DIY E-NAIL: VALENTINE'S IN ORANGE篇

 

過去既聖誕、新年、農曆新年在一個月內過晒,所以我既忙碌程度亦都達到十級..
從MIRUKU團購回來既E-NAIL一直都未有時間玩..
只有過年假期中先有試過油下:P



除O左藍色O個枝之外,其餘4枝都係新買既..
不過我枝好鐘意既粉紫色比我唔小心倒瀉O左一半,勁肉痛>_<...



既然係DIY,當然要出動埋個E-NAIL彩繪盒啦...
不過只要2隻色就夠啦..

前日收到指彩卡,圖上既喜鵲圖好靚,等我下次多D時間先試..
今次就油個簡單VALENTINE款先啦..

我用O左E-NAIL ORANGE色..
初初買以為係PINK添,原來油出黎係帶橙,不過都好靚!!!
P.S. E-NAIL既甲油都係要去試下色先買,因為樽身同油出黎有時會有出入..

其實好易畫,跟圖有教STEPS...

再油個TOP就搞掂..

呢個色顯得對手好白...
搽O左TOP會KEEP得耐D...

E-NAIL其實好O岩懶人搽..
1. 唔需要搽BASE.
2. 可以用暖水浸成塊撕走..
3. N年唔搽杰O左加水溝番就得..
4. 水劑配方手殘人士都HANDLE到..

所以我冇咩時間就會搽佢,夠方便,仲冇化學味道,兼有香味..
最好係用O左指甲唔會黃..

而家貴O左要$115枝唔平,不過你可以用到一段時間....
VIP就有9折,或者你可以等佢有團購先買,不過佢好似一年最多1次,HAHA..
如果唔係O個時買O左幾枝OPI,我應該會再入多幾枝..


http://www.miruku.com.hk/

DIY E-NAIL: 甲虫篇

因為E-NAIL係以水做基底,就算O係公司搽都唔會成個OFFICE一陣攻鼻既味道,所以擒日襯公司冇人就拎O左SET NAIL PAINTING KIT返工畫甲啦,今次我係想畫甲蟲呀...

工具: E-NAIL(藍色)1枝,2枝KONAD雙頭彩繪筆(黑&白),E-NAIL NAIL PAINTING KIT..

完成品...

CUT到D指甲短晒,用黎畫CUTIE既圖最O岩,而且用咁SHARP既藍色都唔會誇,左手當然係畫得好D啦,不過右手都尚算過得去既,仲有進步既空間...

今次用既色都好簡單,油完2層E-NAIL,再用PAINTING KIT既紅色油打底,黃色油點點,之後畫甲蟲既眼同圖案都係用KONAD雙頭彩繪筆,其實唔使搽好耐,係簡單易學既圖..

今次都幾滿意呀,而且DIY畫甲真係好好玩,同印甲係另一樣野,下次再諗下整咩先..

KONAD印甲第三十回--新版貓貓+心心甲

買O左兩塊新版成個月,但一直都未有時間玩,加上最近愛上O左E-NAIL同畫甲,變相冷落O左D KONAD版添!!所以襯最近玩甲興致返番黎既時候,拎出黎玩下先..

上次去新年甲班拎O左枝ECO NAIL G190閃粉紅甲油,一於用佢打底,加KONAD閃黑金印油做漸變同印圖,簡單又快呀,用O左半個鐘就搞掂....

版就用M83既貓貓同心心圖案....

完成既圖...

基本上係懶人印甲法,照印個圖上去,再加下D細既花,心心,雀仔O係側邊咁,整埋漸變就搞掂啦!!,ECO NAIL既閃粉甲油真係好正,夠閃又密度高,搽2層唔需要用有色甲油打底都OK,而且佢唔傷甲呀..

而且個圖夠大,就咁單印已經好靚...

最近D指甲長番D,可以玩番D花款,唔知下次大家想睇我畫甲定用KONAD印甲呢??

賀年甲款特別班+入手超好玩DIY E-NAIL~~

新年前真係好忙呀,一黎忙自己野,二黎忙屋企野.所以我已經有一段時間冇玩甲啦,上次買番黎D野幾乎都未用,所以O係FACEBOOK見到MIRUKU搞賀年甲款特別班,即刻搵埋2個朋友齊齊JOIN先...

