晚間皮膚補給品@ULTIMA II 極致純膠原蛋白水分修護面膜

今年氣溫好似特別凍,5月天都仲係乍暖還寒既日子,早幾日落雨我仲要加毛氈瞓添...
肌膚亦因為時常變化既溫差而缺水乾燥,感覺敷極保濕面膜都仲係有點繃緊..
即刻拎番早前收到既ULTIMA II 極致純膠原蛋白系列新品用先..



ULTIMA II EXTRAORDINAIRE SUPERME PURE COLLAGEN & HYDRATING TREATMENT SET
極致純膠原蛋白水分修護療程
$2,300 (修護昇華 5ML X 4枝 + 修護面膜 30ML X 1枝)



ULTIMA II EXTRAORDINAIRE SUPREME 極致純膠原蛋白水分修護面膜
$880/30ML

乳霜狀睡眠面膜使昇成分能加倍有效地導入肌膚底層,提升吸收能力..
將膠原再生力量瞬間滲透至肌膚底層,長效保持肌膚水嫩柔軟..


真空泵裝設計方便衛生,亦易於控制份量..
GEL CREAM狀質地有淡淡香味..



修護面膜可以單用,但想效果更好,可配合修護昇華使用..
潔面及爽膚後,先塗上極致純膠原蛋白水分修護昇華,質地偏水,非常易吸收..



再塗上約6泵份量既極致純膠原蛋白水分修護面膜,大約係面用4泵,頸用2泵..
唔需特別按摩,薄薄一層就OK,搽完就可以去瞓O架啦,夠晒方便..



搽完初時會覺得有少少黏既感覺,但瞓醒後會被皮膚吸收晒..
乾燥繃緊既肌膚,用後第二朝變得好有光澤感,而且充滿彈性同水份...

作為急救療程可以每晚使用,但而家冇冬天咁乾,又未開冷氣,我覺得隔2-3日用一次已經足夠...
最鐘意佢搽完就瞓得,O岩晒懶人用,唔怕再有藉口話麻煩啦^^


http://www.facebook.com/ultimaii.hongkong