變身桃花大眼@婕洛妮絲桃醉睛迷魔纖睫毛膏組

 

早前沉迷戴假睫毛同植睫毛,原來已經差不多半年時間無用過睫毛膏啦..
原因係一直都未搵到一隻最O岩心水既MASCARA..
油眼又多眼水,所以防溶係我既首要條件,其次係纖長同卷曲,根根分別就最好..
HAHAH...我都知要求多多,所以有新野都即管想試下...



JEALOUSNESS MAGIC LASH LENGTHENING MASCARA
婕洛妮絲桃醉睛迷魔纖睫毛膏組 $135


一SET兩枝...



B: 黑色3D立體刷頭睫毛膏
W: 白色無重力魔術極長纖維


用法好簡單,先以Z方式搽一層B,再O係睫毛中段開始搽W,最後搽多層B就完成..



呢款纖維好特別,好似棉絮物體,非常輕身又易於貼O係睫毛上..



我冇用睫毛夾都明顯見到卷曲效果..
連下眼睫毛都可以搽到根根分別,鐘意誇張效果既可以搽多幾層B..

個人特別鐘意眼尾睫毛搽長D,望落好似有隱形眼線效果...
至於防溶方面,我會比佢合格,有少少暈開但可接受...
天生睫毛短小既不妨一試,效果真係唔錯!!

http://www.enid.com.hk

平價都有好妝物:用SAVA莎曼打造台灣美眉自然眼妝

要完成一個漂亮既眼妝,所需要既彩妝品就至少要用上4-5樣,動輒可能要花費近千元;對於化妝新手或者平日少化全妝既朋友黎講,絕對係一筆額外既消費,所以平靚正既開架品牌就最符合你地既要求...

ENID台灣美妝最近加入既新品牌SAVA莎曼,單睇包裝你係絕對估唔到佢咁平,以上一堆彩妝品,加埋都係三百多元,實在係抵玩!!!!

SAVA莎曼魔幻眼妝盒#02 $68

顯色度非常之高,而且夠實色,質感亦都好幼滑,完全唔似幾十蚊貨色...

1) SAVA驚艷立體眉粉($68): 有2格深淺啡色眉粉,1格眉GEL,用完眉形變得明顯,顏色亦都好自然,二合一設計夠晒方便...

2) JEALOUSNESS防水眼線膠筆(黑色/$120): 易上色又防溶,先用黎畫一條內眼線..

3) SAVA超防水濃眉大眼線液(黑色/$68): 筆係唔夠實色,所以我會加多一條液體眼線,令線條更明顯...

4) SAVA魔幻眼妝盒(#02/$68): 用盒內1號既深閃啡色,疊O係眼線上BLEND開,亦搽少少O係下眼線位..

5) SAVA魔幻眼妝盒(#02/$68): 再用盒內2號既閃灰色搽雙眼皮位同下眼線位BLEND開..

6) SAVA魔幻眼妝盒(#02/$68): 最後用盒內3號淺銀紫色打亮眼蓋..

7) SAVA天使光晶鑽眼影盒(#01/$48) & MASCARA: 打亮眼頭同下眼線前半部,搽上MASCARA就完成啦..

8) 當日出街6小時之後,依然冇甩過色,掂呀~~

平時我既妝容都係偏向自然,用上SAVA同JEALOUSNESS眼妝產品,有冇一點台灣OL既風格????!!!!打完文之後,我已經比SAVA既產品燒著O左,我要買佢個3格遮暇膏呀,又係$68咋,抵抵抵!!!!

ENID台灣美妝專門店

http://www.enid.com.hk

ENID X STAGE@BRIDAL ACADEMY + 試玩紅色囍事睫毛

自從出來工作之後,幾乎每日都會化妝,所以一般日常妝容,我都可以HANDLE得到;不過遇上特別場合、或者想有D變化,我就完全無從入手啦!!!所以上月獲ENID台灣美妝既邀請,可以参加由星級化妝師KENNETH WONG主理既秋冬眼妝班,當然要即刻報到...

當晚舉辦場地位於BRIDAL ACADEMY,大家坐定定之後,就由KENNETH WONG開始示範一個舞台妝啦...

點解話係一個舞台妝,因為用色都幾大膽下,相信你唔會日常化呢個眼妝...AHHA..

用胭脂色大範圍搽眼下至權骨位,印上漸變層次感,再用金色EYE GEL搽滿整個眼蓋,之後再貼上紅色囍事睫毛,搽上NUDE色LIPSTICK就完成啦..

