SOTHYS全港首間一站式購物。美容療程概念店開幕

SOTHYS於美容界擁有殿堂級既地位,其美容產品及療程一直都受很多粉絲喜愛..
不過O係香港想買SOTHYS產品,就只有到指定美容院才有出售,而且貨品亦不太齊全..
有見及此,品牌上月於銅鑼灣便開設了全港首間概念店..



地點位於鬧市中心,港鐵站E出口對面,非常方便..



樓高兩層,地下係售賣SOTHYS各系列產品..



二樓設有療程服務(但仍在裝修中,現時可到旗下尖沙咀店內進行)



店內設有皮膚分析服務,方便根據不同肌膚選取三步曲清潔產品..
以及了解需要改善既地方..



產品非常齊全,由面部肌膚、身體護理、彩妝品都有供應..



特別護理既敏感肌、暗瘡肌及微絲血管脆弱肌膚..
都可輕易找到合適既產品..



夏日最需要既瘦身纖體、防曬用品及男士系列..



店內亦不時有優惠套裝出售,仲有VIP及會員制儲分服務:

VIP: 一次過買滿$3,500或一年內買滿$8,800,未來一年購物可有9折及免費FACIAL一次..
普通會員: 買任何一件產品即可入會,有半價FACIAL一次..
(詳情可向店員查詢)


敏感肌既我今次就帶走COMFORT CLEANSING MILK及COMFORT LOTION回家試試..
仲有2枝皇牌PEELING及深層清潔產品,有時間下回再分享^^


SOTHYS概念店:
銅鑼灣怡和街1號香港大廈A1地鋪http://www.facebook.com/pages/SOTHYS-Hong-Kong/118560788161603
http://www.facebook.com/pages/Sothys-Experience-by-Inquilife/118943578157485

SOTHYS春夏限定推介: 香橙西柚亮透白療程

 

SOTHYS每年春夏都會推出生果限定FACIAL,為炎炎夏日增添一點活力元素..
上年試過菠蘿芒果,今年就係香橙西柚,感覺更加REFRESHING!!!



香橙西柚亮透白療程
ORANGE AND GRAPEFRUIT SEASONAL CARE

以香橙及西柚為主要成份,具淨白亮肌功效,實現白晢瑩亮膚色效果..


房間有點細,不過環境都唔錯,乾淨衛生..



用上SOTHYS皇牌基本護理系列..
除O左FACIAL會用,鐘意既亦都可以買回家使用..



只限今次療程同美容院先有既香橙西柚產品..
分別為粉紅西柚軟膜、香橙按摩膏、西柚光煥精華..



療程步驟(60分鐘):

1. 卸妝、潔面、爽膚美容師會根據皮膚唔同而選用合適類型產品使用..
因為我有D敏感,所以用上中性潔面奶同有金縷梅成份爽膚水..

2. 去死皮、深層清潔用上我最喜歡既SOTHYS產品,其PEELING同DEEP CLEAN真係好正!!
皮膚即時乾淨好多,暗粒都會少D O架..



3. 深層修護搽上西柚光煥精華,即時FEEL到好香甜既橘子類味道..

4. 按摩混合埋香橙按摩膏,同時按摩肩頭及面部..
不過因為我皮膚處於敏感狀態,美容師話唔適宜按太耐,不過已經覺得好RELAX..



5. 打底、面膜按摩完再搽多層混合西柚光煥精華及香橙按摩膏..
就可以敷上粉紅西柚軟膜..

6. 眼霜、面霜起膜清潔乾淨後,搽上剩下既西柚光煥精華、眼霜及防曬就完成啦..
整個療程都用足料,精華更加係成枝用完...

做完整個FACIAL後,皮膚即時感覺好柔軟有光澤..
原有既暗粒亦都明顯少O左,變得平滑一點..
只係印同斑都係差唔多,不過相信要KEEP住做先會有改善..


