美食DIY: 梅菜扣肉~~

其實我都好少出POST教整野食,不過呢個真係幾鐘意食,而且唔難整O架,雖然係肥O左少少,不過扣肉(五花腩)就係要有肥肉先GOOD嘛,偶爾一餐都唔錯...

梅菜扣肉(不過方便入口我D腩肉係切件)

真係五花腩黎O架,好正...

煮法:

1) 將原條五花腩洗乾淨,印乾水備用,梅菜略洗一下,再用暖水浸一陣,瀝乾水切粒,加少許鹽糖油撈勻..

2) 燒紅鑊加少少油,將火較慢,將原條五花腩落鑊煎香,煎至金黃色即可,取上切件..

3) 鑊中加少少油,放入數粒蒜頭,將已切件腩肉放入,加少許鹽糖雞粉以中火炒,再加水過腩肉面,炆至收汁..

4) 最後加入梅菜炒勻,熄火放入真空煲約1個小時,就可以食得啦..

呢個餸真係送白飯一流,其實腩肉煎過已經冇咁油膩,只要之後煮唔加咁多油,其實都唔會好肥,只要學識O左整腩肉,用黎炆好多野都OK,好似芋頭,豆卜,薯仔...ETC..不過腩肉要有時間炆先會入口熔化,唔好貪快用黎炒,會好"奀"O架

有興趣就去整下啦...