KÉRASTASE FUSIO-DOSE LUNCH GATHERING

在香港,走到街上見到既幾乎大半數人士都有染髮,靚係靚啦,不過隨之而黎既頭髮問題亦都愈來愈多,乾旱、脆弱、稀薄甚至脫髮等等,你中O左幾多樣??市面上既護髮產品同療程,都只係會針對單一問題進行修護,但其實普遍都有2種以上既頭髮問題;有見及此,源自法國既專業護髮品牌KÉRASTASE,最近新推出一個FUSIO-DOSE瞬間髮絲改造療程,為你度身訂造個人需要既強效配方,全面解決各種髮絲問題...




為O左比大家更加了解FUSIO-DOSE瞬間髮絲改造療程,所以品牌O係中環舉行O左一個LUNCH GATHERING

療程中主要用上就係4款高效活性成份濃縮劑(CONCENTRE)與4款增強劑(BOOSTER)

分別係染色頭髮( 綻光絕色滋養精華 & 多酚增強劑)、乾旱頭髮(深層柔潤滋養精華 & 鑀增強劑)、脆弱頭髮(活力膠結物精華 & 神經醯胺增強劑)、稀薄頭髮(極緻煥釆滋養精華 &
奧米加增強劑)..

當日仲有4款果汁配襯4種不同顏色既CONCENTRE & BOOSTER..

即埸仲有AURA-SOMA測試,可以透過選擇不顏色既樽,從而了解自己及發掘自身既潛力..

當日我揀既樽叫鴕鳥瓶,見識和精神蛻變,治癒時間創傷,深沉的快樂,能夠聽到挑戰自我的聲音;經過解釋之後,我覺得都講得幾準喎!!係一個好有興既測試...

之後就由品牌代表簡單介紹一下KÉRASTASE,以及今次新推出既FUSIO-DOSE瞬間髮絲改造療程...

之後就到LUNCH時間啦,因為我要趕番公司既關係,當日冇食到甜品就走LU..

PR好細心事前問我地係咩髮質,有咩需要,選擇合適既產品比我地番去用,,,,,

因為我有染變又乾旱既關係,於是比O左FOR染髮用既綻光活色浴髮乳同乾燥髮質既熱感滋養護髮膜...

淡粉紅色透明GEL狀,帶微香但易起泡,不過泡沫唔算好多...

其實我夏天特別鐘意於用透明GEL狀SHAMPOO,因為覺得潔淨力好D同埋又爽身D,雖然知佢唔夠潤但只要用番CONDITIONER就OK;不過KERASTASE呢隻SHAMPOO,雖然洗完都好清爽,但唔覺得乾喎!!反而用完頭髮係好有光澤好SMOOTH,好好用呀.....

白色CREAM狀,易推開,我覺得個味道有D似雪花膏...HEHEH...

佢係HAIR MASK黎,只要搽O係髮尾等5分鐘就可以過水,但如果你D頭髮好似我咁比較乾旱(因為染髮關係),亦可以當CONDITIONER每日使用,當然份量會比當HAIR MASK用少一D啦;使用後覺得非常順滑,但唔係平時開架品牌O個D只留表面既感覺,即使頭髮乾透後依然好SMOOTH,髮尾亦都冇咁乾...

用完頭髮好SMOOTH又有光澤O架,遲D我要BOOK埋去試埋個FUSIO-DOSE瞬間髮絲改造療程^^

療程由指定專業髮廊提供查詢熱線: 3180 1656

 

別讓"它"出賣你年齡的秘密

每次與人對望,首先映入眼簾既必然係一雙靈魂之窗,所以稍為有眼紋、眼圈、浮腫等等問題,都會令人對你既印象打折扣,甚至估計比你真實年齡大上幾歲,到時就真係喊都無謂啦!!!為免呢D情況出現,當然係要做好預防工作啦,不過即使真係咁慘出O左幾條眼紋,都有方法去補救,用既就係ORIGINS新出既PLANTSCRIPTION悅肌再生系列...

為O左對產品要進一步了解,上星期就參加O左ORIGINS PLANTSCRIPTION悅肌再生工作坊....




進行工作坊既房間都擺滿ORIGINS全線產品...




當然唔少得既仲有今次既主角啦:PLANTSCRIPTION悅肌再生精華
PLANTSCRIPTION悅肌再生眼部修護霜

工作坊一開始,就進行一連串既有趣實驗...

比我地知道,肌膚一旦衰老就會失去彈性,形成乾紋、皺紋、鬆弛等現象....




