好野係要繼續用~~

 生活O係香港,每日都有不同新品牌新產品出現;雖然我依然好熱衷於試新野,不過遇上合適既總是會KEEP住買完又買,原因好簡單,就係因為好用...

早前O係美容展再度入手既MANE'N TAIL DEEP MOISTURIZING系列已經O係夏天用緊,不過最近開始踏入秋涼之際,除O左皮膚變乾之外,頭髮都唔例外,所以唯有轉用HERBEL GRO系列急救下...

有留意我網誌既朋友,應該都有印象HERBAL GRO系列早兩年前已經用過(重溫按此),但當時頭髮無漂染過,用SPRAY(重溫按此)已經可以解決髮絲飛散既問題;不過最近一年經過不斷染髮之下,我既頭髮已經同一頭亂草無咩分別,所以今次就加埋TREATMENT CREAM試試...

MANE'N TAIL不論係咩系列,包括最滋潤既HERBAL GRO SHAMPOO & CONDITIONER($88/355ML),洗完頭皮都係好清爽乾淨,只係有部份產品會更加針對頭油/頭皮問題而已...

用完頭髮好有光澤感,柔軟而且易梳..

一開始轉季,每朝瞓醒床上都會有唔少頭髮甩掉(長頭髮係要更加明顯),初時以為係洗唔乾淨????但原來係時候轉洗髮用品,所以用番HERBAL GRO系列就OK啦..

至於我既一頭亂草,單靠洗髮護髮用品係解決不了,因為頭髮乾透之後,毛燥同乾燥既髮尾會更加明顯,所以要加埋HERBAL GRO TREATMENT CREAM($92/156G)...

指引上每次係用2粒豆份量,不過我係長頭髮又好乾,所以我係要用上半粒車厘子份量先夠,只要捽到變透用,就可以搽O架啦..

我最鐘意係佢用O係濕/乾髮都可以,因為呢類產品,我多數係早上出門前用,有部份係需要用O係微濕既頭髮上,但我唔鐘意濕住出街,又冇時間吹頭,唔整濕既話乾O左又會好笠喎!!!所以一直都好煩惱.................直至搵到呢罌CREAM,搞掂晒!!!

搽完依然係覺得清爽,唔會一束束比較自然,但毛燥既感覺係明顯改善O左!!最重要係佢超大罌,應該夠我搽半年以上^^

慳家TIPS:

MANE'N TAIL平時唔係成日做PROMO,所以不妨選擇網上訂購,單買或者套裝都有折扣優惠O架!!

http://www.manentail.hk/

平價都有好妝物:用SAVA莎曼打造台灣美眉自然眼妝

要完成一個漂亮既眼妝,所需要既彩妝品就至少要用上4-5樣,動輒可能要花費近千元;對於化妝新手或者平日少化全妝既朋友黎講,絕對係一筆額外既消費,所以平靚正既開架品牌就最符合你地既要求...

ENID台灣美妝最近加入既新品牌SAVA莎曼,單睇包裝你係絕對估唔到佢咁平,以上一堆彩妝品,加埋都係三百多元,實在係抵玩!!!!

SAVA莎曼魔幻眼妝盒#02 $68

顯色度非常之高,而且夠實色,質感亦都好幼滑,完全唔似幾十蚊貨色...

1) SAVA驚艷立體眉粉($68): 有2格深淺啡色眉粉,1格眉GEL,用完眉形變得明顯,顏色亦都好自然,二合一設計夠晒方便...

2) JEALOUSNESS防水眼線膠筆(黑色/$120): 易上色又防溶,先用黎畫一條內眼線..

3) SAVA超防水濃眉大眼線液(黑色/$68): 筆係唔夠實色,所以我會加多一條液體眼線,令線條更明顯...

4) SAVA魔幻眼妝盒(#02/$68): 用盒內1號既深閃啡色,疊O係眼線上BLEND開,亦搽少少O係下眼線位..

5) SAVA魔幻眼妝盒(#02/$68): 再用盒內2號既閃灰色搽雙眼皮位同下眼線位BLEND開..

6) SAVA魔幻眼妝盒(#02/$68): 最後用盒內3號淺銀紫色打亮眼蓋..

7) SAVA天使光晶鑽眼影盒(#01/$48) & MASCARA: 打亮眼頭同下眼線前半部,搽上MASCARA就完成啦..

8) 當日出街6小時之後,依然冇甩過色,掂呀~~

平時我既妝容都係偏向自然,用上SAVA同JEALOUSNESS眼妝產品,有冇一點台灣OL既風格????!!!!打完文之後,我已經比SAVA既產品燒著O左,我要買佢個3格遮暇膏呀,又係$68咋,抵抵抵!!!!

