初試VENUS SKIN MASK

有睇過上兩篇文章分享,都會知道我最近愛用台灣出產既PAPER MASK,因為佢地確實係平得黎品質有保證;而新開既網上小店EASYSKINBEAUTY有售既VENUS SKIN,係由專業美容師、藥師共同研發,咁PRO當然要試下佢既人氣MASK先啦..

VENUS SKIN靚亮白哲面膜 $150/1盒10片 (單買$16片)

全新多重白皙植物精萃複合因子:維他命C磷酸鎂鹽、熊果萃取精華、白芨萃取物、桑白皮萃取、白附子萃取液、木瓜提取物。本產品可代謝肌膚老廢角質,預防及淡化肌膚斑點,給妳有效密集的靚、亮、白、皙體驗。白茶萃取與膠原蛋白,讓妳恢復肌膚健康,有效預防及延緩肌膚老化,促進膚色均勻光滑。結合高效能玻尿酸,同時鎖水保溼,讓肌膚白皙柔嫩持有彈性,給妳如維納斯般淨白無瑕的動人美肌...

有層膠膜,用之前撕走敷面就OK,入面精華唔算好多,但片MASK都幾濕潤...

CUTTING都幾貼亦都夠闊,只係有D位需要摺一下..

使用說明係敷15-20MINS,不過唔知係我皮膚乾定係咩原因,我發覺敷最多10MINS已經FEEL到有D乾,莫講話敷到15MINS,所以我覺得時間方面要自己調節下..

敷完面上剩餘既ESSENCE唔多,按幾下已經吸收晒,用完即時FEEL到皮膚SOFT好多,毛孔細緻O左;不過我皮膚比較乾,所以保濕滋潤只係一般,用完佢要即時搽番SKINCARE鎖水先OK,但對於毛孔大皮膚偏油既皮膚黎講應該幾O岩用,反而我對佢另一款ANTI-AGING既煥采柔膚面膜好有興趣,或者可以買黎試試...

想知多D INFO,就LIKE EASYSKINBEAUTY FANPAGE(按此)啦...

台灣開架PAPER MASK巡禮(下)

繼續擒日既台灣開架PAPER MASK分享,呢款LOVE MORE面膜係我呢兩篇入面最鐘意既,尤其係藍色保濕呢款(可惜香港暫時唔見有得賣,佢真係平靚正!!)

LOVE MORE AQUA MASK--DEEP HYDRATING NT $199/7片(買一送一)

係半透明比較薄既MASK,紙質非常貼面,ESSENCE足夠但唔會滴,敷完皮膚即係FEEL到飲飽水,仲幾滋潤,皮膚有輕微敏感時用都冇問題..

LOVE MORE AQUA MASK--SKIN WHITENING NT$199/7片(買一送一)

佢同藍色O個款差不多,只係ESSENCE比較爽身,我覺得藍色保濕效果比較好,但呢款都唔錯,仲要係買一送一喎,即係NT $199/14片,去邊度搵???!!!!

LOVE MORE DIAMOND SUPER WHITE MASK $NT$299/7片(買一送一)

原本我係想買舊款O個隻,朋友去到台灣先知改晒升級版,MASK既質地好貼面,ESSENCE好多,敷完皮膚好有光澤感,雖然都係買一送一,不過佢貴少少,比我揀我會買番AQUA MASK..

O係台灣買唔到既舊版,竟然O係香港卓悅搵到,仲要$19.9/5片咋...

不過我用完就明白點解佢要出升級版,因為佢紙質係差D,ESSENCE又少D,同埋最重要係佢唔太貼面,用完既感覺真係麻麻...

SEXY LOOK彈力白晢雙拉提面膜 $78/10片(買一送一)@SASA

又係見平先入既拉提MASK,同上篇既我的心機相比,佢既CUTTING貼面好多,而且我塊面咁大都包得晒,但佢頸位既MASK得好少,只包到下巴位咋..

敷得幾舒服,保濕度只係一般,美白唔覺有,所以應該唔會再買...

KEKE....我既PAPER MASK存貨(其實仲有D不過冇擺入去),應該都有50-60片,加埋D WASH OFF既MASK,用晒成個夏天都冇問題,所以暫時唔會再買住O架啦(除非有D抵到爆O架啦...:P)

台灣開架PAPER MASK巡禮(上)

一到夏天就係我勁敷PAPER MASK既日子,因為天氣熱,而且皮膚長期處於冷氣之中,水份大量流失,所以晚晚敷片涼浸浸既PAPER MASK已經成為我既指定動作;而台灣開架出品既MASK又平又多款,一日一片咁用都唔會肉痛,最近就試O左呢幾款..

我的心機玻尿酸+藍藻深層保濕雙拉提面膜 $29/4片@SASA

拉提面膜一向都冇咩好感,因為以前用過既都麻麻地,不過見佢咁平就試試...