為O左改善眼部同面部肌膚,解決四大歲月痕跡,就要用上ORIGINS PLANTSCRIPTION悅肌再生系列
 

如果你有泡泡眼既,仲可以用埋ORIGINS NO PUFFERY COOLING MASK FOR PUFFY EYES ($200/30ML),清涼感覺幾舒服...

 

ORIGINS PLANTSCRIPTION ANTI-AGAING EYE TREATMENT
悅肌再生眼部修護霜
$420/15ML


兩大抗衰老護膚功效:康普茶能抑制醣化反應,賦活肌膚彈性,能預防因肌膚積聚過多糖份而引起提早衰老的跡象,撫平眼部四周的細紋及皺紋、眼瞼上的皺褶、眼肚交叉重疊的網紋;亦含天然酵母萃取,蘊含豐富的氨基酸,能有效促進眼部肌膚底層的膠原蛋白自我增生,同時令彈力蛋白和膠原蛋白回復柔軟度及支撐力,讓雙眼肌膚回復青春光采..


眼霜質地幾特別,係GEL CREAM狀,但推開之後又好夠潤,而且皮膚變得好SMOOTH...




使用大約一星期時間,即時感覺係好滋潤,但又唔會有油膩感,依然覺得好清爽,係我最欣賞既地方,搽完真係好似絲咁滑;至於去紋方面,暫時眼肚既乾紋係淡O左D,雙眼望落好似有少少提升收緊感覺,精神一D,覺得冇咁攰...


ORIGINS PLANTSCRIPTION ANTI-AGING SERUM
悅肌再生精華
$540/30ML

主要成份是天然抗衰老要素—「非洲長青木」,抗皺功效媲美醫學處方的抗皺治療劑 Retinoid,卻沒有Retinoids的副作用。可顯著減淡皺紋及幼紋、提升及收緊鬆弛輪廓、緊緻及改善膚質及提升光澤及擊退暗啞不均...

淡黃色GEL CREAM狀,質地有D似同系列眼霜,但就比較稀身水潤一D,推開之後即時被皮膚吸收,摸落好滑好爽身..

因為用既時間不算長,所以緊緻方面暫時未見成效,不過質地好適合而家轉季使用,有滋潤感同時又觸感清爽,就算怕LUP既人都可以放心使用,唔似一般ANTI-AGING產品咁油潤,搽完都唔怕會出粒粒;用完皮膚有彈性一D,而且冇咁乾燥,而且性質溫和,敏感皮膚都O岩用..

總觀ORIGINS PLANTSCRITION悅肌再生系列,以ANTI-AGING產品黎講價格絕對抵用,好適合年紀不大但又想開始抗皺既人士,質地滋潤同時清爽,係初試ANITI-AGING產品既入門之選^^
http://www.origins.hk/

礦物彩妝愛好者請尖叫: BARE MINERALS到港啦!!!!!

幾年前礦物彩妝在港仍未普及既時候,當時在各大網上討論區已經成為熱話,我亦被網友們魔了到美國網站購買一套回來,但你知道單係粉底顏色就多達十幾二十款,而且美國人種比較多,顏色既RANGE都好大,所以結果我就買錯晒顏色番黎,得物無所用囉.....

 

故事教訓我買野都係要有實物睇,有得試先最好,所以最近得知BARE MINERALS進駐香港時真的超興奮,我可是等到頸都長啦......

上星期有幸參加BARE MINERALS LAUNCH PARTY,場地擺滿各樣礦物彩妝粉,仲有BA STAND BY幫大家試色呀...




用3隻色搽上面頰位置,搵出最MATCH既顏色,我係FAIRLY LIGHT呀...

之後就幫我搽上面啦...

倒適量既粉O係蓋面..

用掃打圈沾取..

"登"出多餘既粉..

再由外而內打圈上...

想重點遮暇,就要用印既方法,千祈唔好推呀...

搽完感覺彷如無物,但膚色係靚好多,爽身質地又唔會覺得乾,因為BA即場叫我地試用手摔D粉,係感覺CREAMY O架,呢個就係佢可以搽完唔乾既秘密,AAH..
 

 除O左粉狀東東,亦有各種化妝品,好似BASE、MASCARA、EYELINER同化妝工具,真係花多眼亂...

現場仲有一個像真度極高既蛋糕添,上面既礦物粉係可可粉黎O架,SO CUTE~~~

周圍參觀完之後,PARTY就正式開始啦....

首先由品牌香港代表同美國總公司主席發言,公佈BARE MINERALS正式登陸香港,並作為進軍大中華區既起點..