我揀O左上圖個"萬紫千紅迎兔年"甲款,不過就轉晒D底色同彩繪漆色..

底色: ECO NAIL H359

彩繪漆: KONAD NO.10 DARK ORANGE & NO.11 GOLD BROWN

印版: NO.67

白兔仔: E-NAIL 玩彩盒 (白色) + KONAD兩用彩繪筆(黑/粉紅色)

因為O個日我有D趕時間,所以只係畫O左2隻兔仔咋..

原來SET E-NAIL玩彩盒好好玩O架,又易畫同快乾!!!另外終於用到KONAD兩用彩繪筆啦,我買O左2枝黑同白都未開過,而家試完返去要即開先得...

P.S.開班日期去到2月2日年三十晚,有興趣就快D去預約啦,時間係先約先得..

賀年甲款特別班報名詳情:

http://www.facebook.com/home.php?#!/photo.php?fbid=500254148543&set=a.429735443543.201924.347176338543

一場黎到MIRUKU,我點會空手而回先得O架,當然入手O左2枝E-NAIL水指甲玩下啦,呢個藍色P250好靚呀,又實色,市面比較少有,另外仲買O左枝黑色M097,不過未有現貨,要遲D先拎得啦..

最近天氣好乾燥,甲邊有好多硬皮同倒刺,所以入埋枝ECO NAIL特效滋潤指緣油,方便我擺O係公司用都得...

既然我講得SET E-NAIL玩彩盒咁好玩,點會唔入埋呀!!!!我買O左E-NAIL水指甲,只要加$250就可以換購一盒啦,有成10色O架,而且因為佢係水性指甲油,我仲可以溝色用,鐘意DIY畫甲既朋友一定唔可以錯過,聽JACKIE講唔係有好多存貨咋,賣完就冇啦,好搶手!!!

盒入面仲有本書仔,教你點用佢既工具畫唔同圖案,好有用O架...

而且仲有唔同畫甲款比你做參考,返到屋企我都忍唔住試畫下個企鵝圖案先..

有晒STEPS好易跟,畫得似唔似呀???

搽埋TOP仲靚喎...

底色: E-NAIL P250

企鵝: E-NAIL玩彩盒(白色,黃色,黑色),E-NAIL P250(溝白色變粉藍色),KONAD兩用彩繪筆黑色

下次我想試畫甲蟲OR鯨魚,大家有冇心水想睇邊個????多人揀既我就畫佢先啦,會出埋STEPS比大家睇O架...

銷售點:

MIRUKU SHOP

E-NAIL DETAILS:

http://www.facebook.com/konad.miruku?v=photos#!/album.php?aid=37063&id=119978728024751

ECO NAIL FANPAGE:

http://www.facebook.com/Econail

是日購物: MIRUKU入貨記**新版到手啦**

最近因為好忙,所以少O左出甲文,不過我仲係一樣咁鐘意玩甲O架,所以之前去O左MIRUKU入貨,對上一次好似差唔多半年前買LU...

入O左2枝粉色印油+1枝深色印油,2枝雙頭筆同6塊版(仲有2塊新版當時未拎..)

其實我仲想入多D粉色油,不過我之前少用,想入少少試下難唔難襯先,如果OK再買..

4塊版...

黑白雙頭筆各一枝..

82同83新版終於到O左啦,今日即刻去拎,好靚呀...過2日試下先..

仲有幫朋友入既2枝TOP,佢雖然整O左GEL甲,不過都好鐘意用佢,因為搽O左佢就可以KEEP住好令O架..

一場去到當然要玩下佢新入既水性指甲油E-NAIL啦,真係好水好易搽,而且完全冇難聞既味,反而有唔同香味同甜味,我好想入呀,原價$110枝,不過VIP價$180/2枝,$500/6枝,有興趣可以隨時去MIRUKU SHOP試玩,佢地好NICE O架,今日我試玩O左好耐添...

http://www.facebook.com/home.php?#!/miruku.shop