開心DISNEYLAND一日遊。試玩新開迷離莊園。濕身睇米奇水花巡遊

香港迪士尼樂園每有新遊戲開幕,我都會第一時間入園試玩一下..
期待已久既迷離莊園今年終於落成,早前襯著打風前好天氣即刻同家人去一日遊..
因為假日既關係,早上10時多已經人頭湧湧...



望著藍天白雲,心情都好起來..
因為同行既媽咪腰骨不太好,所以入園後租借了輪椅..



之後當然要即刻到新開既迷離莊園啦..



排隊進入迷離大宅..



由探險家亨利爵士既猴子助手阿拔作簡介..



坐上迷離莊園電磁廂車就開始參觀從世界各地收藏既珍品...
無路軌既廂車可以360度旋轉,夠晒刺激..



而且有3D甚至4D影像,配合聲效都幾迫真..
年紀太細既小朋友有可能會覺得有點怕,但大人參觀就覺得幾有趣...



建議最好坐第一及最尾廂車,效果特別好O架!!!



奇幻庭園及迷離莊園車站都係拍照留念既好地方..



再到灰熊山谷及玩斗奇兵大本營後,係時間去醫肚..
今次到美國小鎮大街餐廳,食物水準不錯,份量亦足夠...



由6月31日至9月1日,怪獸大學正式招生..
有興趣可到怪獸大學行政大樓報名..



毛毛及大眼仔..



下午4點係米奇水花巡遊時間..
花車有好多灑水器,演員手上都有水槍O架,所以要小心..



雖然我已經開O左遮,但都整濕O左件衫..
不過天氣咁熱,淋水可以降下溫消暑..

玩O左8個鐘,大家都已經攰到成身散晒..
所以無等睇煙花就返屋企休息啦,今次媽咪都玩得好開心..
有輪椅租借真係好方便,老人家都可以入園暢玩一番^^

http://www.facebook.com/disneyland.hk
http://park.hongkongdisneyland.com/hkdl/zh_HK/home/home?name=HomePage