Pinksheeb Is Sandra: DIY可愛鹿車曲奇。唧花忌廉蛋糕@無印良品聖誕造型糕點班

2013年12月12日星期四

一般既家庭小菜我是絕對有把握的,但西式點心糕餅就真係要由零開始..

除了偶爾出席過幾次整餅活動外,完全沒有自己動手整過既經驗..

今次仲要向高難度挑戰 (我覺得),成不成功仍是未知之數,哈..

每年聖誕,無印良品都會推出一些可DIY既聖誕糕點..

盒內有齊基本所需用料,只要跟足指示就能完成..

是日要完成兩項任務:

自製聖誕鹿車曲奇 $65

唧花忌廉蛋糕

場地為I COOK COOKING STUDIO

人數不多既小班活動,大家可以更快上手...

穿上圍裙後就正式開始啦...

師傅一早已經為我地準備好材料及份量..

打開包裝盒,會有麵粉、裝飾用醬料、圖樣等等...

第一樣要做既就係整曲奇餅底,所以溝好材料後就要搓麵團..

呢個步驟真係出盡晒我既氣力,最後仲要落手攪先得..

搓好就要用木棒壓平,不能太厚身..

另一塊曲奇底就加朱古力粉,要搓至顏色均勻幾辛苦O架!!

再放入雪櫃一陣就OK啦...

雪至有點硬身,就可以將圖樣貼去,再用刀小心CUT..

因為一旦斷開了,就有可能要重做,唔係焗完出黎都會,就整唔成架鹿車..

襯曲奇正在烘焗之際,師傅就再教我地用忌廉唧花...

我被分配既係超細花頭,所以要密密唧先得,好在都唔係太樣衰...

曲奇烘好,就一為為車上禮物畫上裝飾..

千辛萬苦,我架聖誕鹿車曲奇終於完成啦!!!!

好開心同時又好有滿足感,如果家中有焗爐都好想再自已試下...

當日全場大部份都是專寫飲食既博客,只有我一個是寫美容的...

感覺新鮮又很特別,認識下新朋友也不錯呀!!!

P.S. 無印良品既PR很NICE又細心,常常鼓勵我這個完成生手既西點新人..

希望下次再有機會參加^^

2013年12月12日星期四