KONAD印甲第三十一回--藍天白雲甲(爆裂版)

數數手指,我已經3個多月冇出過甲文,對上一篇仲要係參加活動而出既,可能而家真係少O左人玩甲,以往自組既玩甲GATHERING都唔見晒!!!不過我仍然係好鐘意整甲,只係今年既生活好忙,身體上既疲累令我少O左整...

最近新買O左SASATINNIE既爆裂甲油,由於好想試玩,於是整O左個好簡單既甲款...

用E-NAIL水指甲做底色,呢隻甲油我之前都介紹過,係以水做基底,唔需要搽BASE、唔傷甲仲可以浸暖水撕走,非常方便好用...

再印上KONAD M79版入面既白雲圖案...

O係白雲圖上加上SASATINNE白色裂甲油,搽TOP COAT就完成啦..

呢隻裂甲油真係唔錯,搽完好快就裂開、快乾,價錢唔貴,只要$48枝,但佢暫時得幾隻色供應,希望遲D會推出多D顏色啦...

E-NAIL & KONAD: MIRUKU

SASATINNIE: SASA

ENID X STAGE@BRIDAL ACADEMY + 試玩紅色囍事睫毛

自從出來工作之後,幾乎每日都會化妝,所以一般日常妝容,我都可以HANDLE得到;不過遇上特別場合、或者想有D變化,我就完全無從入手啦!!!所以上月獲ENID台灣美妝既邀請,可以参加由星級化妝師KENNETH WONG主理既秋冬眼妝班,當然要即刻報到...

當晚舉辦場地位於BRIDAL ACADEMY,大家坐定定之後,就由KENNETH WONG開始示範一個舞台妝啦...

點解話係一個舞台妝,因為用色都幾大膽下,相信你唔會日常化呢個眼妝...AHHA..

用胭脂色大範圍搽眼下至權骨位,印上漸變層次感,再用金色EYE GEL搽滿整個眼蓋,之後再貼上紅色囍事睫毛,搽上NUDE色LIPSTICK就完成啦..

配合MODEL既型格髮型,絕對係加晒分,用黎影相行SHOW都好正..

示範完高難度眼妝(對於我黎講),之後就由另一位化妝師ZOEY登場,今次就USER-FRIENDLY得多,係一個普通晚妝...

ZOEY用上既產品,全部都係ENID台灣美妝有售既,包括JEALOUSNESS,SAVA,紅色囍事等等...

其中我對於SAVA最有興趣,因為完全係開架價錢,但係專櫃包裝,好吸引呀!!!

MODEL化完妝之後,雙眼真係電力十足喎!!!

上完堂之後,ENID台灣美妝仲送上大堆頭化妝產品,有我想試既SAVA呀!!!超開心!!!不過咁多野,當然要逐樣慢慢試啦,想睇就要留意我之後既不定期分享啦!!!而第一樣要試既,大家估到係咩嗎??

當然係我至愛既假睫毛啦..

紅色囍事假睫毛 D3122 $150/一盒10對

其實我唔係第一次試用紅色囍事睫毛,早前參加過既睫毛班(重溫按此)已經有貼過,不過當時既款式同今次完全唔同...

D3122其實都幾濃密,不過因為佢既睫毛唔算長,所以貼上面都唔會好誇張..

我自己就比較鐘意剪短少少,雙眼望落會效果會比較圓,而且會自然一D..

但呢個款對於初學者可能唔太合適,或者會覺得濃密O左D,不過我就完全OK,貼O左只要加少少眼妝已經好靚,而且戴得幾舒服!!!不過紅色囍事既睫毛款超多,有興趣不妨到店舖走一轉,話唔定會搵到心頭好^^

ENID台灣美妝:

http://www.enid.com.hk/

BRIDAL ACADEMY:

http://bridal-academy.com/

REVEBEL NATURA REFACE系列: 產品試用篇

上回講到GATHERING之後,每人都帶走一SET6件REVEBEL NATURA REFACE產品返去試用;不過並不是人人都一樣,貼心既REVEBEL早於活動前,已經仔細詢問我地既皮膚性質同需要,以作出最合適既產品安排...

因為我有皮膚過敏問題,而且正值轉季時候,所以特別送上一枝抗敏COMPLEX,正!!!

GENTLE CLEANSING MILK 250ML

白色乳液狀,質地清爽易推,每次只需使用約一粒車厘子份量,O係面上按摩同時,會聞到陣陣椰子甜味+花香味,而且有金盞花成份,對敏感肌有消炎降紅功效..

雖然係CLEANSING MILK,但過水之後感覺幾清爽,清潔力又唔錯,最重要係用完唔會有繃緊感覺,完全比想像中好用,唯一要扣少少分既係用得頗快,唔夠兩星期已經冇O左1/5啦..

REFRESHING TONER 250ML

橙色GEL狀偏水,含有35%保濕精華,比一般TONER保濕功效更好,帶有淡淡花香味..

本身用法多多:

1)當TONER使用,加強保濕、鎮靜肌膚..

2)混和COMPLEX搽,以減低COMPLEX濃度,防止使用初期出現過敏現象..

