我的箍牙妹日記(十一): REFINEMENT 進行篇 (第十至第十四個牙套)

 

上星期到診所覆診,順便進行了半年一次的洗牙..

因為貼了 BUTTON,就算常常清潔牙齒,都很容易有牙漬問題.

所以固定時間洗牙是必需的...

 

 

現在正在戴第十四個牙套,如無意外再戴多六套就完成了..

可以趕在6月底旅行前完成,YEAH!!

 

 

話說同朋友講開洗牙,大家都覺得我診所洗牙比市面貴..

但我正在進行隱適美有8折,都不算貴很多...

 

而且是有專門洗牙的牙醫負責,完成後加有 FLUORIDE GEL..

可防止蛀牙,絕對是物有所值的..

 

另外,牙醫仲推薦了這枝 FLUORIDE 含量特別高的潄口水..

一星期只需用一次,很方便呀!!!

 

 

 

 

我的箍牙妹日記(十): REFINEMENT 進行篇 (第二至第九個牙套)

 

很久沒有 UPDATE 我的箍牙妹日記了..

每10天換一個牙套,不經不覺已經正在戴第九個..

今個星期尾也要到診所檢查及覆診..

 

 

原來我是有7粒 BUTTONS,而其中2粒是金屬的..

不過因為我偶爾會進行醫美療程如有微電流的就不能做..

所以拜托醫生幫我轉為膠粒...

 

 

而7粒 BUTTONS 用上4條橡根,其中1粒要扣2條常常會甩..

所以拆走了1粒變為6粒,每次用3條橡根就可以了..

 

 

現在更換牙套完全沒有緊的感覺,可以說是戴得幾舒服添

而橡根我是晚上才用,因為日間用有點不方便,一般是戴8-12小時不等..

 

完成了29套後,本來門牙中間線仍未完全對齊..

現在進行 REFINEMENT 大約是3個月時間,已經見到中間線接近了..

總共是20套,應該今年年中就可以完成^^

 

 

 

我的箍牙妹日記(九): REFINEMENT 進行篇 (第一個牙套。加 BUTTON)

 

牙科診所收到了美國寄來新的 隠適美透明牙箍..

所以約了上星期五覆診,當日會進行 POLISHING、加 BUTTON等等..

正式展開了我的 REFINEMENT 生涯了..

 

 

之前都冇介紹過診所,襯醫生未入房偷拍一張先..

房間非常大,而且工具好整齊..

 

 

這次主要是想將牙齒中位線對正..

所以單用牙套是不夠,需要利用橡筋加強拉力..

 

 

總共加了7粒 BUTTON,而每日需要用4條橡筋..

是每天更換的..

 

 

之前加 ATTACHEMENT,因為牙套會包著粒粒,所以是很舒適的..

現在換了 BUTTON,牙套是不會包著,所以初初進食時,很容易會刮到牙肉..

 

如圖中見我的橡筋是打斜拉的,日常出街好難使用..

一來外觀上問題,二來中間這條橫誇太長了,我連想伸脷都唔得呀.

 

所以我日頭只戴牙套,晚上才加橡筋..

雖然進度可能會比較慢,但這樣會比較不影響日常生活..

 

 

P.S. 有關 INVISALIGN 問題,歡迎大家 EMAIL我討論^^

 

 

我的箍牙妹日記(八): REFINEMENT 準備篇

為期共二十九套的 INVISALIGN 隱適美矯齒療程已經完結了..

上回分享過在牙科診所檢查時,與醫生商量過後,覺得牙齒已經整齊好多..

但仍有少許地方可以作出修正,所以SEND了3D圖片到美國..

圖左是一年前未開始INVISALIGN 的牙齒,我沒有特別稍牙..

不過牙齒之間很疏,而且有些牙是生得有點歪了..

圖右是現在的牙齒,真的整齊了很多,特別是解決了牙疏問題..

但門牙的中線仍然是未完全對齊,所以醫生建議我再做REFINEMENT..

動畫是這樣的,大約是需要再配帶新訂造的牙套約半年時間..

不用加ATTACHEMENT,但要加BUTTON同使用橡根..

因為要令中位線更快可以對齊...

大約12月初就開始了,加橡根我有少許擔心不便,但到時先再算..

無理由浪費之前一年時間箍牙,當然想結果去到最好啦..