有菱格型既MASK,都幾貼面,不過CUTTING有D緊,你睇我掛完耳仔拉到幾衡???!!!亦有可能係我塊面太大,HAHAH....所以我要拉闊D掛耳個洞,咁就好好多..

雖然佢CUTTING有D緊,不過敷完皮膚真係幾SMOOTH喎!!!ESSENCE唔算多,敷完按幾下已經吸收晒,唔使過水都OK...

我的心機EGF+胺基酸雙拉提面膜 $29/4片@SASA

同系列另一款面膜,雖然上面講過佢CUTTING有D緊,不過我好鐘意佢頸位下巴位都敷埋,而且ESSENCE係被皮膚吸收晒,平均都係$7片到,應該可以再入..

我的心機水晶15胜肽緊緻眼膜 $45/10對@SASA

平時我用開卓悅O個隻,不過用到悶又想轉下,見佢唔貴就買黎試下..

透明果凍EYE MASK,敷上眼好貼亦都唔易移位,不過我覺得功效冇卓悅隻咁好,麻麻地,都係試下就算...

森田藥粧深層淨白保濕拉提面膜 $29/4片@SASA

已經唔係第一次用森田MASK,呢隻拉提MASK見佢由$59減到$29咁抵,咪買黎試下囉,佢隻紙質同平時既森田MASK有D唔同,佢係有彈力可以拉既,而且CUTTING更加貼面,不過我面大,拉極都仲係爭D喎!!!!!>_

 

敷森田MASK佢都會叫你唔好敷過10分鐘,雖然唔知點解,不過真係試過貪心敷多幾分鐘,塊面會有D敏感,反而10分鐘內就冇事,效果仲唔錯添...

森田藥粧白金胎盤素拉提面膜 $29/4片@SASA

同金色O個隻同一個系列黎..

森田MASK係好多ESSENCE,多到我敷時係咁滴,所以大家要小心呀!!唔係會整到周圍都係..

不過佢既MASK質量真係唔錯,呢2款都好保濕,而且敷完皮膚幾SMOOTH,應該佢比普通O個幾隻更加吸收,如果長期$29真係抵買,但去番原價$59就貴O左少少啦..

我的美麗日記伯爵紅茶馬卡龍面膜 $69/10片@MANNINGS

呢個MASK已經買O左有1-2個月既時間,新出既仲有另一款朱古力,但我夏天鐘意敷D味道較FRESH既MASK,所以揀O左佢,呢2款比平時用開既普通款貴$10 O架!!

自從佢地既紙質全面升級之後,我屋企必定會買佢看門口,因為好貼好保濕又唔LUP,呢款MASK都唔例外,不過紅茶味真係好淡下,反而幾滋潤...

我愛夏日CHA CHA TINT (送出POSIE TINT貨裝一枝)

上星期我著到成粒橙咁究竟係去邊呢???答案O係我張相既背景就可以搵到..

無錯,BENEFIT既胭脂水系列繼BENE TINT同POSIE TINT之後,今年終於出O左新色CHA CHA TINT啦,佢係帶橙紅色,所以我咪著到咁襯番佢囉....KEKEK..

場地係中環既OPERA GALLERY,O係中環返工咁多年,我都未去過呢度喎!!

主角CHA CHA TINT...

家族成員BENE TINT同POSIE TINT,前者係水狀帶ROSE色,後者係CREAM狀帶PINK色,之前已經試用過啦(重溫按此),真係好正!!!

 

夏天黎到,除O左要用新出CHA CHA TINT之外,都要同十隻手指扮下靚先得O架,大會安排O左O'TSU'ME NAIL BEAUTY同我地整甲添,我至鐘意整甲O架啦,YEAH!!!!

用O左MINX貼甲+OPI黑色甲油,真係幾靚喎!!!

整完手甲,發佈會就正式開始啦,除O左介紹BENEFIT胭脂水系列之外,主持人仲好搞笑咁跳O左PART CHA CHA添....

之後就到"亮女"MODEL作化妝示範,用上各種BENEFIT皇牌產品: THAT GAL、POREFESSIONAL、HIGH BEAM同新出既CHA CHA TINT,搽咀同胭脂位,真係即時有番血色又有光澤感...

最後帶晒BENEFIT胭脂水系列3個成員番屋企啦...

急不及待要開CHA CHA TINT黎試,佢係橙得黎帶紅,所以上O左面唔係覺橙黃色咁,反而好自然,我皮膚比較白都一樣HANDLE到,如果皮膚係TAN色既落多少少就OK啦,真係好靚,感覺上比POSIE TINT仲得我心(我知我係貪新忘舊O架啦:P)

CHA CHA TINT 6月24日於海港城FACECESS BENEFIT COUNTER率先發售,7月1日全港公開發售...

