用水卸妝一樣乾淨~~

幾乎每日都要化妝既我,最大既消耗品一定係卸妝產品,平時我係用卸妝油或者卸妝霜多,因為覺得佢地既清潔能力較高,而且用完皮膚唔會太乾..

不過香港既夏天,長期都係又熱又濕,有時皮膚狀況唔好,再用油份比較多既卸妝產品,好容易會出粒粒,所以擺定枝清爽既卸妝水O係屋企,有時用黎交替使用,對皮膚都會好D..

卸妝水BIODERMA係我既不二之選...

深層卸妝潔膚水
Sensibio H2O 250ML

獨有 Micelle 潔膚配方，含有水溶及油溶份子，可溶解面上的污垢及化妝

天然青瓜植物精華有效柔軟肌膚，舒緩保濕

水般的清爽質感，無須過水亦無笠黏黏感覺，方便使用

適合一般及敏感性皮膚使用

樽口方便倒出適當份量...

用3隻唔同既FDT同BB CREAM測試佢卸底妝能力...

搽勻搽之後..

只用一張COTTON PAD加卸妝水來回抹數下...

已經乾淨晒...

再黎測試下佢卸眼部彩妝既能力,有PENCIL EYELINER同2隻MASCARA..

抹完都好乾淨,不過需要比卸底妝用力抹...

仲有LIQUID/GEL EYELINER同好多閃粉既E/S..

明顯見到仲有少少EYELINER未甩晒...

最後黎個SKIN TEST...

用之前:

MOIST: -1

OIL: 0

SOFT: -1

用完之後:

MOIST: 5

OIL: 3

SOFT: 5

水份同SOFT都爆燈,證明佢清爽得黎都好保濕...

試用日期: 10日

用後感:

卸妝水既清潔能力一定會比有油份既低,所以佢只適合用黎卸唔防水既彩妝,同埋眼線,MASCARA一定要用眼部卸妝產品,呢樣平時我就算唔係用卸妝水都會分開用,因為對眼部肌膚冇咁易拉扯..

不過卸妝水都有佢既優勝之處:

--對油份卸妝產品敏感既人,可以安心使用

--適合剛做完皮膚治療既人

--要時常轉妝既人用

--抹完唔需要過水,可直接搽SKINCARE...

除O左用黎卸妝之外,我都鐘意補妝時用,而家既天氣,有時化完個妝3-4個鐘之後,都已經溶溶地,如果真係溶得太勁,點補粉上去都係唔掂,仲會一撻撻添;O係呢個時候,我會倒少少BIODERMA卸妝水落COTTON PAD度,局部抹O係溶得好勁既位置,例如鼻OR下巴位,再搽少少BASE同2-WAY CAKE上去,個妝就可以靚番啦..

另外有時化眼妝,唔小心整到眼皮/眼肚位,都可以用棉花棒沾少少卸妝水抹走,完全唔會影響妝容,真係非常方便,朝早趕時間真係O岩晒...