3)混和CREAM搽,令面霜質地更清爽更易吸收...

EYE & LIP CONTOUR RENEWER COMLEX 30ML

GEL LOTION狀既COMPLEX,初初用覺得有D膠味,不過用耐O左就開始習慣,質地非常清爽,但保濕度不俗,有時朝早只係搽佢已經覺得足夠..

對於易出油脂粒又怕LUP既人,應該會幾O岩用..

EYE & LIPS CONTOUR CREAM 30ML

淡黃色CREAM狀,頗杰身所以每次只要用半粒豆份量,推開需要等一陣先吸收晒,質感非常滋潤,對乾紋有減淡功效...

遇上特別乾燥日子,或者需要急救,可以厚敷一層當EYE MASK,待5-10分鐘後抹走多餘既CREAM就可以..

COUPEROSE FADER COMPLEX 30ML

淡紫色乳液狀精華,顏色非常漂亮,帶有陣陣草本味道,質感非常清爽,但單獨使用我覺得有點不夠,所以我鐘意泵2下加上CREAM,混和之後探勻全面,感覺有鎮靜舒緩功效,同埋又滋潤,而且又加省時方便...

OXYGENATING TONIFYING CREAM 30ML

白色CREAM狀,有淡淡花香味,易推但非常滋潤,所以每次使用份量不宜太多,除非你皮膚極乾,想清爽D既可以混和數滴TONER使用,但我就鐘意加COMPLEX搽,用後皮膚感覺有光澤而且充滿彈性..

平時家中有既MASK大部份都係清潔、保濕、美白功效,不過有時遇上天氣轉變,皮膚突然過敏,想搵個抗敏MASK就唔係成日有,不過只要有呢枝COMPLEX就可以DIY一個抗敏MASK..

只要用上普通既保濕MASK+2至3泵抗敏COMPLEX,混和敷上10分鐘到,過完水之後,泛紅乾燥會即時得到改善O架!!!

REVEBEL NATURA REFACE 8種CREAM+8種COMPLEX,可以變化出唔同使用方法,照顧不同類型既皮膚,有興趣就去佢地FANPAGE睇下啦^^

REVEBEL FANPAGE(按此)

REVEBEL NATURA REFACE系列: GATHERING篇

在意大利超過800間美容院及SPA採用既美容品牌REVEBEL,已經創立有半個世紀,產品以高科技提煉天然草本植物,有效針對各種肌膚問題,尤以抗衰老最為出色..

近年進駐香港既REVEBEL,於上月底舉行NATURA REFACE X BEAUTY BLOGGER大自然護膚體驗,估唔到我都有機會被邀請出席...

現場擺滿NATURA REFACE系列產品..

仲有價值過萬元既ROYABEL CREAM同DNA防曬產品

活動首先簡單介紹REVEBEL品牌歷史,以及NATURA REFACE天然草本系列,我地仲有動手DIY用新鮮材料整MASK添,果然都係即用既製成品比較方便...

之後逐樣試全線產品..

GENTLE CLEANSING MILK & REFRESHING TONER

全系列分別有8種CREAM同8種COMPLEX..

補濕抗氧系列: SHEER MOISTURIZING COMPLEX、HYPER HYDRATING CREAM、SKIN UP COMPLEX、OXYGENATING TONIFYING CREAM

抗敏、控油系列: COUPEROSE FADER COMPLEX、SENSITIVE & CORPEROSE SKINM CREAM、OILY SKIN COMPLEX、IMPURE & OILY SKIN CREAM

抗皺緊緻系列: ANTI-WRINKLE COMPLEX、WRINKLE-FILLER CREAM、HYPERATIVE ANTIAGING COMPLEX、LIFTING & ANTI-AGING CREAM

美白、眼唇系列: SKIN LIGHTING COMPLEX、BLEMISH TREATMENT CREAM、EYE & LIP CONTOUR RENEWER COMPLEX、EYE & LIPS CONTOUR CREAM

DNA SUNCARE系列: ANTI-POLLUTION MOISTURIZING SUN TREATMENT SPF30 & SPF50

最後REVEBEL仲每位BLOGGER送上一SET6件產品試用添,想知我用成點,就要留意聽日既分享啦^^

REVEBEL FANPAGE(按此)

鞋痴們有福了: MASSIMO BONINI首間零售概念店進駐香港

"開心買鞋、唔開心買鞋"絕對係唔少女士既生活寫照,不過"鞋痴"不是LADIES ONLY,其實男士們都一樣鐘意買;而最近札根米蘭既MASSIMO BONINI,以全球首間概念店進駐香港,相信對於各國"鞋痴",又多一個入貨既好地方...

位於銅鑼灣利園既概念店,獨家代理以卓越藝術才華與質素見稱的尊貴鞋履及配飾名品,目前旗下品牌遍佈全球六十三個國家..

以多品牌理念,創新手法,詮釋品牌特色,致力缔造華麗的購物平台,使顧客享受專業、極優的購物體驗...

當晚嘉賓傳媒眾多....