SOTHYS HOTLINE: 2577-0881http://www.facebook.com/pages/SOTHYS-Hong-Kong/118560788161603

SOTHYS全新SLIMMING AND FIRMING PROGRAMME塑形纖體系列

 

身邊好多朋友都奇怪,點解我有機會試咁多減肥產品/療程,身形都仲係咁圓碌碌既???
答案好簡單,就係因為我暴飲暴食,自我控制意識太低,產品幾有用都係假啦..
最近都算係的起心肝改善飲食習慣O左兩個星期,成效雖然係慢,不過腸胃同皮膚都轉好O左..
想事半功倍亦有開始有用瘦身產品搽下,等皮膚可以FIRM番D..



SOTHYS SLIMMING AND FIRMING PROGRAMME
塑形纖體系列


SOTHYS SLIMMING ACTIVATOR
粄脂激活精華
$990/一盒14枝

突破以天然植物成份,媲美超聲波技術打散及消滅頑脂,再排走毒素..


水狀精華,易推開及速度吸收..
作打底使用,塗上後按摩數分鐘,再搽其他纖體產品..
如果全身使用,1枝可以用2-3次,可能使用時間太短,暫時唔覺有咩效..



SOTHYS ESSENTIAL SLIMMING CARE 24
瘦身教練24
$780/200ML

革命性把微導體技術引入纖體產品內,讓咖啡因燒脂成份滲透至脂肪層及脂肪細胞..
植物多酚扮演24小時貼身纖體教練,瘦身及去水腫日夜無間同步進行..


淡黃色GEL LOTION狀,精華同佢早晚使用都OK,夏天用都唔會LUP..
4枝產品之中我最鐘意佢,全身都用得而且好清爽又涼浸浸,去水腫仲唔錯...



SOTHYS RESHAPING CREAM
定點塑型膏
$630/200ML

解決局部脂肪積聚,有效塑造手臂、臀部、腰位及大腿之曲線.
特別適合纖體期間及懷孕後使用..


LIGHT CREAM狀質地,我比較鐘意晚上使用..
集中搽肚腩,大腿同手臂位,我覺得對塑型真係有D效用,感覺緊實O左..



SOTHYS TONING CREAM, FIRMING, STRETCH MARKS
抗紋緊膚膏
$690/200ML

破天荒從纖維母細胞層面舒緩緊繃張力,改善妊娠紋..
修護真皮層、促進膠原蛋白及彈性纖維更生..

白色CREAM狀,推開略為滋潤..
產品可以全身連胸部都搽得,緊膚去紋,提升胸部..
我主要搽胸位同橙皮紋,覺得皮膚平滑O左D..

因為我收到係一SET TRAVEL SIZE,大約用到7-10日而已.所以效果唔算好明顯..
不過去水腫係見到有改善,而局部位置亦有少許收緊..
我都好有興趣想敗枝SLIMMING CARE24用呀!!


SOTHYS HOTLINE: 2577-0881

補水鎖水孖寶@SOTHYS

早O係月初時,因為皮膚變乾但又唔想開太多產品用(屋企開O左既SKINCARE好多呀>_<),所以搵番之前做完FACIAL送既一SET SOTHYS TRAVEL SET出黎,諗住細細枝如果唔得就由佢嘛!!不過唔用由自可,一用愛上O左...HAHAHA..

SOTHYS 智能(活鈣)水份系列

LIGHT HYDRATING CREAM ($580/50ML)

& HYDRATING MASK ($420/50ML)

各15ML

特別加入粉團扇藻(PADINA PAVONICA EXTRACT),能活化皮膚內鈣質之生理應用,讓鈣質能被細胞徹底運用,使肌膚變得強而有力,並同時將智能水分技術發揮得淋漓盡致,令肌膚更能自動調節水分,增大底層儲水庫,讓肌膚的水分穏確鎖緊...

略為CREAM狀質地,帶有淡淡香味,輕按幾下,已經被皮膚吸收,保濕同時滋潤..

正值轉季時間,但仍然要開冷氣瞓,皮膚變得好缺水,面頰位置更加開始甩皮..

早晚搽完精華後塗上一粒櫻桃大小,即時感覺水潤有光澤,唔會再繃緊,而且輕微敏感期間,都仍然可以使用,頗溫和...

