極乾燥肌膚FACE & LIP急救良品~~

雖然已經一早為轉季做好準備,不過上星期濕度突然驟降,加上因為身體不適食藥既影響,皮膚真係乾到變"人乾"咁,好似搽極野都唔夠,尤其係朝早要化妝上粉,完全唔貼又甩皮,實在係好大困擾!!!呢個時候我醒起最近收到既幾樣新產品,O係無計可施之下唯有開黎試下啦..

MANDOM BARRIER REPAIR 三重補濕彈力面膜(極潤) $69/一盒5片

話明要急救極乾燥肌膚,當然唔係敷MASK咁簡單,要加埋個導入液先..

MANDOM BARRIER REPAIR面膜精華導入液 $38/一盒5枝

有齊呢2樣,就可以開始敷MASK啦...

導入液係CREAM狀,小小一包已經足夠搽均全面,唔需要按摩至吸收,因為搽完之後要即刻加PAPER MASK上面..

PAPER MASK充滿透明GEL狀精華,CUTTING好貼面而且感覺十分滋潤..

MASK個袋入面仲有唔少精華,而且佢敷完仲好濕潤添...

用之前我塊面真係乾到爆,可以話搽10層野都仲係有掹住既FEEL,敷完之後即時舒緩好多,而且感覺到好保濕好潤...

按摩到面上餘下既精華吸收晒之後,皮膚真係好似飲飽水一樣,好柔軟有彈性,而且有光澤感又唔再乾..

呢個MASK+導入液既組合,特別O岩皮膚極乾燥時作急救之用,而且無香料成份,敏感皮膚都用得,對我黎講係起死回生既,今次D皮膚乾成咁,只用一次已經搞掂;但要注意既係因為佢十分滋潤,所以唔可以太密用,平時保養既話,只係用個MASK已經足夠,加埋導入液就係深層保養啦..

除O左面部肌膚之外,乾燥天氣之下,個咀都勁乾,所以要用隻潤D既LIPBALM先得..

KISS ME LIP BALM

罌裝方便搽多D當埋LIP MASK用,日頭可以薄薄搽一層,夜晚瞓前可以搽厚一D..

我個咀一向冇咩血色又乾,好在比較少甩皮,呢隻LIPBALM冇色冇味,唔怕刺激咀仔,搽完好GLOSSY又夠潤,即時水潤好多,而家晚晚我都厚敷O架,唇紋都好似淺O左D..

有O左佢地,呢個冬天唔怕乾LU,其實而家好多平野都好好用O架,有興趣買黎試下..

銷售點:

莎莎、卓悅、Colourmix、天使、雅施、city’super、LOG-ON 、千色店、永安及SOGO等