度身天然有機 EMINENCE FACIAL。解決轉季肌膚問題 @K'S ORGANIC SKINCARE

 

很多朋友覺得由夏轉秋,肌膚問題應該沒有那麼多..

但只要是氣溫、濕度不同,甚至是身體因轉季而出現的變化..

都會直接反映在肌膚上,如過敏、暗瘡、乾燥等等

 

 

K'S ORGANIC SKINCRE

 

是一家上樓的小型美容院,主要提供天然有機皮膚護理、植睫毛服務..

新娘化妝服務及傳統日本和服租借拍攝等等..

 

亦有售賣有機品牌 EMINENCE、ALTEYA ORGANICS 產品及

自家品牌法國出產的 KOS 按摩油..

 

 

早於數年前認識了這家店後,便成為了 EMINENCE 的粉絲...

對於肌膚常出現狀況的我實在是很適合,因為近屋企所以亦有購買療程..

 

 

原本是想一試新推出的日本海藻療程,不過我因為轉季皮膚出現過敏及爆瘡.

於是更改了療程的內容,改為使用 EMINENCE 及

ALTEYA ORGANICS 香薰油產品為主..

 

 

每次來到都會視乎皮膚狀況而度身訂做不同內容,是我最欣賞的地方...

換上拖鞋及衣物後,就開始了今次的療程..

 

首先使用 EMINENCE LEMON CLEANSER 作卸妝及清潔..

平時我有化全妝是會很細心用棉花棉卸除眼妝的,不過這次我沒有上妝^^

 

 

將 ALTEYA ORGANICS 薰衣草花茶打碎..

混合EMINENCE LEMON CLEANSER 作磨砂,感覺很輕柔不刺激..

 

 

接下來是修眉及深層清潔,這裡是沒有人手針清的..

但會用超聲波剷皮機去除死皮及黑頭,所以不用擔心會有平時針清

出現的痛楚或紅腫問題..

 

 

最近水腫很嚴重,美容師用上 KOS LIGHT LEGS 按摩油幫我按肩頸地方..

再混合 ALTEYA ORGANICS 玫瑰油及薰衣華油作面部按摩..

力度適中,整個過程真的很舒服..

 

 

圖左是按摩前,圖右是按摩後

 

可以見到整張臉是提升了..

減去水腫令頸位及腮位輪廓變得更平順..

 

 

最後敷上 EMINENCE CLEAR SKIN PROBIOTIC MASQUE

用量一點也不吝嗇,是厚厚的一層,敷約15分鐘..

 

 

完成後可即時見到臉變細了,肌膚是充滿水份很柔軟..

 

 

走前仲有花茶飲^^

 

 

之前有點休息不夠,膚色有略為暗沉了..

療程後可以見到膚色回復白淨均勻,膚質更細緻平滑..

 

 

下巴出既粒粒及大瘡,療程後即時不痛了,兩天後更消腫變平...

而痘印亦有淡化了一點,很開心^^

 

 

https://www.facebook.com/KsOrganicSkincare

http://www.koshk.com.hk/

 

 

 

 

HOME SPA 艾草球按摩+EMINENCE終於有X'MAS PROMO啦...

一向都知自己有肩膊痛問題,沉迷寫BLOG之後,連手踭位附近既肌肉都開始痛埋..
雖然幫襯美容院做BODY MASSAGE係正,不過都只可以耐唔時一次..
見近排天氣開始凍,熱敷按摩用既艾草球終於可以大排用場啦..

其實唔係好大個,收藏都好方便,用時只要用微波爐加熱1-2分鐘即可..

再滴上喜愛既香薰油O係棉布上,因為冬天同主要FOR肌肉疲勞,所以我就用O左薑味...

已有香薰既棉布O係底,加上叮熱O左既艾草包,就可以按摩啦...
我當然係主打按肩膊頸位..
每日按上幾分鐘,真係有舒緩作用..
而且加有薑既香薰油,亦可以保暖驅寒..

仲有按埋前臂同小腿,真係好正!!
叮1次基本上可以保溫5-10分鐘,如果要大範圍按就要叮多幾次啦..
身邊有朋友問我邊度買,其實係夏天時到K'S ORGANIC SKINCARE入既..
可惜佢而家已經唔再出售LU...

反而最近愛用既EMINENCE有聖誕PROMO喎!!!
SHOPPING LIST(按此參觀)入面既SET都有9折,買滿$1,000仲有抽獎.
我好想試下佢個皇后/公主療程,平時一定唔捨得,如果中到就好啦!!

