兩樣都係半價之下買既,本身已經用過,覺得都唔錯,咁佢一做半價唔好蝕即買啦...HHOHO....
GARNIER LIGHT DAY CREAM SPF15 $99.9/50ML(買一送一時買,即係半價啦,我要一罌,另一罌比阿媽用)
睇落好CREAMY,其實推開好爽身,夏天好O岩用,又有SPF15可以有埋防晒,不過本身我都好多搽面野,同埋佢夠平,所以我用黎搽頸,夠潤美白又有防晒,骨骨骨骨啦......事關我條頸係深色過塊面...
另一個係YES TO CARROTS EYE CREAM $149.9/50ML(半價)...
點解咁平???我諗一黎佢可能撤出HK唔再有,二黎係呢批貨好多都只係得年幾2年期...
呢罌EYE CREAM以前我都買過O架啦,就咁睇原價你會覺得唔算係平,但你要留意下佢個容量,50ML喎????!!!!!一般EYE CREAM多數都係15-20ML咋,佢有成50ML真係世間少有...
佢係杰少少既CREAM,不過推開唔會LUP好快吸收,夠滋潤,但50ML一個人用實用好難用得晒,所以我次次都會比D阿媽用,因為佢皮膚好乾,搽得快過我好多O架...
CRABTREE BODY PDTS我諗大家就用得多,SKINCARE應該比較少人用,呢枝SOOTHING CREAM係我FD唔用比我既,佢已經用過2-3次,不過都係頂唔住陴味,但我又覺得冇乜野喎,可以按受...
佢係寫住可以任何時候搽,皮膚乾,曬傷,WAXING完...ETC...有舒緩既作用,我個FD同我講可以當MOISTURIZER用添..
佢係淡黃色既CREAM,同一般敏感藥膏差唔多,都係油份多D,但搽薄少少已經OK,同埋我未必全面都搽,可能搽面珠同咀角附近多,佢真係降到D紅同敏感一撻撻咁,但止唔到痕,初步既敏感情況係O岩用既....
有睇過我之前介紹既KI美白GEL MASK,都應該知道我有部導入器既,今次就講下我呢部野啦...
我係O係靚靚買既,好似係2-3年前,唔太記得LU....HEHE....O個時買大約$1XXX(過$1,500但真係諗唔起EXACTLY個價),佢有連埋ES保濕GEL,骨膠原ESSENCE,EYE ESSENCE同一枝去死皮MASK,D SKINCARE就一般啦,係覺得ESSENCE唔錯,但買黎專FOR做機就真係太貴啦,所以用完之後都冇再買過...
後面有3個燈,紅色ONLY就只係紅外線,見唔見到有紅色燈呢??
著O左就係咁O架啦,好光...
如果只係超聲波就唔會著,綠色燈係代表CLEANSING,右邊同中間燈分別係強同弱..
黃色就係紅外線+超聲波,係導入+FIRMING...
佢都幾易用,每次用之前同用完之後我都會用有酒精既GEL OR TISSUE抹,但我唔係成日用,我諗平均一個月2次到啦,至於用咩做我會用蘆薈GEL同KI美白GEL MASK,有時PAPER MASK都有用...
呢枝係近排發現既好野,彩豐行銀杏人蔘精華,$59/50ML^_^...
已經用O左兩枝O架啦,佢有少少人蔘味但唔勁,質地好水好爽身,保濕度我覺得OK,最.........緊要係佢無論我皮膚咩狀態之下都用到,連敏感到搽任何野都覺得"拿"既時候,用佢都完全冇事冇唔舒服,一枝50ML早晚用,可以用到2個月或以上,係超值之選..
去圖睇下個質地先.........真係好水O架,係咪???!!!!而家天氣咁LUP,搽佢就最正,HOHOHO....如無意外,我都會KEEP住用佢..
LOREAL PERFECT SLIMMING MASSAGE GEL.....
舊年佢新出既時候,我已經買過兩枝用O架啦,不過O個時梗係冇而家咁平啦,家下減到$89.9枝咋,見夏天又就黎,我又要開始我既減肥大計,於是又再買番黎用..
佢最特別係個按摩器,好易按同埋真係愈按愈痛O架,唔係講笑,尤其係按手臂位,真係可以痛到叫救命>0<...!!!!!!!不過我諗減肥既人真係有D自瘧既傾向,唔係愈墮落愈快樂,係愈痛楚愈有效,RIGHT????HOHOHO....
至於入面既GEL,我其實覺得一般,用佢其他PERFECT SLIM系列既GEL都OK,SELLING POINT係個按摩轆轆...^_^...
THE BODY SHOP VITAMIN E MOISTURE CREAM $159/50ML
VIT E LINE係THE BODY SHOP既招牌PDTS之一,佢既BODY LOTION,HAND CREAM同MASK用過都OK,但個MASK就有少少拮拮地,不過都冇敏感,之後有用過佢FACE CREAM既SAMPLE覺得唔錯,見佢唔係貴就買啦,本身我係MEMBER再有9折,所以都用得過...
VIT E FACE CREAM有3隻,我買呢隻係佢最ORIGINAL既,係比較水既CREAM,另外佢仲有隻係INTENSIVE會滋潤D,同埋有隻GLOW係搽O左會有光澤,咁我諗住而家天氣濕遲下又熱所以買呢隻已經OK..
睇圖都已經見佢係比較水既TEXTURE,真係好快吸收,隻味我都幾鐘意...
呢兩枝都係又平又好用既TONER,屬於水狀清爽型,一年四季都用到^_^...
首先講既係彩豐行JOSERISTINE ROSE TONER,見我買咁大枝就知係好野啦
,本身用O左好多年O架啦,雖然中途有時貪新鮮有試下其他BRAND,但都會KEEP住買番..
佢有3隻SIZE,$22/200ML同圖中既$65/1000ML,佢係ROSE TONER當然係有ROSE味啦,都OK保濕,而且唔會LUP,我用咁耐都冇敏感,用得過!!!!
至於呢枝SIMPLE FACIAL TONER就係因為有75折同減$5 COUPON先買既,佢原價係$52/200ML,折O左加COUPON只要$34,幾抵玩!!!
平時都聽好多人話佢好用,而且冇香料酒精,O岩晒我D皮膚易敏感既人~適逢有折就買黎試下,佢係水狀冇味既,非常清爽,比ROSE TONER更爽身,如果係暗瘡又敏感既人都用得到,似平價版CLINIQUE TONER...
仲有枝青瓜TONER,係新試既,因為用過佢個青瓜CLEANSING MILK覺得唔錯,咪買枝細既試下...
佢寫住FOR NORMAL TO OILY SKIN,不過我用都OK喎,佢好涼浸浸,因為成份有MINT同WITCH HAZEL,如果O個排天氣濕同LUP,又或者我多油多粒粒既時候,我比較鐘意用佢,涼涼地幾舒服...
