體皮膚範圍比較大,用量都幾多,而且足夠份量先有效果,所以我就買隻平平地既JOHNSON'S 試下..

JOHNSON'S NATURALLY WHITE 淨白透肌沐浴乳 $34.9/750ML

JOHNSON'S NATURALLY WHITE 淨白透肌潤膚露SPF8 $37.9/400ML

SHOWER GEL都幾易起泡,味道幾香但唔濃(因為我好怕D太濃既味),不過洗完有少少乾,但清潔力唔錯...

SPF8 LOTION我幾驚喜BOR,因為真係好水好爽身,推開保濕度好夠,有光澤又唔LUP..

左邊係使用前,右邊係用O左10日之後,其實差唔多冇話特別白O左好多,不過KEEP到已經OK O架啦..

左邊係未搽LOTION:                                        右邊係搽LOTION之後:

MOIST: 0                                                            MOIST: 4

OIL: 1                                                                 OIL: 4

SOFT: 0                                                              SOFT: 4

枝LOTION真係幾得BOR,用完皮膚水份,油份同柔軟度都去到4,真係VERY GOOD!!!

呢SET兩件加埋都唔使$80,容量夠多可以用到至少一季,買一SET KEEP住白淨過夏天就O岩晒,我仲有同媽咪SHARE一齊用,佢都唔知幾鐘意枝LOTION,因為係泵裝覺得好方便拎,有保濕又易推開,仲有SPF8,一次過滿足晒你幾個要求,又一證明平野都可以好正O架~~