P.S. 牙模醫生比番我留為紀念,好搞笑^^

我的箍牙妹日記(七): 進行篇(第二十七至二十九個牙套)

 

我的整個隱適美療程原訂是二十九個牙套的,上次姑娘話有可能提早完成..

所以這回覆診進行了洗牙,也一併將 ATTACHEMENT 拆走了..

陪伴了我一整年時間,突然沒有了有點不習慣添 :P

 

 

醫生問我仲有冇地方想改善,我覺得上排牙齒有些地方可以再好點..

醫生就將情況 SEND去美國,再造過一部份新的牙套..

 

 

現時我就唯有繼續用第二十七至二十九個牙套先..

但時間只要戴約20小時都可以了,因為沒有了 ATTACHEMENT..

 

有些位初換新套時沒有以往咁貼,但這只是暫時性的..

過多幾日就會再覆診拎新套了,唔知我要幾時先可以完成呢??!!

 

 

我的箍牙妹日記(七): 進行篇(第十五至二十六個牙套)

 

自上年10月底開始我既 INVISALIGN 箍牙生涯,不經不覺己過了9個多月..

由第一個到第十七個牙套,我都係維持著每兩星期更換..

不過上次7月頭覆診時起,就正式改為10天了..

 

 

醫生說我既進展良好,所以後面可稍為加快進度..

直至8月頭再次覆診,更加一次過將餘下牙套一併給我添..

 

 

最初評估是二十九套,以兩星期更換計應該是出年年初完成..

但因為第十八套起改為10天,完成日期就提早O左..

 

下次覆診是第二十六套牙箍,姑娘話如醫生檢查過無問題..

有可能最後三套都不用長時間戴,只作維持之用^^

 

 

 

 

 

我的箍牙妹日記(六): 進行篇(第六至十四個牙套)

進行隱適美隱形牙套矯齒療程已經踏入了第6個月..

由每個月見一次牙醫領取兩個牙套,到現時已經變成每2個月一次了..

由第二個牙套開始磨牙及加了ATTACHMENT後..

上星期換上第十四個牙套時,終於再次進行第二次磨牙..

期間我同醫生講,ATTACHMENT附近很容易有積,所以亦順道做了少許POLISHING..

其實我唔係嚴重不齊及有哨牙,老實講自己日日睇真係唔覺有太大改變..

不過相片就最誠實,只要做個對比圖就會一清二楚..

6個月時間,牙齒感覺整齊O左,最明顯係牙隙比之前變得更少了..

仲有15個牙套(總共29個),如無意外出年過年前應該完成..

P.S. 大家知唔知道,用過既牙套最好要保存,最少要KEEP到最近5個..

我之前真係每換一次就掉,但原來有時進度唔理想,有可能要用番之前O個D..

所以唔好貪方便掉晒,雖然用過既係黃少少,呢個係無辦法^^

我的箍牙妹日記(五): 進行篇(第二至五個牙套)

不知不覺已經進行了兩個月多既隱適美隱形牙套矯齒療程...

由最初有點緊張、到現時已經習慣了戴著進食..

整個過程都好舒適...

由第二個牙套開始,牙醫便為我進行了磨牙及加了ATTACHMENT..

加了粒粒再戴牙套,初時係會有點緊,但又不至於是痛..

每兩星期更換時,頭1-2天都會緊一點,但之後就會OK..

不過磨了牙及加了ATTACHMENT,食菜既很容易會攝入牙隙或掛在粒粒上..

清潔時要更小心,又或者戴上牙套進食會比較方便...

明天就是睇牙醫及換上第六套牙箍..

牙齒雖然沒有很大變化,但我感覺到是整齊了一點..

磨牙後既空隙都變窄,朋友說我下巴比以前尖了,很開心^^

我的箍牙妹日記(四): 進行篇(第一個牙套)

上星期終於到診所拎我既第一個牙套啦...

心情其實有少少緊張,因為知道一旦開始,就要大約一年時間進行下去..

每日需要戴上至少22小時...

上下牙套各一個,第一次會先拎一套返去適應..

之後就可能會拎兩套、四套不等,不用覆診得太密..

牙套上有編號及L(LOWER)、U(UPPER)分別上下牙套..

不過你只要睇前面幾隻牙就會知道,因為上排牙齒門牙係大隻好多..