呢個甜紅玫瑰CREAM+木槿金盞花MASK,應該成為我今次入貨目標..
睇下家姐佢地有冇野買先,我要抽獎...HOHO..
P.S. 最後2幅圖FROM K'S ORGANIC SKINCARE

http://www.koshk.com.hk/

植睫毛初體驗: 彷如無物既變靚D方法

平時欠下不少文債,所以一般自費項目我都會留待有時間先再寫,不過今次係初次植睫毛,而且效果非常滿意(我個人認為),加上有人問我效果如何云云....所以我就拿拿聲出呢篇文介紹下比大家參考,事關佢個試做價做到年底而已...




美客師事前會問我地想要咩效果,當然佢都會比專業意見睇下你係既眼形會適合邊款多D,因為我眼形帶圓而且都算大(美容師講咋,HAHAH..),所以太誇張同太長都唔O岩我,最後揀O左NATURAL款...

一般係一條條植上去,但若果你係要超濃密鐘意重口味既,就會同你植一束束O個隻,而我當然係要一條條啦,長度方面有4個,未植過我唔知要邊隻好,所以又係由美容師幫我揀...

1) 卸除眼妝/清潔之後,就會貼上膠片O係眼底..

2) 開始植..

3) 期間美容師會不斷問你有冇唔舒服,但其實過程係一D痛都冇,感覺係有既,因為你貼O左膠片嘛,咪覺得有野O係度囉,就係咁多..

4) 初步植完之後會比鏡你睇下,覺得有咩唔滿意或者咩位想再加,你都可以叫佢即時整,如是者直到你覺得滿意為止..

 

植完之後4-8小時係關鍵時間,唔好濕水、吹風、郁到佢,當然8小時你忍唔到,最少都要忍4小時,為O左靚無法啦...

初次整完,係非常非常自然,同真睫毛無咩分別,亦都見唔到膠水跡咁滯,但好不幸地我當晚瞓著唔小心捽眼,甩O左4條..>_<,第2日即刻去補,順便再整濃少少...




補完之後,比初次濃密O左,美容師仲應我要求整得翹一D,真係勁靚!!!!而家每日既眼妝只係搽E/S,THAT'S ALL.....方便到暈@@

另外整完係唔好夾睫毛同搽MASCARA,化妝可以如常,但小心唔好拉扯D睫毛,卸妝最好用棉花棒啦!!!

不過我D睫毛其實係比平常人更難植,人地係直線生,我就係向左走向右走打斜,有D仲係打交叉添,所以佢真係好有心機同我植,雖知佢係一對一服務,如果我BOOK O左整,佢O個個時間係SERVE我一個ONLY,所以真係重質不重量既樓上店,亦都係我會幫襯既原因之一..





好啦,講下個試做價詳情先,唔係大家又會問我

K CARD會員: FREE
藍/綠CARD會員: $150
非會員: $200

只限首次試做(到2011/12/31),而且包植完後一星期內補同加睫毛(因為佢知未植過既人唔識保養,好似我就係)

P.S. 必須預約
http://www.koshk.com.hk/




我而家考量緊買唔買套票,整完之後買3次有8個月期就$840($280/次),6次有1年期就$1,500($250/次),都仲係好抵,整O左每日就可以瞓多D嘛....KEKEK..

我個微絲血管鼻有救啦!!!!

一直以黎,因為遺傳問題同敏感皮膚既關係,我個鼻既微絲血管都好明顯;加上天氣因素影響出現過敏既時候,就唔單止泛紅,仲會毛孔好大又出粒粒添,老實講我已經處於半放棄狀態好一段時間..

不過上個月去K'S ORGANIC SKINCARE試做FACIAL時,美容師話原來係有得救喎!!!!只要乖乖地用呢兩款MASK就可以,半信半疑之下就入手個TRAVEL SIZE試下先..

EMINENCE CALM SKIN ARNICA MASK & CLEAR SKIN PROBIOTIC MASK  

$178/15ML@

EMINENCE既MASK都係好濃縮,部份仲會有草本粒粒O係入面,所以每次使用時,都需要用清水溝開先..

坊間係會叫你MASK同水以1:1咁開,但美容師話咁樣會太稀,其實2:1已經可以...

因為我皮膚問題唔係全面都一樣,所以鼻既敏感同咀角就敷上CALM MASK,再O係上面同面珠位加一層CLEAR MASK去粒粒同消炎;唔使擔心溝埋會有問題,EMINENCE MASK係全有機天然成份,單獨或者同時使用都一樣OK...

