極敏感肌膚必備好物

大家或者覺得奇怪,之前唔係已經推介過幾款敏感皮膚用既卸妝水咩??老實說,皮膚狀態天天不同,敏感情況亦都有分別;不過如果出現較為嚴重敏感時,即係就算搽CREAM都會出現刺痛,就要出動佢..

URIAGE保濕潔面卸妝水  250ML

蘊含潔膚因子全效卸除面部、眼部妝容;注入紅石榴精華,有效收細毛孔,柔軟肌膚。獨有天然礦物溫泉水,促進肌膚自我修護,抗敏鎮靜,使肌膚回復柔軟富光澤

咁究竟同平時用開既卸妝水有咩唔同??就係皮膚極敏感時用都冇問題,當你塊面又乾又"鞋",紅色一撻撻仲要搽任何野都刺痛既時候,佢就係唯一可用既卸妝清潔+爽膚..

雖然係咁溫和,但佢既潔淨能力非常好,卸除日常妝容,用上2-3片化妝棉已經夠;就算卸埋眼妝都好乾淨,閃粉、E/S、EYELINER都抹甩晒,係除O左MASCARA仲有少少,最好既係佢入O左眼都唔會"拿"或者唔舒服嘛...

已經用晒先記得分享,證明佢真係太好用,HAHAH!!
若果你係易敏感既,絕對要買一枝放O係屋企...

URIAGE天然礦物溫泉水噴霧 50ML

含皮膚護理的活性成分,鈣質: 舒緩損傷的皮膚、鋅和銅:殺菌消炎,保護皮膚、錳:提供針對自由基引起的損傷的保護

噴泉既水珠好細,可以平勻分佈O係皮膚上,保濕+降溫...

不過我最鐘意既係用黎當MASK敷,唔介意用量兇既可以噴濕壓縮面膜紙,全面敷3-5分鐘到,但我多數用化妝棉濕敷敏感既位置,如果極敏感時,可以1日敷2-3次,到情況有改善,次數亦都可以減少,直至好番我都會定期KEEP住敷...

唔係敏感肌既朋友,可能覺得佢冇咩效用,老實說它是泉水ONLY,效果不如真正保濕MASK,但舒緩鎮靜肌膚功效卻十分好,係另一敏感人士傍身之選..^^

http://www.meka.com.hk/