質地比CREAM水潤一D,推開會變半透明狀,因為我比較乾,所以塗抹既份量有一定厚度,但只要5-8分鐘後,就會完全透明,被皮膚吸收晒...

呢個MASK我已經唔係第一次用,當時唔太乾就覺得佢一般;不過最近天氣一轉,我皮膚極乾之下,厚敷一層係完全吸收晒,用完皮膚即時變番SOFT,甩皮乾紋都少O左,掂呀!!!夏天可能集中補水,但而家開始要補少少油先得,唔係水份好易流失,隔2-3日用一次,皮膚感覺冇咁乾...^^

SOTHYS HOTLINE : 2577-0881

銷售點:

MOON BEAUTY (2882-8176)

INQUILIFE HEALTH & BEAUTY (2368-0998)

ALCHEMY BEAUTY (2302-0002)

SOTHYS夏日菠蘿芒果FACIAL~~

夏日炎炎,係時候要搵D野REFRESH下,最近SOTHYS推出一個O岩晒夏天做既【菠蘿芒果】瑩亮清新面部療程,用上新鮮既菠蘿同芒果精華,為皮膚帶黎美白保濕效果,進行時仲聞到陣陣既生果香甜味,簡直係雙重享受!!咁吸引,當然要即刻去試試...

試做既地方環境雖然唔算大,不過裝修幾靚幾有情調...

間房係咪好有FEEL呢??藍色配上柔和既燈光,真係好RELAX~~

今次FACIAL用既產品....

ZOOM近D睇真,全部都加上菠蘿同芒果精華O架...

療程步驟:

1. 卸妝、頭部按摩

--因為我去之前有EVENT,所以我晒化妝全妝,不過美容師都好細心慢慢同我卸眼妝,儘管有少少MASCARA未甩晒,但我覺得都已經比滿分佢,因為完全合埋眼係好難卸乾淨,呢個我係明白既..

2. 潔面、爽膚

3. 去死皮、爽膚

4. 深層清潔、爽膚

--未試過SOTHYS FACIAL或者產品既SIS,可能會覺得奇怪,點解敷完再按要重覆3次,其實呢個係佢DEEP CLEAN既特別之處,溫和潔淨而逐次按摩,令所有污垢都洗得一乾二淨..

5. 深層修護 (菠蘿精華)

--每次FACIAL都會用上一枝15ML既精華,美容師一開我已經聞到非常香既菠蘿味,GEL狀好易吸收,加上按摩為皮膚打好個底先..

6. 按摩 (芒果柔軟按摩霜+菠蘿精華)

--芒果按摩霜好CREAMY而且滋潤,不過加上菠蘿精華既關係,我只係聞到陣陣既菠蘿味咋,AHHAH...每次FACIAL我最鐘意就係按摩呢PART,美容師手勢唔錯,真係好舒服,而且按既過程都幾耐,令皮膚真正吸收晒所有養份...

7. 打底、面膜 (芒果柔軟面膜)

--最後就係倒膜啦,平時出去做FACIAL,呢個STEPS通常都係自己一個O係房冇人理,不過SOTHYS就唔係,會O係呢個時間同你按摩埋肩頸,正!!!!

8. 眼、面霜

--完成晒FACIAL,美容師就會因應你既需要搽上合適既SKINCARE...

做完就係咁啦(請忽視我對紅紅既眼同眼圈,因為好眼瞓,HHAHA...)..

皮膚係白淨好多,下巴既印都淡O左唔少,仲充滿水份同彈性添!!當日我做完就咁素顏就返O左屋企啦,回想下我應該自大學之後都冇試過完全咩都唔搽就去街,希望冇嚇親人啦..

如果有興趣既SIS就要快手去試啦,因為呢個係SEASONAL FACIAL TREATMENT,只會做一段時間咋,而且入面用既產品係FOR SALON ONLY,即係冇得買番屋企自己整,睇下邊間SALON就近去試下啦..

