Pinksheeb Is Sandra

2011年4月12日星期二

日本大HIT美肌飲品--CHOCOLA BB(下)

終於飲完28日CHOCOLA BB啦,上篇分享O左飲用14日既效果(重溫上篇按此),雖然有出O左D粒粒,不過皮膚係的確滑O左,我相信應該係加速新陳代榭既效果..

CHOCOLA BB DRINK $199/1盒10枝

上次講過我飲用第一個星期,出O左粒大瘡,其實之後都開始好O架啦;不過到第三個星期M前又出O左粒(我一向M前都易出瘡O架!!)但到飲用O左28日之後就平晒,得番個印..

皮膚明顯係愈來愈SMOOTH,毛孔係收細O左,而且膚色好似比較有光澤感..

上粉都貼好多呀,化妝之後睇到係超滑,亦都冇咁易浮粉..

口服既美肌產品,對於每個人既反應同效果都唔一樣,好似我咁,初初飲用既時候,的確係出多O左粒粒,相信係排毒既現象;不過之後就開始見到成效啦,所以千祈唔好心急,飲用10日8日就算,至少要服用一個28日皮膚既更新週期,先好判斷佢有冇效呀..

CHOCOLA BB DRINK我覺得味道只係一般,不過對於收細毛孔同改善膚質既成效不俗,未嘗試過美肌飲料既朋友,的確可以入手試下,因為佢比平時飲用既美肌產品,價格係相宜得多,而且佢仲有3枝試飲裝,可以買黎試下味道先..

http://www.chocola.hk/

2011年4月11日星期一

SEBAMED淨膚潔面泡

香港春夏天氣又濕又熱,呢個時間我比較愛用泡沫豐富既CLEANSER,清潔之餘有乾爽既感覺,尤其朝早用完有REFRESH醒精既作用就最好,最近我就試用緊佢....

SEBAMED CLEAR FACE ACTIVE CLEANSING FOAM

淨膚潔面泡

$92/150ML

施巴研究中心特別為CLEARFACE系列研製,採用專利優質成份,淨化面部肌膚,預防感染,並可減少新的粉剌形成;配方非常溫和,均衡面部油脂,清除污垢或皮屑;使用後令面部肌膚保持滋潤;其專業微酸性配方,配合皮膚的生理特性,增強皮膚的微酸性保護膜功能,促進肌膚健康,有助進一步減少粉刺及黑頭產生...

泵口大小適中,每次我都係泵2下到已經足夠..

泡沫好豐盈,不過就唔係幾LONG LASTING啦!!說明書話想達到最佳潔淨效果,可以全面敷5分鐘先過水,但D泡其實敷O左1分鐘到已經冇晒,我亦唔覺得用敷既方法同普通咁按完即時過水有咩分別,所以我都唔建議敷,就咁當CLEANSER用已經OK..

雖然佢係泡沫狀,而且話係去油脂,感覺上以為會好乾,不過用落又OK喎!!而家天氣用都唔覺得繃緊,只係花香味略為濃烈一D,但又冇引起敏感,果然係PH5.5夠晒溫和..

至於去黑頭粉刺方面,效果唔算好明顯,不過皮膚望落係乾淨O左,但過水就需時耐一D,唔係會有滑潺潺既感覺,不過平平地都幾抵用,一枝我諗都可以用上2個月..

2011年4月8日星期五

面子都要有機:ORGANIC NATRALOX

早前參加一個講座,得知好多恐怖既事實,原來非有機食物,大部份都有基因改造;打進既不止是其他動植物基因,連昆蟲都有可能,真係想像下都"打冷震"呀!!!所以食進肚子既,搽上皮膚既,O係自己能力AFFORD得到既範圍,都想盡可能選擇"有機",畢竟健康最重要,又可以對環保好一點..

其實上個月開始,我已經使用ORGANIC SKINCARE,不過ORGANIC既產品售價都唔算便宜,所以我選擇O左一枝最BASIC既保濕產品試下先..

