美肌之誌: 消除黑眼圈納米精華素

自從近年迷上O左上網寫BLOG之後,我對熊貓眼愈來愈勁,平時我有化妝習慣,不過一直冇搽CONCEALER遮黑眼圈既習慣,所以遇著O個排唔夠瞓既話,我就好似國寶上身咁,早前收到美肌之誌新出既去眼黑圈EYE ESSENCE,即刻急不及待去試..

美肌之誌消除黑眼圈納米精華素  $129.9/15ML

蘊含豐富玻尿酸、磷脂質聚合物及溝鹿角菜提取物,有效改善一般眼部問題如黑眼圈、細紋及浮腫等,玻尿酸配合磷脂質聚合物,提供極佳的保濕效能,迅速令肌膚提升500倍水份,為容易乾燥的眼部肌膚加強補濕鎖水,有助撫平眼部周圍的細紋,溝鹿角菜提取物可加速眼部肌膚新陳代謝,抑制黑色素形成,重點淡化黑眼圈,同時能有效修護肌膚細胞,鞏固眼部紋理組織,改善暗啞及眼部浮腫的問題,保持眼部肌膚光彩細緻,令明眸閃亮迷人...

使用方法: 潔淨肌膚後,取適量消除黑眼圈納米精華素以指尖輕按眼部四周,由內而外推勻直至完全吸收...

質地好清爽,係LIGHT LOTION配方,一推開即被皮膚吸收..

使用之後眼周肌膚水份同柔軟度都增加好多,油份反而少O左..

用上12日之後,眼周肌膚明顯明亮白一D,黑眼圈有少許改善,相信持續使用,效果會更加明顯,而且佢質地好清爽,一年四季都好O岩用,不過開冷氣既晚上,或者秋冬時候,就可以用佢作打底,之後再搽EYE CREAM/LOTION增加滋潤感..

整體感覺唔錯,只係精華素本身香味略為濃烈一D,但推開吸收之後,味道就變得淡好多,而且眼周肌膚幼嫩,使用期間都冇過敏現象,證明佢好溫和,係開架抵用之選...