配合MODEL既型格髮型,絕對係加晒分,用黎影相行SHOW都好正..

示範完高難度眼妝(對於我黎講),之後就由另一位化妝師ZOEY登場,今次就USER-FRIENDLY得多,係一個普通晚妝...

ZOEY用上既產品,全部都係ENID台灣美妝有售既,包括JEALOUSNESS,SAVA,紅色囍事等等...

其中我對於SAVA最有興趣,因為完全係開架價錢,但係專櫃包裝,好吸引呀!!!

MODEL化完妝之後,雙眼真係電力十足喎!!!

上完堂之後,ENID台灣美妝仲送上大堆頭化妝產品,有我想試既SAVA呀!!!超開心!!!不過咁多野,當然要逐樣慢慢試啦,想睇就要留意我之後既不定期分享啦!!!而第一樣要試既,大家估到係咩嗎??

當然係我至愛既假睫毛啦..

紅色囍事假睫毛 D3122 $150/一盒10對

其實我唔係第一次試用紅色囍事睫毛,早前參加過既睫毛班(重溫按此)已經有貼過,不過當時既款式同今次完全唔同...

D3122其實都幾濃密,不過因為佢既睫毛唔算長,所以貼上面都唔會好誇張..

我自己就比較鐘意剪短少少,雙眼望落會效果會比較圓,而且會自然一D..

但呢個款對於初學者可能唔太合適,或者會覺得濃密O左D,不過我就完全OK,貼O左只要加少少眼妝已經好靚,而且戴得幾舒服!!!不過紅色囍事既睫毛款超多,有興趣不妨到店舖走一轉,話唔定會搵到心頭好^^

ENID台灣美妝:

http://www.enid.com.hk/

BRIDAL ACADEMY:

http://bridal-academy.com/

一試即成功: 挑戰使用假睫毛夾+送出可愛甜甜圈睫毛收藏盒

平時習慣用手貼假眼睫毛,覺得好似靈活度比較高,而且節省時間,不過早前上完由ENID舉辦既美睫工作坊,就令我對假睫毛夾改觀晒,原來用佢都唔係想象中咁難..

上堂課室位於銅鑼灣ENID台灣美妝專門店,房間內有齊所有工具同梳妝枱,足夠5-6人使用,小班教學黎講已經好足夠..

而今次試用係來自台灣既愛比堤囍事假眼睫毛,ENID話呢隻睫毛質素非常好,睫毛梗(母線)夠軟,而且輕易造出所要既弧度;睫毛(子線)夠挺身,戴O左上眼好夠翹...

P.S. 中間O個對係真貂毛黎,盛惠$380,同平時買開既比較會覺得貴,但諗深一層,好多專門店睫毛特別D都要呢個價錢,唔係佢太貴,而且台灣假睫毛太抵用,HAHH..

介紹完就開始示範,第一步要為睫毛修剪合適既長度,不過點先為之合適,就需要自己去調較啦,事關每個人既眼形同想要既效果都唔同,唔識既可以逐少剪再放上眼睇,直至覺得OK為止...

之後搽上膠水,輕輕將睫毛屈曲,再放上眼,由眼尾開始逐少用夾推入去,為免膠水沾上眼皮,最好拉起少少先推,固定位置後將真假睫毛夾埋就OK...

睇完示範就到自己動手時間,ENID為我地準備既工具(除O左把剪刀之外),都係用完都可以拎番屋企既禮物,分別有2對囍事睫毛(1對自然1對濃密)、EYE'S CHIC膠水(之前用過非常好,可以(按此重溫)、COSMOS假睫毛夾同NAF甜甜圈假睫毛盒...

因為我好想試濃密款,但送既款式又誇O左D,佢地好好人比O左另一款我試,係濃密一束束但比較短身,戴上眼都仲幾自然,配合埋當日戴既大眼仔,唔錯!!!

第一次全程用夾貼我都有D手忙腳亂,不過係搽膠水既時候,因為要左手夾住睫毛右手搽,反而戴上眼就同平時差不多,而且我發覺用夾唔怕膠水會整到眼周,亦都可以推得更入更貼...

返屋企後加濃O左個眼妝,對眼真係深邃好多呀,而且同對睫毛好MATCH...

清潔方面亦都好易,卸除睫毛之後,用清水洗下同浸陣,就會見到膠水跡,只要用手撕走,再自然風乾就OK,囍事睫毛最少可以重用5次O架!!!

