天然護髮: 何首烏防脫髮皂

開始踏入春季,時有微雨時有太陽既天氣,吹來既風都有微濕既感覺;雖然舒服但遇上濕度高既日子,本身已經易塌既髮頂,變得更加嚴重。而冬季用開既洗髮用品都比較滋潤,而家完全派不上用場,所以我又要開始用番我最愛既洗髮皂先得啦!!

以前愛用LUSH,不過漸漸覺得佢功效差O左,而且成日加價,覺得唔太化算;去AMIZ買開花茶(冇錯,我除O左買番飲開既,仲入O左隻新野,遲D再講),見到佢有出洗髮皂喎!!何首烏成份既SHAMPOO就用過,但洗髮皂都係第一次,價錢唔貴就買舊試下...

AMIZ天然何首烏防脫髮皂 $98/80G

除O左何首烏,仲有其他中藥成份,加上幾隻植物油,可以改善乾燥,痕癢同脫髮...

洗頭皂本身冇咩味,個SIZE亦都好O岩揸手...

只要加少少水就好易起泡,我會O係頭皮同髮根位置按摩耐D..

過完水係超乾淨,但同時又好啜手,不過我知道成份愈天然既洗髮產品都會係咁,所以之後一定要用護髮素先得,唔係真係分分鐘梳唔開...

乾髮之後頭頂髮根好清爽,而且變得髮量多O左,冇咁塌同笠;雖然髮質會鬆散一D,但只要搽番保濕液就可以..

洗髮皂特別適合髮量少/幼,易塌同頭皮多油/痕癢既人使用,而春夏天頭皮易有汗/出油,用佢仲可以清洗埋乾淨殘留既化學物質,咁頭髮就可以健康生長,自然冇咁易甩頭髮啦..

如果真係怕用佢頭髮會太啜手,亦都可以同自己用開既洗髮用品間住用,或者一星期用1-2次作深層清潔,不過就算日日用,一舊洗髮皂都可以用上2-3個月,好抵用O架!!

http://amiz-aromatherapy.com/