接著由名化妝師GARY示範礦物粉既使用方法,只要打圈幾下就已經完成,O岩晒香港步伐咁急速既人用..

仲有嘉賓吳雨霏小姐分享作為品牌FANS一直支持既使用心得添...

最後當然要黎張大合照啦...

每位仲有一SET底妝產品返去試用,心急既我當然已經試玩O左啦,等過2日再上黎分享^^

如果你有興趣想去試下,就要O係11月30日前到以下專櫃出示此邀請卡,就可以有礦物粉SPF15試用裝同化妝服務啦..

HARVEY NICHOLS @ PACIFIC PLACE (OPEN AT 09/10)

FACES @ OCEAN TERMINAL (OPEN AT 13/10)

感受膠原蛋白、給予肌膚再生@ULTIMA II

近排最CONCERN既肌膚問題只有一個,就係【乾燥】。頭髮、身體皮膚、面部肌膚到每朝起身既喉嚨,都極度需要滋潤;自問都算係一個勤力護膚既人,但都敵不過天氣突如其來既轉變,是年紀大了既關係嗎???唉.........既然需要係如此強烈,理應要搵番一個質素有咁上下既產品急救急救...




今次試既就係..
ULTIMA III PROCOLLAGEN EXTREMA ADVANCED ACTIVATOR
膠原蛋白再生水
$600/100ML

以創新PROCOLLAGEN EXTRAMA微膠原分子科技,將膠原蛋白分子提煉至終極微細,極速穿透真皮層細胞,釋放龐大肌膚再生能量,喚醒、激活細胞自我新生機制。大量微膠原分子迅速填滿肌底,徹底修復受損真皮層組織--細紋、毛孔、凹凸洞、鬆弛等問題全面絕跡..

廣告打得咁兇既星級新產品,無理由未見過掛???!!!

一般可以當化妝水用,不過遇上乾到爆既日子,加粒藥丸MASK敷個5分鐘...

當堂水水水水.....

之後如常搽番SKINCARE就OK..

不過敷一次就用O左我1/5枝再生水,有點兒不太化算喎!!!!咁咪仲貴過敷一次"好似剝殼雞蛋"既貴價面膜.@@

我呢D女人仔,當然不甘如此啦!!!當化妝水搽留O係皮膚上唔會好多,當面膜用又豪得滯,若果我用黎DIY個SLEEPING MASK,咁咪得囉..

方法簡單到爆,只要你有一罌MOISTURIZER(GEL/LOTION/CEAM都得,視乎你係咩皮膚),加上1枝再生水就搞掂...

用粒大豆份量既CREAM(因為我比較乾就用CREAM),加幾滴再生水,溝勻即可..

再薄薄搽一層上面就OK,等一陣就會吸收晒,之後就可以去瞓LU....

 

為O左想比大家睇真D個效果,第2朝我面都未洗,一瞓醒就影底佢啦..

皮膚一D都唔乾,冇甩皮冇繃緊感覺,而且仲KEEP住好柔滑有彈性,因為一整晚都有膠原蛋白包住塊面嘛,而且溝O左CREAM冇咁易流失,鎖住O係肌膚呀!!!

咁樣我枝再生水就可以用多一段時間啦,絕對係慳家效果又好既方法,大家不妨試試^^

一抹幽香@ALQVIMIA SENSUALITY

我一向冇塗抹香水既習慣,雖然我二家姐係一個香水精,但我完全冇被同化,因為人工味道為主既香味唔太識欣賞,只係偶爾會買下天然香薰製造既香水/花水用;不過我而家先知道,原來有部份香味,只要輕輕一搽,就可以增加女性魅力,平衡女性賀爾蒙,講緊既就係以下呢枝...



ALQVIMIA SENSUALITY BODY NECTAR WOMAN $398/5ML

融匯花精油中最珍貴的數種精油,包括保加利亞玫瑰、橙花、茉莉、天竺葵、依蘭依蘭、玫瑰草以及植物底油,用於身體不同部份,產生多種美容功效:

--以 1:1 份量將產品與植物底油混合作護膚,有助滋潤、補充肌膚所需、提升肌膚彈性及緊緻度..

--將 1-2 滴塗於下腹,有助改善子宮及卵巢健康,減少經痛及更年期問題並可增強生育能力..

--將 1-2 滴塗於心輪,有助放鬆心情和激發人體產生愛情賀爾蒙..

--用 1-2 滴塗於手腕及頸項具香體作用...