而另一款自然既,貼上眼好有種睫毛FEEL!!!好夠翹,戴足全日都好舒服,新手都O岩用,因為個邊好夠軟弧度亦都易於控制...

如果我講完都唔明既,睇埋我呢個真人示範都應該識掛..

1) 化好眼妝先,夾一下睫毛(唔需要夾得太翹)

2) 剪好假睫毛長度,搽上膠水..

3) 屈曲睫毛至理想弧度...

4) 輕輕放上真睫毛上,,

5) 由眼尾先推,到中央,眼頭..

完成就係咁啦,非常貼而且同真睫毛好似,我知ENID不時有開班教授,有興趣可以到門市或者致電查詢^^

因為我本身已經有1個甜甜圈假睫毛盒,所以今次收到既想送出比大家,佢一盒可以放2對睫毛,好的骰得意O架!!!想要就到我YBLOG(按此)PM留EMAIL啦,截止日期係8月7日晚上12時正,得獎者我會經EMAIL通知..

 

http://www.enid.com.hk/

公主風外表VS實用性內涵

喜愛公主風,唔一定由頭到腳都係公主既打扮(如果係COSPLAY同小朋友,我都仲可以理解XDDD),因為每個女仔都有會對浪漫有所嚮往,LACE、碎花圖案、粉紅色、珍珠等等既甜美風格,耐不時就會偷襲你,如果見到黎自台灣既JEALOUSNESS化妝品,應該只有落得敗家既下場,HHAA....

JEALOUSNESS 玫瑰眼唇卸妝液 $110/100ML

& 防水眼線膠筆 $120/8色

只見咁PINK既PACKING,係咪已經好想敗回家???!!!

不過佢唔止外表得,其實內裡一樣咁實用,今次我用既就係BK煙燻黑色啦...

用佢同平時我愛用既眼線筆一比,兩枝其實都咁顯色又易畫,只不過用手一捽,就高下立見啦;JEALOUSNESS只係淺色O左少少,但平時愛用既眼線筆就幾乎抹走晒(唔怪得平日我化妝眼尾咁易溶晒啦!!!)

畫上眼既效果都好好,眼線係我平日化妝不可或缺既部份,因為我對眼比較易浮腫...

再加埋E/S同假眼睫毛,咁就係我平時既眼妝啦...

下圖係我出O左街8個多小時之後影既,可以見到眼尾係有少少黑色,不過唔算好嚴重,因為本身我係一對油眼,又多眼水,除此之外,其他地方連雙眼皮位都冇甩過喎!!!可見佢既防水防油效果唔錯,而且幾持久...

JEALOUSNESS眼唇卸妝液一打開已經聞到陣陣玫瑰香薰味道,水油2層既設計,用之前要搖勻,樽口比較細,唔怕一次過倒太多..

我用平時用開既眼唇卸妝液作比較,同JEALOUSNESS一樣都係水油2層,只抹一次,JEALOUSNESS O個邊已經甩O左8成,但平時用開既只甩O左6成到,抹第2次,JEALOUSNESS已經抹走晒所有EYELINER啦,而平時用開既眼唇卸妝液,要3次先可以抹乾淨...

JEALOUSNESS卸除眼影眼線效果非常好,唔"頁"眼又好溫和,不過對於卸除防水MASCARA就比較遜色,要卸除多次先完全乾淨,呢個有少少扣分..

因為加入六胜肽同玻尿酸,所以卸妝之餘,保濕效果亦都更好,同平時用開既相比,水份同柔軟度都升O左一格;尤其每日都要化妝既SIS,落妝產品都要揀好D既,唔係對眼周肌膚有日積月累既傷害O架...

http://www.enid.com.hk/

尋找我的Y型曲線@ST. CLARE

針唔拮到肉係唔知痛,唔係大面既人唔知我地既痛苦,每次影相都要企最後,又或者永遠都係三七面,因為實在係好難搞!!!但要打BOTOX我又唔敢喎,唯有試盡市面可以FIRMING既產品啦...

ST. CLARE SUPER V LIFTING ESSENCE

Y18超V緊緻臉頸精華

$210/50ML

對易造成臉頸曲線走樣的7大問題,如細紋、雙下巴、頸紋、鬆弛、乾燥、粗糙、膚色不均,打造全新商品Y 18超V緊緻臉頸精華,多重植物與胜肽配方,全方位照顧臉、頸肌膚,創造緊緻度、水嫩度、撫紋度十足的完美Y曲線....