ORGANIC NATRALOX HYDRATING SERUM $600/30ML

蘊含澳洲獨有的老人草提取物,天然強效保濕及對皮膚有著顯著的修復功能,結合有機霍霍巴籽油、強效保濕鎖水功能的無花果提取物導入技術,防止水份流失,使肌膚保持濕潤更能幫助預防自由基損傷,刺激肌膚自然新生過程,促進及刺激細胞更新,令肌膚回復緊致有彈性,運用鈉米導入技術,確保肌膚營養順利到達肌膚底層...

PACKING幾得意,好似食物咁打開...

泵裝設計比較衛生,亦都唔怕空氣會入到管身;不過ORGANIC產品因為多數只會選用天然植物當防腐劑,所以保鮮期比較短,呢枝SERUM開O左只可以用9個月..

透明偏水狀既GEL FORM,無色無味,推開即時被皮膚吸收,極之爽身..

佢同一般保濕SERUM有D唔同,係洗完面之後,TONER前用。即係你一洗完面,第一時間泵1-2下ORGANIC HYDRATING SERUM搽勻全面,之後先再拍上TONER;又或者你有SPRAY裝既TONER就更加好,用完噴上就OK,最後再搽EYE CREAM同面霜即可。當然你仲有其他唔同FUNCTION既SERUM,都可以TONER後用..

三、四月期間天氣反覆無常,我既皮膚亦都變得好唔穩定,所以使用初期我面頰位係好乾,多粒粒又泛紅,搽上去仲有少少拮拮地既感覺;不過用O左約1個星期就開始適應,皮膚冇咁乾,繃緊既感覺亦都減少O左;用到第3個星期敏感有明顯改善,冇咁多粒粒亦都冇咁紅,而且佢質地非常清爽,濕熱既春夏都O岩用..

P.S. ORGANIC產品雖然係比較天然,但因為含有多種植物精華,所以第一次使用,唔好太貪心一次過轉晒,要逐樣加;搽既份量亦要由少變多,咁就用得安心又放心啦...

HARVEY NICHOLS & MIMING MART有售

2011年4月7日星期四

王苑之 X ANNIE G.呵護自己@LACTACYD

近年來女性愈來愈懂得愛鍚自己,除O左注重日常既護理之外,其實每個月既生理周期都要細心呵護照顧敏感部位;去年我亦都開始使用LACTACYD女性衛生潔膚液,發覺真係乾爽舒服得多,尤其特別日子既時候...

適逢上星期獲邀參加LACTACYD於銅鑼灣AGNES B CAFE舉行既"全新長效清爽配方發佈會"...

可以現場聽到王苑之同化妝師ANNIE G.分享下使用心得添...

現場周圍都擺滿LACTACYD長效清爽配方女性潔膚液,連擺CAKE既凍櫃都有!!!

呢枝就係新出既LACTACYD全新長效清爽配方啦,綠色為主感覺好FRESH..

黎到AGNES B. CAFE,當然唔少得食個TEA啦...

仲有自製乳酪添..

TEA SET好精緻,我最愛佢既CHEESE CAKE...

享用緊TEA SET既時間,LACTACYD既STAFF已經開始講解啦,玩小遊戲之餘,仲比我地睇下由王苑之拍既LACTACYD最近廣告(其實一早已經O係電視睇過啦,拍得好有春夏FEEL呀~~~)

當然唔少得王苑之同ANNIE G.出場啦,佢地分享O左用LACTACYD既使用心得,香港悶熱既天氣,用LACTACYD尤其新出既清爽配方,可以KEEP住全日都咁清爽O架!!!仲有講到原來LACTACYD入面既LACTIC ACID好多SKINCARE入面都有O架,可以抗菌同增加抵抗力,所以對女性既特別部位好適合...

新出清爽配方質地GEL LOTION狀,用起上黎仲方便喎,從此再冇藉口唔記得用啦..