先套上前排牙齒,再套左右兩邊就OK..

而除下就要先除左右,再除中間,很容易..

戴O左已經有一星期時間,基本上我唔話比人知,都無人留意到..

有兩個專用盒,一個係家居用,另一個係隨身使用..

進餐前或清潔口腔牙醫時放置牙套..

姑娘話外出一定要放盒,因為有部份客人隨意用TISSUE包住..

結果忘記了或當垃圾掉了...

每換上一個新牙套,都要用這個咬合海棉令牙套位置更貼..

頭三天每天用上半小時,咬合不同位置..

下次應該要進行第一次磨牙以及好似會加粒粒(聽唔清楚)...

我估唔會好似而家咁舒服都唔定,但為O左靚都要繼續..

P.S. 因為我都唔係太習慣除箍食野,所以現時3餐要2小時內完成..

真係一除就放監咁勁食,HAHAH....

我的箍牙妹日記(三): 準備篇(3D X-RAY、牙模及報告)

決定了箍INVISALIGN後,就預約時間到診所進行詳細既3D X-RAY及牙模...

到達後,在房間內需要影下正面及兩邊側面照片..

亦要穿上一件有點重量既背心...

進行3D全面既X-RAY...

其實我不太知道兩部儀器有什麼分別,但都需要開眼及合眼各360度SCAN一次..

完成後就要乖乖放低$6,000,約三星期後收取美國既報告及分析..

上星期終於等到收報告既時間啦...

經過分析我係無需要剝牙,但就要磨少少牙,主要係小臼齒既地方..

不是一次過磨,而係分階段進行..

而箍既時間就由9個月延長到一年..

大約10月底就可以拎到我既第一個牙套,好期待呀^^

我的箍牙妹日記(二): 準備篇(補牙及決定箍牙)

上次到牙科診所照了X-RAY後,發覺原來我都有唔少蛀牙..

醫生叫我一定要用牙線,如果可以的話最好用埋漱口水,我都有乖乖照做..

不過其中有兩隻雖然未到痛,但已經蛀得頗深,所以要盡快進行修補..

醫生有問我要唔要打麻醉藥,因為我怕打完個口幾個鐘都冇晒知覺..

加上之後有野做,所以好勇咁唔打就開始..

見到我隻大牙批O左所有蛀O左既部份幾大個洞嗎???

雖然未蛀到入神經,但已經蛀入琺瑯質,老實說過程有點酸痛,但還可以忍受..

之後再照X-RAY及3D,將圖片及資料入電腦作分析..

用陶瓷用儀器就可打磨上完全吻合既填充物,真係好先進呀!!!

填入後真係完全睇唔出任何痕跡,用牙線亦唔會覺得剔住,VERY GOOD!!!

完成修補,醫生又再同我傾下箍牙事宜,因為我只係有D唔整齊同門牙既牙隙問題..

用隱適美初步估計需要約9個月時間,價錢約三萬多,聽到O個刻覺得都幾貴..

不過以中環診所來說,醫生手勢又幾好,朋友話已經比一般便宜了..

除O左第一次要比$6000照3D X-RAY,打牙模及報告費用..

其餘尾數可以用信同咭最多分24期,我覺得都OK喎...

所以最後都決定箍牙!!!

我的箍牙妹日記(一): 準備篇(牙齒檢查及洗牙)

很多人怕睇醫生,但更怕睇牙醫...

一入到房聽到工具開啟既聲音,心跳就不自覺會愈來愈快..

原來數數手指,我都已經好幾年無睇LU..

不過牙石、牙漬問題始終都要解決..

所以早前終於的起心肝去朋友介紹既牙科診所...

位於中環夠方便,離家車程只要10分鐘咋..

洗牙師話我太耐冇洗過牙,問題都幾多..

整個過程唔算痛,但有D地方感覺比較大,亦有點酸軟..

最後搽上一層保護膜吹乾就OK啦...

牙漬、牙石洗得乾乾淨淨...

不過就見到整副牙齒唔太整齊同牙縫更明顯..

牙醫叫我考慮下箍牙,話而家有隻透明可除既INVISALIGN..

拎O左CATALOG返屋企睇睇再考慮...

P.S. 照完X-RAY原來我有兩隻蛀牙,下次要去補埋先