首先係擔任司儀既"SIT COM"主角之一BECKY李壁琦,仲有張燊悅..

穿上全球只有兩對、由FRANCESCO SCOGNAMIGLIO設計價值十五萬水晶鞋既熊黛林,以及名模陳沛嘉...

最後仲有LAUGHING哥謝天華出場添..

以後想入獨一無二既品牌鞋履,就要到概念店走走,有些款色更是香港專有呀^^

MASSIMO BONINI

銅鑼灣希慎道33號利園206-07號鋪

我個微絲血管鼻有救啦!!!!

一直以黎,因為遺傳問題同敏感皮膚既關係,我個鼻既微絲血管都好明顯;加上天氣因素影響出現過敏既時候,就唔單止泛紅,仲會毛孔好大又出粒粒添,老實講我已經處於半放棄狀態好一段時間..

不過上個月去K'S ORGANIC SKINCARE試做FACIAL時,美容師話原來係有得救喎!!!!只要乖乖地用呢兩款MASK就可以,半信半疑之下就入手個TRAVEL SIZE試下先..

EMINENCE CALM SKIN ARNICA MASK & CLEAR SKIN PROBIOTIC MASK  

$178/15ML@

EMINENCE既MASK都係好濃縮,部份仲會有草本粒粒O係入面,所以每次使用時,都需要用清水溝開先..

坊間係會叫你MASK同水以1:1咁開,但美容師話咁樣會太稀,其實2:1已經可以...

因為我皮膚問題唔係全面都一樣,所以鼻既敏感同咀角就敷上CALM MASK,再O係上面同面珠位加一層CLEAR MASK去粒粒同消炎;唔使擔心溝埋會有問題,EMINENCE MASK係全有機天然成份,單獨或者同時使用都一樣OK...

睇下效果如何???我知道敏感同微絲血管唔係一朝一夕可以解決既問題,不過估唔到只係敷呢2個MASK,真係有明顯改善,冇咁紅,而且毛孔仲收細好多添!!!!

不過因為我想快D見效同問題都幾嚴重,所以初時係連敷3日,之後就隔日咁敷,如果已經開始見有好轉,就可以改為一星期用2次....

面珠位又乾又有粒粒既皮膚,都變得SOFT同平滑好多...

咁O岩前幾日我眼角冇啦啦出O左粒瘡,呢個位置我都唔敢搽D消炎野,怕會太刺激呀!!!所以試下敷CLEAR MASK,涼涼地幾舒服,亦都唔"攻"眼,我敷O左1次咋,2日後已經平晒無野LU,真係超好用!!!!

其實佢仲有好多唔同款式既MASK,如果好想試又唔知邊隻先O岩,可以上去鋪頭咨詢職員,佢地可以比到最合適既意見,因為EMINENCE既MASK都唔算好平,問清楚先買就最好^^

http://www.koshk.com.hk

預防三高有妙法: 非一般的醋

剛過去既8月非常忙碌,返工、打文、出席活動、去街...ETC,因此進食O左唔少高脂高糖食物,除O左身形持續爆脹之外,腸胃都差O左好多>_<....

上星期出席活動,到場每人先奉上一杯冰涼飲品,酸酸甜甜,其實係D咩黎??

原來係黎自台灣既元氣鹼梅陳醋($368/300ML),加水開就可以飲得啦,食滯既日子飲真係份外合適,所以活動未開始前我已經飲O左2大杯啦....爽!!!!

食得健康元氣分享會--品牌搵黎同樣來自台灣既金剛做代言,形象搞笑得黎入屋^^

活動上安排既食物,全部都可以配上鹼梅陳醋食用,我覺得用黎配麵包非常好食,雖然之前已經食完LUNCH,但我都食O左4片呀!!!!

享受食物之際,品牌代表、營養師都分別出黎講解元氣鹼梅陳醋與坊間一般飲食醋既分別,以及對身體有什麼好處...

原來佢地係採用意國陳年醋BALSAMIC VINEGAR及醃製十年既日本梅干UMEBOSHI製成,飲用後可以調節身體既酸鹼度,並且有以下功效:

--鹼化活血,軟化血管,令血流暢順...

--化酸解毒,健胃養肝,有效消除疲勞..

--排降毒素及脂質,可控制體重..

最特別係配上甜點原來有意想不到既效果,本身唔太好甜食既我都掃光光..

既然佢對身體有咁好療效,拎番屋企當然要即刻比媽媽試飲,因為佢本身已經有30年既高血壓嘛,三高已經有其中一高..

我同媽媽都覺得佢幾易入口,而且飲用完之後腸胃係比較舒服,去TOILET都順暢D..

盒入面原來有張紙仔,係飲用之前用黎測試自己既酸鹼值O架!!(我飲完先發現=_=)

與一般飲食醋唔同,佢係比較杰身而且有不少梅肉,因此更有感;而且食法多樣化,可以加水飲用,塗上食物即食,甚至用黎煮菜當調味料都一樣OK..

我比較鐘意加凍水飲用,方便快捷,O岩晒想健康又懶既都市人,有興趣不妨到各大萬寧選購啦^^