***********************************************************************

因為之前試用過,所以今次枝POSIE TINT會送出比我BLOG既FANS,問題係:

 BENEFIT CHA CHA TINT會幾多號率先發售呢???

想JOIN抽獎既FANS請以PM形式O係YAHOO BLOG(按此)提供答案同EMAIL,截止日期係6月19日晚上12時正,抽中者將會個別通知^^

飲住食住都會瘦❤TRIMEC

以前要減肥係一件好痛苦既事,因為瘦身食品選擇少又稱不上好味(仲記得O個D奶昔代餐嗎???諗起就唔想食..=口=);不過而家減肥就幸福得多啦,可以一邊食好味既野一邊減,真係幾"梳肝"下...HHAH...

可能PR都知我好需要減肥=_=!!所以早前就收到一袋TRIMEC既瘦身食品,份量足夠我食至少兩個星期O架!!!

收腩湯兩大盒,見到就流晒口水...........

--專利研製Fibersol-2 配方,獨特纖維素有效促進腸道蠕動,排清毒素及多餘脂肪..

--日本3L 黃金減肥胺基酸,針對亞洲女性體質,全日燃脂..

--強效消脂甲酸鉻,降食量達50% ,持續飽肚,避免攝取多餘脂肪...

有3種食法...

仲有10日火速收腩餐單添..

TRIMEC清新收腩湯..

1盒10包有2隻口味,分別係蕃茄湯同蘑菇湯..

蕃茄湯--豐富果膠纖維,含大蕃茄紅素及維他命C ,抗自由基,保持面色紅潤,消脂同時美肌..

酸酸地都幾O岩夏天飲,入面仲有唔少蔬菜粒O架!!我覺得配麵包/餅乾一齊食會好味D;另外用黎代替平時煮意粉用既蕃茄醬都唔錯,已經較好晒味,加少少碎肉同新鮮蕃茄已經OK,方便又好味道..

蘑菇湯--特多膳食纖維,邀活腸道蠕動,排清體內廢物毒素...

味道比較濃郁仲有粒粒蘑菇,口感非常好,我多數用黎當早餐或者下午茶時段食,只飲湯都好好味,OK夠飽肚而且少O左口痕想搵零食既情況出現喎!!個人黎講比較鐘意佢多D,蕃茄湯要配其他食物先會OK..

TRIMEC火辣收腩湯..

冬蔭功味道..

冬蔭功湯--辣椒鹼刺激體內生熱系統,提高代謝率50%..

湯係比較稀身,帶酸辣超...........好味呀!!!仲有好多蝦粒真係好似平時飲開既冬蔭功湯,鐘意食辣既一定要買番盒試下...

我仲鐘意用佢做湯底加米粉食,飽肚好多仲可以飲埋個湯,YUMMY~~~

除O左收腩湯,仲有24小時消脂特飲,雙管齊下,想唔WORK都唔得啦..

頂級咖啡--巴西頂級咖啡豆,味道香濃;每包只有66KCAL(普通的咖啡1/3)。咖啡因及單寧酸,抑制食慾,醒腦提神;水溶性纖維FIBERGUM,排清廢物及毒素...

杯裝造型夠特別,入面有7包份量,1包1杯幾方便..

咖啡只可以熱飲,O岩晒D咖啡癮勁既人,雖然我唔嗜咖啡,不過我有比D日日飲咖啡既朋友試,佢地都話唔錯喎,係略為甜O左少少,但原來佢仲有另一款零糖咖啡O架!!可以推薦比佢地試下先..

沖開時已經聞到陣陣咖啡香,有奶同糖就唔使再調味,口感幾香濃,係甜O左少少,朝早返工飲一杯幾醒神..

青檸檬茶--豐富維他命C及E,高效抗氧;啟動身體自我淨化過程,移除多餘脂肪及毒素。FIBERSOL-2專利配方,吸附腸內外多餘脂肪,排清毒素...

可以凍熱兩飲,咁熱既夏天我當然係要凍飲啦...

加冰或者雪凍飲都一樣透心涼,飯後飲一杯真係正呀!!!!!

甜味適中,同平時飲既檸檬茶差不多,每日我都會沖至少兩杯飯後飲或者進餐時一同飲,消暑又好飲,而且低卡同有豐富既VIT E同C,美肌同時瘦身,GOOD~~~

雖然我冇跟足餐單進食,不過試用O左十幾日之後,我發覺偶爾勁食之下,磅數都冇重到,反而肚腩好似細O左D;另外排便量比以前多,感覺好似去O左D宿便咁,好暢快呀!!最驚喜係M前爆瘡情況有改善,雖然唔知有冇直接關係,但皮膚平滑O左,可以算係額外收穫^^

行開MANNINGS可以去睇下,又或者到TRIMEC網站登記成為會員(按此)訂購,就可以用$115(原價$159)購買各種口味O架!!