ENID台灣美妝專門店

http://www.enid.com.hk

水份UP UP UP@CLARINS水潤活肌保濕系列

CLARINS除O左LIFTING既產品出色之外,最近使用全新推出既HYDRA QUENCH水潤活肌保濕系列,只係短短一星期既時間,效果已經好理想...

CLARINS HYDRA QUENCH INTENSIVE SERUM BI-PHASE

水潤活肌保濕精華

$480/30ML

獨有既水溶性、油溶性配方,結合80%水份層及20%滋養層,先以高水份透明質酸保護肌膚表面,再透過印加花生萃取精華修復角質層中既水脂膜及細胞間質;再以卡塔夫樹皮萃取精華及鹿角菜萃取精華促進表皮層既天然保濕機制,最後低份子量透明質酸滋養真皮層儲水量,讓肌膚層層充滿水份...

因為有水油2層,所以每次用之前都要輕輕搖勻,令所有精華混合..

水狀帶淺藍色,輕易推開及吸收,肌膚即時感覺如絲柔滑,而且有滋潤感...

最近轉季天氣變涼,皮膚變得好易乾,有時仲甩皮添,所以用呢隻精華真係非常適合;每次只要1-2泵,同時補充水份同油份,但又唔會覺得有黏膩感,摸上手仲好滑,敏感皮膚都可以放心搽O架!!

CLARINS HYDRA QUENCH CREAM-MELT (FOR ALL SKIN)

水潤活肌保濕霜(任何肌膚)

$420/50ML

分別有3種質地,照顧不同皮膚性質需要。加入專利抗污染複合物,加強皮膚抵抗力,減少污染對皮膚水脂膜及保濕功能既影響;而且花揪花蕾萃取精華可以令肌膚更加紅潤健康,形成如絲般既保護膜,舒緩缺水肌膚...

白色CREAM狀,帶有淡淡香味(我覺得好似我用開既印花衛生紙味,HAHA..),推開好水潤,令肌膚呈現光澤感...

搽完精華之後,只要用上一粒大豆份量,已經足夠全面使用,感覺皮膚充滿彈性,即時解決乾紋甩皮,不油不膩,FOR ALL SKIN呢款現時秋涼時幾O岩用,就算夜晚開冷氣都OK唔會乾...

有時大攰或者趕時間,我會將精華同CREAM溝勻就搽上面就走得,係懶人O岩用既方法,HAHAH...

另外我平時用開既粉底有少少乾,想搽得夠潤又薄貼,可以將1泵精華混合粉底,用SPONGE印上面,加少少碎粉已經好自然...

http://hk.clarins.com

水份UP UP UP@CLARINS水潤活肌保濕系列簡介會

星期日--應該係唔少上班族難得可以瞓到自然醒既日子,當然我都唔例外啦........如果冇地方要去的話;上星期我未到中午12點就起身(對我黎講已經早O架啦),去到九龍灣CLARINS新OFFICE...

其實係參加全新HYDRA QUENCH水潤活肌保濕系列簡介會...

了解同親身試下新產品...

HYDRA QUENCH INTENSIVE SERUM BI-PHASE...

HYDRA QUENCH CREAM-GEL、HYDRA QUENCH CREAM-MELT、HYDRA QUENCH CREAM..

枱上除O左有全新HYDRA QUENCH系列之外,仲有卸妝產品同TONER俾大家可以即場試用...

因為我只試上手,所以只用上卸妝水同TONER抹做清潔同爽膚先..

水潤活肌保濕精華同一般精華不同,係有水油2層,用時要搖勻先吱出黎..

水潤活肌保濕霜有3種不同質地,分別適合乾性、中性、混合性皮膚使用..

使用前後職員都有同我地測試下水份,唔知點解我本身皮膚既水份都幾高,大家都係3X/4X%,我第一次測有81%,第二次大幅減少都有64%,HAHAH...用完之後第一次測係84%,第二次係69%,儘管我水份唔低,但都有明顯上升...

O係乾燥日子,除O左只搽上合適既保濕產品之外,仲需要定期敷個加強版MASK,只需要全新HDYRA QUENCH INTENSIVE SERUM BI-PHASE、CREAM MASK同皇牌TREATMENT OIL..

吱上適量既MASK,再加4-5滴OIL同4泵SERUM,溝勻就可以敷上面O架啦,我用上手都明顯白滑O左,現場有試上面既BLOGGERS都話唔錯,而且只要5分鐘,真係幾方便..

