多元化素菜@波羅密素食

從前O係香港要搵素食,老實講真係好困難,而且以傳統齋鋪為主,食黎食去都係O個幾樣..
不過近年環保盛行,人人都開始注意健康,加上GREEN MONDAY既出現..
今時今日要搵健康又好味既素菜完全不是難題,仲好多元化添..



黎到位於銅鑼灣分店既波羅密素食..
身邊都有唔少朋友推介話味道唔錯,今次終於有機會試下..



行到一身大汗,坐底即刻飲杯冰凍既羅漢果桂圓茶真係爽晒...
超多桂圓肉又唔係太甜,好O岩我口味!!!



齊人之後就係大廚示範製作素鴨既時間..
材料好簡單,只有腐皮同湯汁,但要掌握技巧,亦要花幾小時風乾入味..



炸好之後只要沾上汁料進食即可..



口感外脆內軟,依然保留到腐皮既豆香..
配合酸甜汁食可減低油膩感..



串燒什錦


咖哩醬汁甜甜既唔太辣,小朋友都可以食到..
有多種新鮮蔬菜,非常爽脆清甜,而且素肉像真度亦頗高...



咖哩蘿白魚蛋素魷


港式小食,帶有微辣..
魚蛋真係做得好似,只係冇咁彈口,而蘿白清甜無渣,食O左好多件..



素鮑魚/魚生刺生


賣相真係同真鮑魚/刺身幾乎一樣..
素鮑魚質感好似,有點咬口,而魚生蒟蒻感比較重,亦有少許鮮味..
個人比較喜歡鮑魚多一點^^



越式粉卷



香脆乳豬件



椒鹽茶樹菇/雞肶菇


左上:
粉卷皮有點厚度,但冇咁易爛(我好怕一夾亦漏晒D餡)
蔬菜加有檸檬葉味道好清新特別..

右上:
乳豬其實都係腐皮,但食落較厚實,面層有脆皮...
配乳豬醬食會更加似..

下:
對於炸同椒鹽既食物我完全冇抗拒力,而且佢炸得好乾身..
食落仲有菇既水份同香味,但又好香口,食唔停口...



大蝦鮮果沙律盤


一般中式食法沙律醬都勁多,好易會覺得漏..
但呢個沙律汁較稀同清淡,仲食到鮮果既味道,素蝦亦都好彈牙..



印式咖哩羊腩+薄餅


咖哩好香濃,素羊肉亦都好似,但我反而最欣賞個薄餅,厚薄適中,口感煙靭..
仲要非常少油,如果唔係已經食到近尾聲,我應該會食多幾塊:P



黃金甲鍋巴


建議要即食,一咬O個下真係脆到.....我覺得就算冇ON TOP既配料都好好食..
芝士+素肉碎令鍋巴更加惹味..



鮮茄濃湯鮮竹卷



蜜汁叉燒


上:
鮮竹卷餡料有沙葛,口感變得好爽脆..
番茄湯底可以減低腐皮卷油膩感..

下:
外觀、味道、口感都同真叉燒似到十足..
面層加有欖角令味道更突出,甜甜蜜汁咬落好似食緊半肥叉,HAHA...



懷舊碗仔翅


超級足料(幾乎多過湯),食得出有豆腐、粉絲、木耳等等..
清清地唔錯,但如果胡椒粉可以落少D更好....



甜品



椰汁咖央大菜糕
有濃濃椰汁清香,但又唔太甜,非常好食..
完美既最後一道菜

我已經同家人朋友約好要再黎光顧..
素食都可以多種食法,健康應該唔再難KEEP啦^^


http://www.facebook.com/paramitahk
http://www.paramita.com.hk/