韓國首爾。購物勁食團(下)

續上篇...

第三日到弘大,因為要幫朋友買3CE產品..
預先D/L地圖點去,雖然出O左地鐵要行一段路,但主要行直路所以唔難搵..



三層有衫有飾物,但我只買化妝品所以只到地下一層..
自助形式購買,想要咩產品色號,就要拎件SAMPLE到櫃台,佢就會幫你執好..
當日係閒日好在唔多人,所以好快就買完啦...



購物完已經2點幾,行經擒晚去過既胖胖烤肉又入去食過...
烤肉做LUNCH都幾HEAVY,但去旅行就無所謂啦..

3CE我自己只買O左4件產品其他都係幫朋友買既..
弘大係大學區,都幾多特色小店SHOPPING..

我亦都買O左對鞋同袋..
而下面2對鞋就O係梨大買既..



夜晚去O左梨大,O個度有好多又平又款靚既服飾店..
部份更加5000WON有交易,襪都只係1000WON咋,可惜我地唔夠時間行,唔係買得仲多..

帽係第4晚到新村現代百貨HAT'S ON買既..
店內有好多得意既帽,見唔算貴又幾鐘意就買,之後先知O係韓國好多明星都有戴..



行完梨大原本想去新村食辣雞,但當時已經成十點幾又搵唔到..
所以返酒店附近食部隊鍋就算...



老實講,O係韓國事但搵一間韓食店都唔會難食..
呢間野雖然O係東大門但裝修有點舊,應該都係做本地人生意..
13000WON一鍋三個人食飽到嘔,甜甜辣辣好好味...



第四日係我地最後衝刺日,因為要O係5點前買晒所有野趕去郵局寄箱..
所以O係酒店食少少野就出發啦,首先去明洞樂天免稅店,再到首爾店樂天超市..

逛超市真係可以行半日,因為又大又多野試食試飲..
但我地之前買野遲O左,所以只有2小時SHOPPING,但我都買O左成十幾萬WON,HAHA..
返酒店拎埋D MASK,膠樽重既護膚品,即刻奔走到郵局,PACK埋野搞完人地已經落閘..



搞掂晒就再到前一晚搵唔到既新村食春川炒辣雞..



戴上小圍巾等食..



因為大家都好肚餓,所以點O左套餐..
有雞、雜菜、菇、麵等等..



叫O左芝士口味..
用鐵碗飲馬格利酒好有風味..



個辣雞加芝士真係好食到冇朋友...
最後食剩少少就可以點白飯,佢會將剩餘材料剪碎,加白飯、辣醬、紫菜炒...
超級好味,其實當時已經好飽,但太好味都忍唔住係咁食....

之後去O左附近現代百貨行O左陣,就返酒店執行李..



第5日係回程既日子,雖然坐7:45機,但因為要搞退稅,又怕塞車(星期5),所以都早起身..
11點幾就到附近既LOTTE FITIN醫肚兼行下..

FOOT COURT好大又乾淨,可能新起無耐啦..
點O左個炒肉+冷麵,韓國既水冷麵真係好好食,又夠冰凍...
同埋佢地用震機通知拎野真係夠方便,食肆、COFFEE SHOP都有..

P.S. 上機前買O左杯SMOOTHIE KING飲,勁好味呀!!!!


話咁快5日HEA自由行就完啦,我買O左好多產品返黎..
有時間會出文分享下^^