最後每人拎走兩件產品返去試用,其實我已經用O左有一星期時間,過2日就會出文分享,有興趣知多D資料同用後感,就要留意啦^^

http://hk.clarins.com

SOYJOY COOKING CLASS: 大豆士多啤梨海棉蛋糕

SOYJOY COOKING CLASS: 大豆士多啤梨海棉蛋糕

相信大部份女士們,單睇見賣相精緻既甜品,都已經覺得好興奮,要是可以吃一口,臉上必定充滿幸福滿足既表情!!不過......你知道一個蛋糕既製作,係需要幾多牛油、奶油、糖..等等高脂高糖既成份嗎???唔想滿足口腹之慾同時又長了肚子,就要睇下我上星期參加既大豆士多啤梨海棉蛋糕製作班啦..

今次活動係O係SOGO CLUB舉行,換上圍裙之後就GOGOGO...

房內擺滿SOYJOY大豆滋味棒同家族成員....我最鐘意粒"啦啦豆",好搞野!!!

正式製作之前,當然要講解下大豆既營養同對健康既好處啦,除O左有豐富既蛋白質,入面既大豆異黃酮對女性周期/更年期不適都有幫助,而大豆纖維素就可以改善腸道問題...

不過香港人生活忙碌,未必每日都可以進食足夠份量既大豆,而SOYJOY大豆果滋棒屬於低GI食物,每條由50粒大豆製造,仲加有不同生果,好味飽肚又有益,係吸取大豆營養既另一個好方法...

到師傅示範啦...真係"大師一出手,就知有沒有"..AHHA...

海棉蛋糕底

1) 蛋白以電動打蛋器打至略杰,再加糖加至企身..

2) 加入蛋黃拌勻..

3) 將已混合既大豆粉、麵粉加入蛋醬中...

4) 最後加入已溶既牛油拌勻...

5) 以190度焗15分鐘...

大豆忌廉

1) 將忌廉、糖、大豆粉及煉奶混合打起..

2) 將焗好既蛋糕橫向切成兩半

3) 在一片蛋糕上吱一層忌廉,鋪上士多啤梨..

4) 再吱一層忌廉..

5) 蓋上另一片蛋糕..

6) 面上吱上忌廉,可加士多啤梨或其他水果作裝飾..

7) 水果面掃上啫喱水,將SOYJOY大豆滋味棒切開/弄碎加面即成..

之後就係自己動手時間啦..

因為整時對手唔太方拎相機(衛生問題),所以過程我冇咩影,要睇STEPS可以睇番上面師傅既示範,不過值得一提係大豆粉,入面有一粒粒碎,我覺得好特別,而且整出黎既CREAM係會淡口一D,O岩晒唔太嗜甜既我...

整完就係咁啦,都算對得住江東父老掛.......!!!!:P

加上SOYJOY大豆滋味棒絕對係點晴位,因為淡口既大豆CREAM加有口感又甜甜地既滋味棒碎係VERY GOOD既配搭,不過味道最好配合番,好似今次我就係用上士多啤梨味啦,如果加香蕉味/朱古力味應該會有D怪,HAHA..

大家有興趣想同我一樣動手DIY個大豆蛋糕嗎??遲D仲有一班O架!!!只要你係SOYJOY MEMBER (登記按此)就可以免費參加..

SOYJOY大豆蛋糕製作班

2011年10月1日(星期六）

下午2:30 -5:30
報名日期: 2011年9月20日至30日(名額15名,先到先得)

將姓名、身份證號碼(頭4個數目字)、聯絡電話電郵至soyjoy@otsuka.com

想知道更多詳情,下星期開始可以瀏覽SOYJOY網站:

http://www.soyjoy.hk/

排毒更新@BERNARD CASSIERE土著古方多效面部療程

想去旅行但又銀根短缺???咁就要試下法國專業護膚品牌BERNARD CASSIERE,最近推新既全新土著古方多效面部療程(原價$980),一次過享受黎自新西蘭、日本、摩洛哥、非洲多個國家不同成份既護膚產品,當作暫時去一趟60分鐘既旅遊都好呀....

今次療程O係中環SEASONS FITNESS試做...

地方唔算大,但都幾清靜而且舒服...

房間有點古典風格,換好衫之後就開始療程啦...

全數使用BERNARD CASSIERE TRIBAL產品..

1.卸妝(雙重水瑩卸妝液)

--因為我係放工去做,所以化晒全妝,不過美容師有幫我另外使用化妝棉敷眼,卸除眼妝..

