我的箍牙妹日記(二): 準備篇(補牙及決定箍牙)

上次到牙科診所照了X-RAY後,發覺原來我都有唔少蛀牙..

醫生叫我一定要用牙線,如果可以的話最好用埋漱口水,我都有乖乖照做..

不過其中有兩隻雖然未到痛,但已經蛀得頗深,所以要盡快進行修補..

醫生有問我要唔要打麻醉藥,因為我怕打完個口幾個鐘都冇晒知覺..

加上之後有野做,所以好勇咁唔打就開始..

見到我隻大牙批O左所有蛀O左既部份幾大個洞嗎???

雖然未蛀到入神經,但已經蛀入琺瑯質,老實說過程有點酸痛,但還可以忍受..

之後再照X-RAY及3D,將圖片及資料入電腦作分析..

用陶瓷用儀器就可打磨上完全吻合既填充物,真係好先進呀!!!

填入後真係完全睇唔出任何痕跡,用牙線亦唔會覺得剔住,VERY GOOD!!!

完成修補,醫生又再同我傾下箍牙事宜,因為我只係有D唔整齊同門牙既牙隙問題..

用隱適美初步估計需要約9個月時間,價錢約三萬多,聽到O個刻覺得都幾貴..

不過以中環診所來說,醫生手勢又幾好,朋友話已經比一般便宜了..

除O左第一次要比$6000照3D X-RAY,打牙模及報告費用..

其餘尾數可以用信同咭最多分24期,我覺得都OK喎...

所以最後都決定箍牙!!!