2011年4月6日星期三

GLYCEL美白滋潤防曬一TAKE過~

每日既化妝部驟,都需要搽好多野,由防曬、BASE、粉底、遮暇、碎粉.......ETC,只係打好個底,由SKINCARE開始,差不多要用上至少十種產品,有時候真係未吸收晒,就要搽另一樣,而且朝早時間都好趕,如果可以一物多用就最好不過啦!!所以GLYCEL新出既集美白滋潤同時又有SPF30防曬LOTION就最O岩我用..

GLYCEL WHITE ICE WHITENING LOTION SPF30

亮白雪肌防曬乳SPF 30

$780/30G

以獨特海百合精華與櫻花精華組成的花蕊嫩白精華,冰封色素於肌膚底層,作重點式擊退分解,高效提升美白力量,令肌膚展現無瑕亮澤,徹底擊退暗啞...

瑞士製造,而且附有小棒子,好細心既DESIGN...

雖然係叫LOTION,不過我覺得似稀身既CREAM,質地清爽易推開,亦唔會有泛白既情況出現;滋潤有光澤,但唔會覺得LUP,亦都冇防曬既化學味道,反而有淡淡既花香味,幾討好..

每日早上既護膚STEP,搽完ESSENCE我就直接用佢,取代O左面霜同防曬,仲可以當埋BASE添,因為佢都好夠潤,而且冇色既關係,可以搽埋頸都無問題,夠晒方便!!

用上一個星期既時間,美白方面唔算好明顯,只係覺得膚色有稍為亮澤O左,不過就幫我慳O左唔少時間,因為用完佢直接上粉就可以;但要注意既係,如果用完佢之後,上粉底最好逐少印,唔好用推既方法,因為好易會有屑既情況出現O架...

GLYCEL FACEBOOK

2011年4月4日星期一

減肥大作戰PART FOUR: KILO OFF 24 (15天篇)

話咁快我既KILO OFF 24+瘦身果茶/咖啡15天療程(重溫7天篇按此)已經完結啦,服用期間我除O左定時定侯食之外,我仲有稍為改變我既飲食習慣,少零食同多菜少肉,係時候總結下今次既成績先...

KILO OFF 24(1盒) $288@

瘦身果汁(1盒)+瘦身咖啡(2盒) $88@

其實我食既野唔少,3餐一定要食足,因為咁我先會少D食零食MA,不過主要係菜多肉少囉,但返工未必可以日日自己整,當然都會食下外賣同出街食飯...

早餐前2粒KILO OFF 24,不過有時我食早餐時都會用瘦身咖啡/果汁送,OR食完時飲一杯,可以將個飽肚時間延長O架,不過就千祈唔好空腹飲,會愈黎愈餓O架!!

LUNCH我多數食飯,偶爾會食粉麵,但都少肉為主,如果有時間就自己整,食完一定飲杯瘦身咖啡,我覺得咖啡比果汁更WORK..

DINNER我有時出街食,不過都記得餐前食2粒KILO OFF 24先,如果食得太飽太FULL,我會返屋企再沖杯瘦身果汁/咖啡幫助消化(如果易失眠既就唔好飲咖啡,飲果汁啦),另外我成日都食韓國泡菜,煮湯炒飯送飯食都一流,可以少食D肉添.

最近減肥要戒零食,但有時都會口痕,所以搵O左呢個乳酪食,蘋果味係我最愛,食一杯都係百頭卡路里,而且對腸胃都好,當黎做小食O岩晒..

頭7日係減得最快同最明顯,因為呢個星期我冇咩出街食野,又多數自己整,減O左3磅,腰瘦O左吋半;第2個星期我有幾日出O左街,又有叫外賣,所以進度冇之前咁好,只係減O左1磅,腰瘦多半吋,不過總成績真係算唔錯,TOTAL減O左4磅,腰瘦O左2吋呀!!但我仍然係好肥下,我會KEEP住控制飲食,希望夏天前可以達到目標啦..

P.S. 其實減肥食品真係要小心選擇,KILO OFF全線都係不含西藥成份,比較安全所以可以安心服用,不過你要記住佢係幫助你加快減肥進度,自己都要付出D努力食得健康D,磅數先可以唔會反彈O架!!

KILO OFF FACEBOOK