日本大HIT美肌飲品--CHOCOLA BB(下)

終於飲完28日CHOCOLA BB啦,上篇分享O左飲用14日既效果(重溫上篇按此),雖然有出O左D粒粒,不過皮膚係的確滑O左,我相信應該係加速新陳代榭既效果..

CHOCOLA BB DRINK $199/1盒10枝

上次講過我飲用第一個星期,出O左粒大瘡,其實之後都開始好O架啦;不過到第三個星期M前又出O左粒(我一向M前都易出瘡O架!!)但到飲用O左28日之後就平晒,得番個印..

皮膚明顯係愈來愈SMOOTH,毛孔係收細O左,而且膚色好似比較有光澤感..

上粉都貼好多呀,化妝之後睇到係超滑,亦都冇咁易浮粉..

口服既美肌產品,對於每個人既反應同效果都唔一樣,好似我咁,初初飲用既時候,的確係出多O左粒粒,相信係排毒既現象;不過之後就開始見到成效啦,所以千祈唔好心急,飲用10日8日就算,至少要服用一個28日皮膚既更新週期,先好判斷佢有冇效呀..

CHOCOLA BB DRINK我覺得味道只係一般,不過對於收細毛孔同改善膚質既成效不俗,未嘗試過美肌飲料既朋友,的確可以入手試下,因為佢比平時飲用既美肌產品,價格係相宜得多,而且佢仲有3枝試飲裝,可以買黎試下味道先..

http://www.chocola.hk/

日本大HIT美肌飲品--CHOCOLA BB(上)

"CHOCOLA BB, B FOR BEAUTY"!!相信有睇開電視既各位都一定有聽過呢句SLOGAN,最近晚晚都賣既日本美肌飲料廣告,話有豐富既維他命B,可以促進皮膚既新陳代榭,同時燃燒脂肪,講得咁吸引,有咩辦法唔去試下先得..

CHOCOLA BB DRINK BIT $199/1盒10枝

每日1枝,都幾方便不過樽身有D重..

冇睇錯呀,佢真係零熱量既飲品,仲有好豐富既維生素B2同B6..

每枝都幾滿下,而且樽身印有BEST BEFORE日期,可以安心飲用..

鮮黃色既CHOCOLA BB,甜甜既味道,初時飲覺得有少少似藥水味(個人意見),不過飲多幾日又OK;我有時會加水溝開,覺得味道會清淡D..

飲O左2個星期既時間,其實皮膚明顯係SMOOTH O左,同埋毛孔有收細到..

不過我O係飲用第1個星期時,下巴爆O左粒大瘡,平時我都好少生D咁勁既瘡,所以我都唔肯定關唔關CHOCOLA BB事,但飲到第2個星期後,粒瘡就退番晒啦,唔知係咪排毒既現象呢???

黎緊仲有2星期先夠28日,希望我D皮膚可以愈來愈靚啦,下集再分享...

http://www.chocola.hk/