睇下效果如何???我知道敏感同微絲血管唔係一朝一夕可以解決既問題,不過估唔到只係敷呢2個MASK,真係有明顯改善,冇咁紅,而且毛孔仲收細好多添!!!!

不過因為我想快D見效同問題都幾嚴重,所以初時係連敷3日,之後就隔日咁敷,如果已經開始見有好轉,就可以改為一星期用2次....

面珠位又乾又有粒粒既皮膚,都變得SOFT同平滑好多...

咁O岩前幾日我眼角冇啦啦出O左粒瘡,呢個位置我都唔敢搽D消炎野,怕會太刺激呀!!!所以試下敷CLEAR MASK,涼涼地幾舒服,亦都唔"攻"眼,我敷O左1次咋,2日後已經平晒無野LU,真係超好用!!!!

其實佢仲有好多唔同款式既MASK,如果好想試又唔知邊隻先O岩,可以上去鋪頭咨詢職員,佢地可以比到最合適既意見,因為EMINENCE既MASK都唔算好平,問清楚先買就最好^^

http://www.koshk.com.hk

為轉季做好準備(1): FACIAL篇

因為轉季立秋既開始,皮膚已經有敏感既跡象;雖然化妝都尚算可以遮蓋,但為免繼續惡化下去,都想嘗試轉用天然有機護膚品,希望逐步改善過敏既肌膚問題..

匈牙利有機品牌EMINENCE產品,之前買過試用裝,覺得效果唔錯;加上店舖好近我屋企,所以見$198可以試做EMINENCE草莓透明質酸補濕療程(原價$680),即刻BOOK放O左工去試下先..

除O左TREATMENT之外,仲有EMINENCE產品同OPI甲油售賣,價格亦都比市面便宜(唔係上次我都唔會入手啦!!)

有使用過EMINENCE產品既朋友,都應該知道佢地價格是走中高檔路線,而K'S ORGANIC SKINCARE既所有面部療程,都全數使用EMINENCE產品,實在係好超值!!!!!敏感皮膚人士更加可以放心去試做...

雖然試做既係草莓補濕療程,不過亦會因客人皮膚狀況而有所更改(放心,呢個係唔需要加收任何費用!!)

經過美容師診斷之後,認為我而家皮膚好敏感,亦都有乾燥泛紅..>_<

首先需要卸妝清潔,LEMON CLEANSER好REFRESH亦都唔刺激皮膚,我仲以為我唔O岩用LEMON野添,原來都唔一定..

PEELING係用AHA FRUIT PULP TREATMENT,面上有一揵撻其實係新鮮果肉黎,敷時好舒服,佢地既AHA係由生果提煉出黎,所以好溫和..

LIP TREATMENT $165 (原價$330)係另外加錢做既,都係用上ENIMENCE產品,因為我試做FACIAL,只要半價!!圖中係搽上CITRUS ENZYME LIP EXFOLIATOR..

徹底清潔皮膚後,就係我最鐘意既按摩環節,因為我皮膚敏感,所以轉用FIRE THORN

TREATMENT & CALENDULA OIL作按摩之用,而頸肩就用上NASEBERRY BODY LOTION;美容師手勢溫和而有力,唔怕刺激皮膚...

同時使用上5款MASK既我真係好似地圖咁分PART,好搞笑!!!!

鼻位同過敏地方: CALM SKIN ARNICA MASK

有粒粒既地方: CLEAR SKIN PROBIOTIC MASK

額頭&頸: STRAWBERRY RHUBARB MASK

咀: LIP COMFORT & PLUMPING MASK

眼周: RASBERRY EYE MASK...

最後搽上精華、眼霜、CREAM同LIP BALM就完成啦..

即時FEEL到皮膚充滿水份好SOFT,膚色尤其咀周圍同眼周都均勻亮白O左,個咀做完LIP TREATMENT亦變得粉嫩一D...

仲有熱花茶同薑糖提供添,真係好貼心^^

P.S. 試做完可用半價買TREATMENT,分別有買10送2或者入錢扣數方法,而家到8月底前消費滿$1,000仲可以升級做K卡會員,以後買野有8折同優先免費試做新療程!!

因為我皮膚仲係唔太STABLE,而且美容師話我個微絲血管鼻原來有得救喎,於是我就入手多2罌MASK($178/15ML),想知WORK唔WORK就要留意我之後既分享啦^^

http://www.koshk.com.hk/