樽口有少少大,所以倒出黎用時要小心....



平時我多數會倒O係手腕脈搏位先...

再用2隻手腕互相印開..

最後印上耳後同頸位,令香味揮發得更好...


唔好睇佢得5ML咁細枝,每日我只會用2-3滴就夠,因為佢既味道都幾濃郁,可以KEEP到大半日O架!!!我完全當佢係香水用,聞住心情都好似好D^^

不過好似無咩艷遇喎!!!但人緣都尚算不俗,HAHAAA....

當然我知道佢仲可以搽O係女性部位,對女性子宮同卵巢健康有幫助,如果平時經期有問題,好似唔準或者經痛;又或者好想生育既朋友,不妨去店問下職員O岩唔O岩用,因為佢雖然功效多多,但並唔係每個人都適合使用,有部份體質人士係唔可以搽O架!!!所以最好叫店員同你測試下陰陽先...

ALQVIMIA:

銅鑼灣廣場一期(2577-2333)

 九龍灣德福廣場二期(2243-3377)

德國護膚專家: PHYRIS全新透明質酸保濕系列

護膚既基本步驟,都係離不開清潔、保濕同滋潤,其中我覺得最重要係保濕,因為只有肌膚底層水份充足,問題先可以得以解決;適逢早前德國護膚品牌PHYRIS舉行透明質酸保濕系列發佈會,同最注重保濕既我不謀而合,有機會當然要去觀摩下啦...

PHYRIS獨有既"三元護膚"包括

第一元: 潔膚
第二元: 激活細胞
第三元: 重點修護

其中激活系列(SOMI) 係"三元護膚"概念既精髓,有效激活細胞及提升天然防禦能力,無限倍增護膚功效...

全線共有10個產品系列,包括"一元"潔膚系列、"二元"激活系列及"三元"重點修護包括水凝保濕系列、防敏修護系列、維他命修護系列、淨肌平衡系列、高效修護精華系列、逆時抗皺系列、男士修護系列、眼部護理系列..

而全新推出既HYDRO ACTIVE透明質酸保濕系列,就從三個不同範疇肌膚需要,鑽研出四種不同透明質酸配方,為不同需要既缺水肌膚提供針對性修護..
 
發佈會當日除O左可以一試各種PHYRIS產品之外,品牌方面提供既食品,都加入透明質酸保濕系列其中一種提供透明質酸成份既白木耳,好有心思又特別...

臨走每位來賓都有一份HYDRO ACTIVE產品拎走添...



3包不同質地既"SOMI",係PHYRIS護膚既最重要步驟,搽上任何產品之前,都需要搽上先...

今次我就用上TERMASOMI GEL,貪其質地非常清爽,我相信油性皮膚人士都O岩用...

 

之後就搽上HYALURON SENSATION 2-PHASE $628/50ML

單睇外表覺得有D似香水,尤其呢個漸層粉藍色好靚!!!不過佢其實係精華黎,用之前只要搖勻就OK...

質地係水狀,你可以就咁噴上面用,不過我覺得噴2-3下O係掌心,再印上面,利用掌心既溫度包住塊面,會更加吸收...

淡淡既香味幾舒服,用完肌膚即時冇咁乾,但又唔會覺得LUP,仍然好清爽,最O岩怕要搽好多產品既人用...

 

最近天氣咁乾燥,除O左日常護理之外,其實仲需要2-3日敷一次水份MASK,進行更深層既保濕同滋潤..

不過唔係個個都咁有恆心記得定時定候用,而且有D MASK一敷就要15分鐘以上,有時趕時間想敷個急救MASK都唔得;不過HYALURON SENSATION MASK ($498/75ML)就O岩晒懶人用啦,只要5分鐘就OK,從此再無藉口唔敷啦...

仲記得我講PHYRIS護膚步驟好特別嗎???今次敷MASK都唔例外,同樣係需要用O左"SOMI"先,因為我皮膚都好乾下,所以我今次係用SENSISOMI BALM,雖然係叫BALM,不過都係好水O架..

淡綠色GEL CREAM狀既MASK,全面均勻搽上一層,等5分鐘就可以過水啦,用完皮膚係覺得幾滑,亦都冇咁繃緊,不過唔知係我太乾定係轉天氣問題,我用O左幾次都覺得面珠位有D"拮拮"地既FEEL,不過又無紅無敏感,等遲D天氣穩定D再試下先,不過就真係好O岩懶人用,有時上妝前敷下都唔錯O架!!!


全線美康有售 http://www.meka.com.hk/