可愛草莓小花甲+自然妝

對於有睇開我網址既朋友,都知我好鐘意玩甲,而SASATINNIE甲油我更買過十幾二十枝,亦都推介過比唔少人用,因為實在係便宜又好搽,而且色靚,點可以唔入番D!!!最近佢推出O左春夏新色,仲有唔同既香味,包括ROSE,BLCAKBERRY同MANGO,一向係ROSE味道愛好者既我當然係揀佢啦..

SASATINNIE P718 ROSE

搽上甲顯色度係非常高,2層已經好靚,而且唔易有紋同一撻撻,乾O左仲有ROSE味..

紅色甲油令對手望落更加白呀...

不過我又點會只係油甲咁單調,當然要整D圖案上去啦,就快夏天用紅色甲油,都可以整得好COLORFUL又CUTIE O架,唔一定用紅色就會好成熟..

我用O左白色畫個圖既底先,搽O左D士多啤梨同花花,再用黃色點花蕊,最後用綠色畫士多啤梨既莖同葉就OK啦,好EASY又特別...

再上TOP COAT就搞掂,完成圖就係咁啦..

個甲整到咁紅,妝容我就以自然為主,尤其春夏天咁熱咁濕,我覺得打好個底最緊要,眼妝用EARTH TONE加淡淡既胭脂同LIPGLOSS就OK,望落精神又乾淨..

其實我仲有畫O係假甲度,練習下先畫真甲,如果少畫甲既SIS都可以學我咁做O架..

用O左甲片用黎影相真係一流,自然淡妝襯COLORFUL甲,我覺得唔錯喎!

 

SASA FACEBOOK