白色乳液狀精華,看似杰身,但推開就變得好水潤,而且吸收得好快,仲覺得有陣菠蘿味道,I LIKE IT!!!

搽上面有光澤感但唔油膩..

使用約14天之後,雖然離V SHAPE仲有一段距離(我相信要磨骨先得XDDDD),但腮骨位既輪廓明顯O左,D肉好似冇咁鬆弛,變得緊緻提升一D..

含有八胜肽同九胜肽,可以有效淡化皺紋、緊緻、以及美白、均勻膚色。每次用上3-4泵份量搽面同頸,O係下巴位我會加上按摩,令精華吸收得更好;雖然係乳液狀,但一D都唔需要擔心會LUP,尤其香港咁悶熱既夏天,早晚用代替埋平日既保濕精華都OK,亦都唔會話用O左會勁出油,可以放心...

使用FIRMING既產品唔可以心急,一般都要使用上一段時間先見效果,今次只用O左2星期,效果已經比預期中理想,真係有緊緻O左,相信持續用上至少1個月,效果會更明顯..

http://www.enid.com.hk/

最強睫毛膠水大比併: FIXER EX VS EYE'S CHIC

因為太鐘意貼假眼睫毛,而且我對眼比較多油同眼水,所以一直尋找一枝好用既假眼睫毛膠水,耐何香港有既選擇真係太少,上次O係卓悅買O個枝EYELASHES FIXER EX其實都已經算係好好用O架啦...

EYELASHES FIXER EX...

不過佢有一個缺點,就係貼普通梗係OK,仲幾實添!!!但一貼透明膠梗就唔得啦,我試過幾次用透明梗既假眼睫毛真係去去下街甩呀!!好樣衰!!!所以唯有又再搵下啦,終於O係ENID發現O左呢枝好野...

EYE'S CHIC EYELASH GLUE $50/8ML @ ENID

佢係日本生產,仲有黑色既,而白色呢枝除O左可以貼假眼睫毛,仲可以當雙眼皮膠水..

比較下2枝膠水,之前以為FIXER EX已經好快乾,但原來EYE'S CHIC仲快變透明....

一開始我講貼透明梗假眼睫毛既問題,見唔見到???FIXER EX搽完O係透明梗因為太水,佢係會變O左一點一點,相對上有D位係冇O左膠水O架,我估亦都係咁所以會易甩..

而EYE'S CHIC就冇呢個問題,搽透明梗假眼睫毛個邊仲明顯見到一條,乾O左都係咁,所以貼上眼一定會夠晒實...

再做個TEST,用佢貼上3層紙巾上,用夾一拉,FIXER EX既假眼睫毛係有部份連紙巾一齊拉起,但有部份明顯見到睫毛邊同紙巾分開O左,有好大個空位..

而EYE'S CHIC係完全成條假眼睫毛邊貼位紙巾一齊拉起,黏貼力明顯比FIXER EX更好,係暫時黎講我覺得係最好既膠水,以後任何梗既假眼睫毛都可以放心用啦....

去到當然唔止入手枝膠水啦,仲有呢個咁可愛既NAF甜甜圈假眼睫毛收藏盒,有白色同粉紅色,我揀O左PINK呀,$34 @ ENID

真係好的骰O架,又薄身,打開有2格可以放2對假眼睫毛,O岩晒有時返工趕時間貼唔切,拎埋枝膠水同佢就可以啦,夜晚要去街街必備...

示範下幾對靚靚假眼睫毛先,AK同舞伶應該唔少人都用過啦,我都幾鐘意,因為質素真係好好,戴足成日都好舒服,而且可以重覆使用幾次,除開咁計其實都抵用..

下假眼睫毛我係第一次嘗試,其實都幾自然,不過我會剪一半貼眼尾,配埋少少閃啡SMOKY EYES,其實好靚,呢個眼妝我好滿意,打算新年都咁化先...

另外舞伶就自然D,我用O個日化得好淡,只搽O左少少EYELINER同淺色閃眼影,唔近睇其實會以為係自己本身既EYELASH添...

台灣既化妝品同工具真係好多選擇,而且價廉物美,就以假眼睫毛收藏盒為例,咁CUTE又實用既香港真係冇乜,之前我搵O左好耐都唔見呀!!!而家除O左去佢地ENID SHOP同ONLINE買,以上既貨O係SASA同部份COLORMIX都已經有得賣啦,我仲見到好多唔同既台灣假眼睫毛添.有興趣可以去睇下..

ENID台灣美妝專門店

http://www.enid.com.hk/