零妝感底妝術@SHU UEMURA新品

最近開始短暫既HOME OFFICE生活,因為公司舊址要逼遷,但新地方老闆又遲遲未搵到...
WEEKDAYS每日都會照平時返工時間起床,但臨時有野做先要出門..
唔想完全素顏但又要妝感輕盈,我會推介以下兩款新產品..



SHU UEMURA DUAL FIT PRESSED POWDER (LIGHT PURPLE)
絲滑保濕雙色蜜粉餅 (亮白紫色)
$240/10G (粉餅) $370/10G (連粉盒)

SHU UEMRA PORERASER UV UNDER BASE MOUSSE SPF35/PA+++ (PINK)
革新版妝前泡沫底霜 (粉紅)
$345/50G



泡沫比以前舊版更綿密挺身,用上五角海棉除O左有一定厚度易於控制及沾取合適份量..
亦方便搽到面上一些細微地方,如眼角、咀角、鼻翼等地方..
推開非常透薄,帶有少許光澤感,膚色會白淨一點..



最近手多吱損塊面留O左明顯暗瘡印,面上毛孔粗大,而且有點泛紅..
搽上泡沫底霜真係有彷如無物既輕透感.但膚質有變平滑,亦可令膚色均勻一點..
不過遮暇度不高,太深或者太紅既印需要另外使用粉底或遮暇用品..



上層係扁身掃,毛質幾軟滑,下層係紫色兩色蜜粉餅..
左面係絲滑水潤粉餅,適合面頰部位使用..
右邊係輕透抗油光粉餅,適合T字部位使用..



粉質非常幼細,就算重複掃上多層都唔會厚粉,非常貼薄..
本身膚色都幾白,所以粉紫色上面其實無咩色,但膚質係變得更細緻..

T-ZONE用既粉餅可減少油光但唔會覺得好乾,效果較啞色,遮毛孔都OK.
面頰用既粉餅就保濕一點,均勻膚色但仍然維持本身光澤感..



全程只用上底霜+蜜粉餅,除O左太深既印遮唔到之外,其實膚色同膚質已經有明顯改善..
最後我習慣用礦物粉作遮暇用,整個底妝就完成啦,真係唔使5分鐘就搞掂..

真係好有裸妝既FEEL,而且質感輕盈不會輕易溶掉..
潮濕既春天甚至悶熱既夏天都好O岩用,特別推荐比喜歡零妝感既朋友們^^


http://www.facebook.com/shuuemura.hk
http://shu-uemura.com.hk/

SHU UEMURA: 零毛孔美肌~~

日本美容品牌SHU UEMURA植村秀既MOUSSE底霜係佢多年黎既皇牌,去年睇過日本女星山田優既廣告令我印象好深刻..

打造零毛孔美肌???我好需要呀.........!!!!枝BASE一到手當然要即刻試啦...

SHU UEMURA UV UNDER BASE MOUSSE SPF30 PA+++

 

妝前泡沫底霜 SPF 30 PA+++

 

$320/65G

 

SHU UEMURA FUNDAMENTALS 五角海棉

 

一包4個

 

引進日本嶄新的Aquatoril及兩種保濕因子,透明質酸及甜菜鹼,加上植村秀獨特成分海洋深層水TM,令全新妝前泡沫底霜SPF30PA+++更覺水盈潤澤,舒適貼服.

底霜專用五角海棉好厚身,但同時亦好O岩手形,角位可以輕易搽到鼻側,咀邊既位置,而且質感柔軟,用黎上粉底都OK...

佢有兩隻唔同顏色,01 BEIGE同02 PINK, BA為我揀選既係01 BEIGE,因為佢話我再用PINK會太白啦,但想追求白淨膚質既SIS不妨買PINK用...

用之前要上下搖勻,之後吱出大約一個乒乓波咁大既份量,不過最好輕力按先,因為一不小心好易按多O左,之後再用海棉沾取泡沫底霜上面..

妝前要做好保濕滋潤既打底工序,之後再將泡沫均勻搽上面,毛孔較大既位置可以重複塗抹,因為佢推開會變水狀,所以唔怕搽多1-2層會有一撻撻既情況出現,搽完好貼薄自然,膚色會均勻一D..

遮暇方面我覺得遮毛孔效果一流,用完真係平滑得多,淡淡既紅印都冇問題,不過對於暗瘡印同斑就只係一般,最好都係用番CONCEALER...

如果WEEKEND OR放假有時唔想化全妝,搽咁多野的話,其實用佢真係好方便,有SPF30 PA+++已經可以省卻再搽防晒,之後再加碎粉,就可以造出一個無妝感既底妝,同時膚色又均勻細緻O左,當然你亦都可以搽上薄薄一層既粉底啦..

http://www.shu-uemura.com.hk/

http://www.facebook.com/pages/shu-uemura-Hong-Kong/20933701118