2.清潔(新西蘭療效潔面霜)

--抹完感覺乾淨,吹住冷氣都唔會乾..

3.去死皮(大米澱粉球)

--係成個療程我覺得最有趣既地方,美容師幫我搽O個時仲以為係敷MASK,不過又覺得咁稀又唔似喎!!原來係PEELING黎,只要全面搽上,再等幾分鐘待乾之後,用濕毛巾清洗即可,感覺幾溫和...

4.精華(中北美活氧精華)及按摩面、肩頸(摩洛哥果油、玫瑰精油及玫瑰花瓣)

--先搽完精華再用上油按摩,一向係我最鐘意O個PART,美容師手勢OK,尤其按肩頸力度唔錯,不過時間略嫌短O左D...

5.非洲排毒面膜及彈力緊緻軟膜

--按完就即刻敷MASK所以做完感覺非常滋潤..

6.搽上眼、面霜

完成療程之後,皮膚感覺好乾淨,而且好滋潤有光澤,對於乾性、敏感以及疲倦暗啞肌膚特別適合,只係做完我有少少變O左熊貓眼,因為卸眼妝唔乾淨啦,係唯一扣少少分既地方(不過平時做FACIAL最好唔化妝去,就冇呢個問題啦...^^)

銷售點:

SEASONS FITNESS

中環花園道3號花旗銀行中心3樓全層 (2878-6288)

九龍灣宏遠街1號ONE KOWLOON地下 (2995-3009)

天然力量抗衰老@SUKIN

近年愈來愈喜歡使用天然有機既護膚產品,除O左因為特別適合敏感脆弱肌膚之外,我亦覺得製造過程相對上環境既污染較少,既然可以對皮膚、環境都好一點,何樂而不為???!!!

來自澳洲個人護理品牌--SUKIN,就係對環保有一份堅持.因此被列為100%碳中和品牌;而且對於選用既天然成份亦經過嚴格挑選,所有產品更不添加任何傷害性化學物質..

上月出席SUKIN在港舉行新品發佈會,一次過就可以認識晒所有產品

會上由品牌PR MANDY及MANAGER LINDSAY介紹SUKIN既理念同方向,以及今次既主角....

PURELY AGELESS RANGE活顏系列以及NOURISHING LIP TREATMENT..

席間仲有得食一個成份同AGELESS RANGE相似既CUP CAKE添,包括有杞子、藍梅..等等,而活顏系列就係有摩洛哥堅果油、杞子、亞馬遜莓萃取物及其他抗氧化成份...

FACIAL MOISTURIZER SPF15 $220/100ML

較為滋潤既日霜,SPF15足夠日常使用,減少對肌膚造成負擔,感覺當埋底霜使用亦不錯,而且100ML份量十足...

INTENSIVE FIRMING SERUM $210/30ML

稀身乳液狀,質地爽身但都幾保濕,帶少少滋潤感,喜愛清爽觸感既一定要試..

BOTANICAL HYDRATION BOOSTER $210/25ML

雖然係油狀質地,但推開頗為水潤,當日試完皮膚即時吸收晒,真係好O岩乾性皮膚或者天氣乾燥時使用...

NOURISHING LIP TREATMENT $75/10ML

膏狀但輕易推勻,即時感覺好滋潤,又唔會成咀油...

REPLENISHING NIGHT CREAM $190/60ML

質地比舊裝更清爽易推,雖然係晚霜,但好保濕亦唔黏笠...

NUTRIENT RICH HAND CREAM SPF $150/100ML

有防曬系數既HAND CREAM市面比較少,而且仲要咁大枝的確係好抵用,質地夠滋潤,雙手既乾紋搽完即時變少..

除O左SKINCARE之外,其實仲有小童用既護理產品,天然有機成份,特別適合皮膚幼嫩既小朋友使用;而且充滿著有趣既環保教育,讓他們從小就有環保概念...

EDDIE ENERGY SAVER BATH+BODY WASH $135/500ML

RUBY RECYCLE HAND WASH $135/500ML

WES WIND FARM GENTLE CONDITIONER $135/500ML

WENDY WATER SAVER GENTLE SHAMPOO $135/500ML

SIMON SOLAR SOOTHING SPRAY $95/125ML

最後仲拎走一SET PURELY AGELESS RANGE系列產品同NOURISHING LIP TREATMENT添,等天氣轉乾一點,我就會馬上開黎試^^

SUKIN FANPAGE (按此)

銷售點 (按此)