首次試做價$348

九龍灣淘大商場第一期1樓F115室 (T: 2751-7852)

尖沙咀金馬倫道12號恆信商業大廈10樓 (T: 2368-0998)

尖沙咀廣東道58號帝國大廈2樓 (T: 2302-0002)

尖沙咀漢口道39-41號怡達中心1樓 (T: 3622-2783)

家中嘆個SALON級美白系列~~

香港人生活忙碌,雖知道去美容院做個TREATMENT可以令皮膚KEEP得更好,不過都必個個星期有時間,咁點好呢???又想靚又唔得閑>_<!!O係呢個時候就要出動SALON級既美白產品啦...

SOTHY [W.]™+全新亮肌系列

SOTHYS [W.]™+ PREPARATION LOTION $398/200ML

非一般爽膚水、具備美白與補濕功效、同時其絕佳滲透功能,可充當『導引』如領航員,把接著使用護膚品中的各成分引領至細胞層,提升吸收力...

白色半透明LOTION狀,質感比平時用既TONER滋潤杰身一D,用COTTON PAD抹勻全面,可以加強保濕,同時令之後搽既SKINCARE更吸收...

SOTHYS [W.]™+ BRIGHTENING FLUID 亮肌光澤乳液 $580/50ML

蘊含獨有抗衰老亮白成分,利用光譜學,光線拆射原理,解決皮膚黯沈現象,肌膚呈現白晢光感..

白色LOTION狀,質感輕盈易推開,保濕度不俗,帶有淡淡香味...

SOTHYS [W.]™+ BRIGHTENING MASK 亮肌晶瑩面膜 $450/50ML

於瞬間發揮極致亮肌功效,令膚色均勻,透出眩目光澤..

白色CREAM/CLAY MASK..

均勻搽上面,等約15MINS即可用溫水洗去,用完皮膚係明顯白淨得多,唔會覺得乾之餘,反而水份好足夠,增加皮膚彈性,呢個MASK真係超級GOOD!!!

三件產品之中,我最鐘意係個MASK,因為即時見到效果,不過要KEEP住當然要用埋佢全線產品先得啦!!平時既美白產品保濕方面都會略為遜色,但SOTHY [W.]™+全新亮肌系列就完全冇呢個問題,保濕度非常之高,連乾性皮膚用都可以..

因為我冇用佢既精華素,所以去斑方面唔算明顯,不過淺印我覺得有少少改善,但整體膚色係均勻亮澤O左;而且佢質感易吸收,用後唔會覺得有黏膩感,幾O岩而家天氣使用...

皮膚大掃除好物@SOTHYS

早前收到一份做SOTHYS FACIAL前既TRIAL SET,可以比我事前嘗試一下佢地既產品先.因為做DEMO時我對佢既PEELING同DEEP CLEAN非常有興趣,所以急不及待就開黎用啦...

今次我試既係打O左星O個2包,GOMMAGE BLOLOGICAL SKIN PEELING同DESQUACREM....

GOMMAGE BIOLOGICAL PEELING

一包分量只可以用1次,質地係白色CREAM狀,乾手乾面推開薄薄搽一層...

待7-8成乾(會見到變得有少少MATTE狀),再用手輕輕捽開,呢個時候會有好多屑出黎,最後用濕化妝棉/SPONGE抹走,用清水洗乾淨就OK...

用完真係覺得乾淨同滑O左,尤明鼻翼位同下巴...

DESQUACREAM

呢個DEEP CLEAN既質地同用既方法好特別,佢係膏狀,每次其實用手指頭位咁多已經OK,用之前加水溝稀佢,再全面搽勻..

差不多乾就用濕既化妝棉輕抹,再加少少水O係面打圈,待乾再抹,如是者重覆3次到,直至抹乾淨為止...

真係超級乾淨,最驚喜係PEELING+DEEP CLEAN冇令我敏感既皮膚過敏不適,因為平時我唔會2樣同時做O架,而且用完又唔會話覺得好乾,當然你鐘意可以之後敷番個保濕MASK啦,不過耐唔耐一次咁當做大掃除都唔錯喎!!

ALCHEMY TECHNOLOGY BEAUTY 艾卡美科技美容

尖沙咀漢口道39-41號怡達中心1樓

http://www.alchemybeauty.com.hk/